Madiu 25:34 - Buki Kimaasabaina

³⁴ E tuwo tauyadi Tokalibúbuna kakataina goi bei ilatuwokoidi kana, “Komi Tamagu bogina ikaipaakuyemi kōma ina kalibúbuna sinaena goi dogoi dedevidi boi ikatootuledi bei ivinimi. Dogoiyadi boi poyapoya ana kaba vatowo goi bogina ikatubayasidi manumi.

Madiu 25:34 ပူးပေါင်းရင်းမြစ်များ

Madiu 13:35

Tauna Yaubada ina tokabivalavala ina talavaita imalatomotamna. Boi tokabivalavalayana idigo kana, ‘Bei alivalakaibala tomota yaidi. Kaga boi poyapoya ana madagina kunu goi Yaubada ivaamoudi, e yau bei atalavaitedi.’ Same 78:2

Madiu 19:29

Ago avatau neta ina vada o senao o niunao o tamanao o sinanao o natunao o ina kaba lovina ikalavedi yau yoigu pasina, e ana katumapu ivakaigaga toina bei ibabane be nakae yawoina vata bei ibabane.

Madiu 20:23

Yeisu idigo kana, ‘Moitamo, yau guna keiga goi bei konim. Go yau geya agu lovinamo alovina bego avatau kakataigu o kekeligu goi itusobu, go sem aba tusobuyadi Tamagu bogina ikatubayasidi tauyadi kiinavaidi manudi.’

Madiu 21:5

‘Saiyoni natuna vavina kolatuwōko kami, “Gwa! Im Tokalibúbuna ma sakuululuna ase yatana iitulaga; aseyana moe ase bonatuna. Go im Tokalibubunayana iimekoim.”’ Sakaraiya 9:9

Madiu 25:21

Ina tomoyayana idigo kana, “Dedevina! Kom guna pákwana dedevim be nakae . Bogina kuvatulukoigu itoboinegu konagu maniyedi giyaidi goi anumisem. Tauna bei avayokoim kom konagu maniyedi gagaidi adi tomatakavata. Kūma guna kaba uyáwana kusīuko.”

Madiu 25:23

Ina tomoyayana idigo kana, “Dedevina! Kom guna pákwana dedevim be nakae aba numisa. Bogina kuvatulukoigu itoboinegu konagu maniyedi giyaidi goi anumisem. Tauna bei avayokoim kom konagu maniyedi gagaidi adi tomatakavata. Kūma guna kaba uyáwana kusīuko.”

Madiu 25:40

Go tokalibubunayana bei idigo kana, “U, moe moitamo go, ame alatuuwokoimi konōve: Tutayana moe guinuwayadi koguuinuwedi siyagu tayamo yaina, nakona tauyana nuwotookaina, e moe nakae yau yaigu koguuinuwedi.”

Madiu 25:41

E toogoyoidi kekelina goi iiyatoidi bei ilatuwokoidi kana, “Komi Yaubada bogina itakinoimi toogoyoimi. Tauna kosiyaēgu kōna yeu aiyako vaatayaina! Yeuyana Yaubada bogina ikatubayasi mana aneroseyao manudi.

Madiu 27:37

Go ana píkwana aisika paaevaina tayamo goi sigini, dabana diligaemaina goi situpatuko. Ana pikwanayana kana, ‘Ame Yeisu, Diyuu adi Tokalibúbuna.’

Madiu 3:2

idigo kana, ‘Kotugavīla! bogina imaiyaba bei itoboinemi kosiu.’

Madiu 5:19

Tauna avatau neta lovina tayamo giyaina Yaubada ina Katukeda goi ikapipilave be nakae tomota ivatulukoidi nakae siguuinuwe, e goi bei ivayoko tauyana toosobuna. Go avatau neta lovinayadi Yaubada ina Katukeda goi be tokabivalavala idi gínina goi ikabikaonedi be nakae tomota ivatulukoidi sikabikaonedi, Yaubada ina kalibúbuna goi bei ivayoko tauyana toolagaina.

Maki 10:17

Niga Yeisu itaoya bego ina go, koroto tayamo ilokoina ima Yeisu matana goi aena ivatugúyala, idigo kana, ‘Tovatulúkwana, kom todedevim. Ava guinuwa aguuinuwe bei yawoigu vata ababane?’

