Madiu 24:7 - Buki Kimaasabaina

⁷ Ame moitamo. Nava bei ta boda ta boda sitaoya taiyao sivayaviya. Nakae ta kaba lovina ta kaba lovina bei sitaoya taiyao sivayaviya. Asa liliuna goi loga bei sisowóduwo be nakae nikuniku sitátava.

Madiu 24:7 ပူးပေါင်းရင်းမြစ်များ

Luke 21:11

Nikuniku gagaidi bei sitátava be nakae asa liliudi goi loga be nakae atówana sisowóduwo. Yábana goi aba kinana gagaidi be aba matoita sisowóduwo tomota yaidi goi.

Guinuwa 11:28

E tokabivalavalayadi yaidi goi tayamo yoina Agabo. Tauyana itaoya, Baloma Kimaasabaina goi itaalavaita idigo kana, ‘Loga gagaina moitamo ina kaba lovina madabokina goi bei isowóduwo.’ Ame logayana isowóduwo Sisa Kiladiyasi ina lovina ana tuta sinaena.

Guinuwa 2:19

Aba kainaopa yábana osasaina goi bei amadagidi. Aba kainaopayadi moe níyala bei ikamamaníwana be nakae tukówana matana ivakayakaya ikaika nakae. Aiyuwoina aba kinana poyapoya goi bei amadagidi. Aba kinanayadi moe ikaika, yeu sabeninimina be aubowo gagaina. Moe dogoiyadi sikavava, namlieta baige gagaina nakae dedevina bei isowóduwo.

Iberiu 12:27

E ina livalayana kana, ‘Sivatayamo tuwaina.’ Moe ivatulukoida kaga liliuna boi imadagidi bei ikiikudi ikabidi ikalavedi. Moe nakae iguinuwe bego dogoiyadi geya siikuneta bei sikaiyako vata.

Nuwogau 6:12

Tutayana Lamiyana aba kaipaki ainima tayamoina ikitaki, akandobala, e nikuniku gagaina isowóduwo. Tuwo níyala ikamamaníwana kwama kalaakovina toina nakae. Tukówana madabokina ivakayakaya ikaika nakae.

Nuwogau 6:5

Tutayana Lami aba kaipaki aitonina ikitaki, dogoiyana maa yawoina aitonina anove idigo kana, ‘Kūma!’ Akandobala osi aitonina kalaakovina agite ima. Ana tosowoya nimana goi awoinu ana sikere iikavale.

Nuwogau 6:6

Dogoiyadi adi taivasi nauyayanaidi goi níyana tayamo anove tomota niyadi nakae, idigo kana, ‘Loga gagaina bei isowóduwo. bwaena taabu kubuugoyāidi!’

Nuwogau 6:8

Akandobala, osi aivasina agite tupwana yaoyaoina. Ana tosowoya yoina Ámasa. Amasayana mlina goi tauyana yoina tokámasa idi dadava isabookuliye. Adi taiyuwokova madi lovina sikaumata. Tuwo poyapoya dadava tayamo goi tomota liliudi sisi goi, loga goi, vísiya goi be woiwoi goi simtulidi go, dadava aito goi maa yawoidi.