Madiu 25:1 - Buki Kimaasabaina

¹ tuwaina idigo kana, ‘E tuwo ina sowóduwo bei tétala ame nakae: Wowoiyai adi badabada yawou sikaaiyaka. Idi rampa sikabidi, sisowóduwo sina bego tonai koroto sivalobode.

Madiu 25:1 ပူးပေါင်းရင်းမြစ်များ

Madiu 13:24

Yeisu livalakaibala aiyuwoina ivinima idigo kana, ‘Yaubada ina kalibúbuna ana kaiyaka ame livalakaibalayana nakae: Koroto tayamo witi kutukutudi dedevidi ikabidi, ina ina tánuwo goi isivagaegaedi.

Madiu 13:31

Yeisu livalakaibala tuwaina ivinima idigo kana, ‘Yaubada ina kalibúbuna sinaena goi ina bodayauwo adi vaituwo ana kaigigita alova tayamo kutukutuna giyaina nakae. Kutukutuyana koroto tayamo ikabi, ina ina tánuwo goi ibaguli.

Madiu 13:38

E tanuwoyana moe poyapoya ana madabokina. E kidi go kutukutu dedevidi moe Yaubada ina bodayauwo ina kalibúbuna sinaena goi sikaaiyaka. E kidi go sisinétala moe Togoyoinayana ina bodao.

Madiu 13:47

Tuwaina Yeisu kana, ‘Tuwaina, Yaubada ina kalibúbuna sinaena goi takínona ana kaigigita ame livalakaibalayana nakae: Koroto idi úwata silave négwasa goi, e íyana ituli ituli sikonedi.

Madiu 20:1

Tuwaina kana, ‘Moe moitamo. Vaiwówana ana kaiguyau ituli aiyako sinaena goi. Aiyakoyana tétala ame nakae: Koroto tayamo ikaaiyaka, tauyana toni poyapoya. E nobuyana nava matagougouna itaoya ina asa goi topaisewa ilusala bei ina tanuina goi sipaisewa.

Madiu 22:2

‘ moe tétala ame nakae: Tokalibúbuna tayamo ikaaiyaka, natuna koroto bego inai, tauna ina naiyana aikanina iguinuwe.

Madiu 25:7

E tuwo amo wowoiyaiyadi liliudi sitaoya idi rampa sikatubayasidi.

Madiu 3:2

idigo kana, ‘Kotugavīla! bogina imaiyaba bei itoboinemi kosiu.’

Madiu 5:16

Komi nakae. Imi mavada kokaiwoduwēdi sininínima tomota matadi goi bei imi guinuwa dedevidi sigitedi, e Tamada guma yábana ina togaga ana bei sikamoitamoe.’

Madiu 9:15

Go kina Yeisu idigo kana, ‘Neta nai ana káika goi tonai koroto nava yaimi ikaaiyaka, manakae? Nai ana toyokoyao itoboinedi bei madi sinuwomou? Geya ae? Go sem itoboinedi madi uyáwana sikakáika ae? E diyakímwana ana tuta nava imamaima. Amo tutayana tonaiyana bei siyoisi sinave namlieta baige tauyadi madi nuwomou sidiyakímwana.

Iyoni 18:3

E iya go Yudasayana tovayaviya maniyedi ikabidi be nakae Vada Kimaasabaina ana polisi adi tovakumgoyao maniyedi yaidi goi ikabidi. Ikavava, madi rampa, madi dúgala be madi kaipíyama Yudasa ivakededi sima amoko goi.

Iyoni 3:29

Aba gita tayamo aguinuwe: Korotoyana tonai nakae bei inai. Yau siyana nakae. Yau aataoya tauyana atuuyaosi bego ima. Tutayana tonaiyana isowóduwo, siyana bei iuyáwana gagaina tutayana tonaiyana niyana inove. Yau nakae auyáwana gagaina tutayana korotoyana ina guinuwa valena kutaalavaite anove.

Guinuwa 20:8

Ego vadayana goi kaatugúguna moe vaapopoina aito go, kai rum tayamo vapópwana aitonina goi kakaaiyaka. Rumyana goi rampa badabadaidi bogina kagabudi sininínima, e aubowoidi pasina matama simasisi.

1 Korinta 11:2

E dogoi liliudi goi bogina konuwaisigu be guna vatulúkwana liliudi boi bogina aavinimi nava koyoisikaavatedi, tauna ayapaliyemi.

2 Korinta 11:2

Bogina koyagoi. Alokatemi nakae Yaubada ilokateda. Aemi bogina yaina.

2 Timoti 4:8

Tuwaina, guna vaiwówana bogina ikaaiyaka, ida Tomoya, Tauyana Totakínona kiboobosina, bei ivinigu. Vaiwowanayana moe yau kiboobosigu Yaubada matana goi. Ago yau aguta geya iviniguta, go sem avatauwa neta ina sowoduwoyana siyaledoko, e adi vaiwówana bei ivinidi.

Taito 2:13

Nakae taketōiya unana mada lotuta taatuyáwata dogoi tayamo ada dedevina manuna. Dogoiyana moe .

Nuwogau 14:4

Amo tauyadi balomaidi maavadaidi nakae tomota neta nai geya go, geya simasisigoyogoyoita. Moitamo. Tauyadi nakae tomota neta geya siroerateta, e geya sisakululuta yaubada polapola yaidi, tauna geya adi bailamo. Moe tauyadi nako goi Lami inonoina, e sisabookuliye. Da poyapoya yaidi goi Yaubada itakonedi, kidi Tauyana be Lami umana. Kidi dibayoya ana keuwokumgo nakae siikasale Yaubada be Lami yaidi.

Nuwogau 19:7

Tauyawana dōkana, tayapalīye be nakae ina togaga ana káeyana takamoitamōe unana ina nai ana tuta bogina ima. Nakae tonai vavina bogina ikatubayasi idi nai manuna! Tauna ina togaga ana káeyana takamoitamōe!

Nuwogau 21:2

Niga nakae agite moe Yerusalema vau go, asayana Yaubada yábana goi isou imamaima. Asayana bogina ivapase tonai vavina nakae bego monena ivalobode.

Nuwogau 21:9

Amo ikavava, ainima aiyuwo boi gedageda ma nokoidi ainima aiyuwo adi tokavalayao tayamo yaidi ima ilatuwokoigu idigo kana, ‘Kūma! Bei ana tonai vavina avatulukoim.’

Nuwogau 4:5

Tolovina kebanayana goi ávila, butukáwana be palapala sisowóduwo. Kebanayana matana goi dúgala ainima aiyuwo sisaabenínima, mavadayadi moe Yaubada Balomainao ainima aiyuwo.

Nuwogau 8:10

Iya go anerose aitonina ina síula iuwe, utuna gagaina yábana osasaina goi isou go, utunayana isabenínima dúgala nakae. Isou ima poyapoya dadava tayamo goi sákala be doelu liliudi ibugoyaidi go, dadava aiyuwo dedevidi.