Maki 10:40

Go yau geya agu lovinamo alovina bego avatau kakataigu o kekeligu goi itusobu, go sem aba tusobuyadi Yaubada bogina ikatubayasidi tauyadi kiinavaidi manudi.’

Luke 11:28

E kina go Yeisu idigo kana, ‘Moe geya, go sem avatau neta Yaubada ina livala inove be ikabikaone, tauyana ana dedevina bogina ibabane.’

Luke 11:50

Moe bego tokabivalavala liliudi ikaikaidi adi dau boi nimatu poyapoya ana kaba vatowo goi go, ima ame tuta moe komi be nakae tomota komi nakae imi puwoya.

Luke 12:32

Komi guna nakae. Geya kobadebadeta go, Tamada bogina ikinavemi bei ina kalibúbuna ivinimi. Tauna taabu koomatōita.

Luke 19:38

Idi yapaliyana goi sidigo kadi, ‘! Same 118:26 Tuboina yábana goi bogina ikaaiyaka. Maeko ee, Yaubada diligaema toina aba taimámina!’

Iyoni 1:49

Natanielayana idigo kana, ‘Tovatulúkwana Toolagaim, kom Yaubada Natuna! Kom kai Isileli tubunao ima !’

Iyoni 12:13

Tuwo magimagi libidi sikabidi, asa goi sisowóduwo sima Tauyana sivalobode. Sima siiduduwo kadi, ‘Tauyana yoina takilagāsi! Tauyana ! Tauyana kita ida Tokalibúbuna!’ Same 118:25-26

Iyoni 17:24

Tamagu, tauyadi boi kuuvinigu latuwogu bego nako goi akaaiyaka kidi taiyao. Moe bego itoboinedi im togaga ana káeyana yaigu goi sigite. Namlieta poyapoya kumadagi, kumatakoiyegu, tauna im togaga ana kaeyanayana boi kuvadamane yau yaigu.

Iyoni 19:15

Go kidi tauyadi siduduwo sidigo kadi, ‘Kunāve! Kunāve kerose goi kutupatūko!’ Go iya Pailatoyana kana, ‘Manakae? Bego guna tovayaviyayao alovinaedi imi Tokalibúbuna kerose goi situpatuko?’ Go kidi Tonúwala Gagaidi sidigo kadi, ‘Kai ima tokalibúbuna tayamo toito, moe Sisa!’

Guinuwa 15:18

Ame guinuwayadi boi nimatu go, ima ame tuta tomota bogina siyagoidi.

Guinuwa 3:26

Tauna Yaubada ina ikinave go, ietune ima mainao kita yaida bego ikaipakuyeda ame nakae: Kita liliuda ida sinapu goyo goi bei ikaigavileda.’

Roma 8:17

E kita natunao, tauna kaga Yaubada boi ikaatotule tomoeeyalina tasiuko Guyau taiyao.

1 Korinta 15:50

E ame alatuwokoimi, segowo, bego sakava be ikaika geya itoboinedita bei Yaubada ina kalibúbuna goi sisiu. Moe nakae kaga idaudáura geya itoboineyeta bei ikaiyako vata.

1 Korinta 2:9

go sem geya siyagoiyeta nakae bogina idige kana, ‘Dogoi dedevidi Yaubada ana tomatakoiyao manudi ikatubayasidi. Amo dogoiyadi tomota geya sigitedita, geya sinovedita be nakae geya sinuwedita.’ Aiseya 64:4

1 Korinta 6:9

Nakona geya koyagoiyeta toogoyoidi geya adi kaiguyaumo sinaena. Taabu kokatuubaūmi. Tomasisi goyogoyo, yaubada polapola adi tosakululu, toroerata, tauyadi koroto koroto taiyao simasisi,

Galetiya 5:21

matakikiwo, aumata, bwae toogagaina goi siyaluwo, uyawana owáowana be nakae ava sinapu ame dogoiyadi nakae. Boi akatumatalimi go, tuwo aiyuwoina akatumatalimneimi bego avatauwa neta dogoiyadi siguuinuwedi, e goi geya sisiuta.

Epeso 5:5

Moitamo. Ame nakona bogina koyagoidoko bego avatau neta tomasisi goyogoyo o toogoyoina o tomatakónana (Tomatakonanayana moe yaubada polapola ana tosakululu) be Yaubada idi kalibúbuna goi bei geya isiuta geya.

