Madiu 25:13 - Buki Kimaasabaina

¹³ E tauna matami silala koyauyāusa. Moitamo. Komi geya koyagoiyeta ava maliyalina o ava níyala Tomalatomota bei ima.’

Madiu 25:13 ပူးပေါင်းရင်းမြစ်များ

Madiu 24:50

Go pakoninayana ina tomoya ina kaluvilamna geya iyagoiyeta, ava maliyalina o ava tuta bei ima. Tauna bei ivatoope.

Madiu 25:12

Go kina tonaiyana kana, “Moe latuwomi go, ame alatuuwokoimi konōve: Komi geya ayagoimita.”

Luke 21:36

E tuta liliuna matami silala koyauyāusa. Imi yausayana goi kokawanōi Yaubada yaina bego kotogaga bei itoboinemi amo mouyadi giyakainava siisowóduwo kosiyaedi be nakae itoboinemi Tomalatomota matana goi kotaoya.’

Guinuwa 20:31

Tauna koyauyāusa. Konuwāisi boi tala aito goi maliyalina be sabamgo, tuta liliuna ma mataiugu akatusiinapumi.

1 Korinta 16:13

Koyauyāusa. Vatulúkwana mooitamoina goi kotaoyaakavāta. Kokatepātu nakae kotogāga.

1 Tesalonáika 5:6

E tauna taabu taamasīsi tomota geya idi numisamo nakae, go sem tayauyāusa be nakae toinida takabikuunuīda.

2 Timoti 4:5

E kom sem kaga liliuna goi toinim kukabikuunuīm. Mou kubaabanedi im paisewa pasina goi kuutogāga. Vala Dedevinayana ana totalavaita ana paisewa kuguuinūwe. Kom Yaubada ina topaisewa, tuwo paisewayana boi bogina ivinim kuguuinūwe.

1 Pita 4:7

E dogoi liliudi idi tuta ana kaba lukavava bogina ikaponapona. Tauna imi sinapu be imi nuwonúwana kokabikuunuīdi, e bei itoboinemi kokawanoi dókana Yaubada yaina.

1 Pita 5:8

Toinimi kokabikuunuīmi be nakae koyauyāusa. Ada tovakaleya sasasaina nakae mana gou ivanibiníbita ana tomota ilusala bei ikanisave.

Nuwogau 16:15

Ego Tomoya idigo kana, ‘Konōve! Tovaináwana nakae bei ao avatoopemi. Amo tutayana avatau neta iyauyáusa be nakae ana kwama bogina ilosi, e ana dedevina bogina ibabane. Nakae itoboine iguinuwe, govila bei ma paawakuna iiketoiya, e ina omayamaya tomota sigite.’