1 Tesalonáika 2:12

Ame nakae: Kakipaiiwolemi, atemi kavapatuupatudi be nakae kakaugeogéona bego kooketoiya nakae Yaubada ina bodao itoboinedi. Ame Yaubadayana iduuduwemi tomoeeyalina goi kosiu.

2 Timoti 2:12

Neta ida mou goi tamesayágana, e nava bei Guyauyana taiyao takalibúbuna. Neta Tauyana talawoiwoiye, e nava bei ilawoiwoiyeda.

2 Timoti 4:8

Tuwaina, guna vaiwówana bogina ikaaiyaka, ida Tomoya, Tauyana Totakínona kiboobosina, bei ivinigu. Vaiwowanayana moe yau kiboobosigu Yaubada matana goi. Ago yau aguta geya iviniguta, go sem avatauwa neta ina sowoduwoyana siyaledoko, e adi vaiwówana bei ivinidi.

Iberiu 1:14

Go anerose kaga? Madabokidi baloma nakae, Yaubada ina tovaitayao ivamoleyedi sima bei kita ada yava taababane sivaiteda ae?

Iberiu 11:16

Go nakae geya siguinuweyeta. E kidi latuwodi asa ituli, asayana moe yábana, e toinidi idi kasa idedevinasave. Tauna Yaubada geya iomaemaedita neta siduduwe kadi, ‘Kom ima Yaubada.’ Moe moitamo unana idi kasa bogina ikatubayasi, tauna tayagoi geya iomaemaedita.

Iberiu 4:3

Ina kaba waiwasiyana goi kita tonumisa tasiu. Aba waiwasiyana moitamo ikaaiyaka nakae Yaubada idige kana, ‘Nakae boi guna egamogamogu goi bogina toinigu yoigu goi akatótula kagu, “Guna kaba waiwasi goi bei geya sisiuta!”’ Same 95:11 Moeko goi tayagoi tomota ida kaba waiwasi bogina ikatubayasi boi nimatu kaga liliuna ana madágina ana kaba lukavava goi.

Iberiu 9:26

Neta Guyau amo Tonúwala Tolagaidiyadi nakae, itoboine tuta tuta gedageda ilotowo poyapoya ana madágina kunu goi go, ima ame tuta goi. Go moe nakae geya isowoduwoita, go sem bogina sivatayamo tauna tuta ana kaba lukavava goi isowóduwo ina toinina ikasale ámasa goi goyo ana táuwa manuna.

Yemesa 2:5

Konovēgu, guna kaloyao! Tookaidiyadi da poyapoya matadi goi sitokai go, kina Yaubada ikinavedi idi numisa pasina siguyau be nakae ikalibubudi nakae boi ikaatotule Tauyana ana tomatakoiyao yaidi ae?

1 Pita 1:9

Imi uyawanayana unana imi numisa keuwoina bei kobabane; keuwoinayana moe ami yava.

1 Pita 3:9

tomota idi goyo yaimi taabu goyo goi kokatuumapūdi. O neta tomota sitagiwoimi, taabu tagíwaya goi kokatuumapūdi, go sem . Nakae koguuinuwe unana moe manuna Yaubada iduduweda bego ikaipaakuyeda, e tauna nakae tauyadi takatumapudi.

Nuwogau 13:8

Da poyapoya liliudi bei woiwoiyana yaina sisaakululu. Amo da poyapoyayadi yoidi Yaubada ina madágina kunu goi go, ima ame tuta goi yawana vata bukina sinaena geya iginidita. Amo bukiyana moe ina buki. Lamiyana boi nimatu sikaaumate.

Nuwogau 17:8

Amo woiwoiyana kugitegite boi mainao maa yawoina ikaaiyaka go, ame geya, nava bei masi gagaina goi ituko ima go, niga bei ivailai vata. Tauna da poyapoya neta Yaubada ina madágina kunu goi go, ima ame tuta yoidi yawana vata bukina sinaena geya iginidita, bei sikainaopa.

Nuwogau 19:16

Go ana kwama maanawena goi be nakae dibuwatuna goi yoina sigini kadi, ‘ liliudi adi Tokalibúbuna be nakae tomoyamoya liliudi adi Tomoya.’

Nuwogau 21:7

Avatauwa neta sitogaga, moe dogoiyadi bei sibabanedi be nakae yau bei tauyadi idi Yaubada go, tauyadi bei avanatunedi.