Madiu 24:4 - Buki Kimaasabaina

⁴ Tuwo Yeisu idigo kana, ‘Komi ami dodōkana, govila bei tomota sivasulaigimi.

Madiu 24:4 ပူးပေါင်းရင်းမြစ်များ

Maki 13:22

Moitamo. Guyau polapola be nakae polapola bei sisowóduwo, aba kinana kainaaopaidi siguuinuwedi bei tomota sivasulaaigidi. Bei sipoikíkina bego Yaubada ina kinavayao sivasulaigidi.

Luke 21:8

E kina kana, ‘Komi ami dodōkana, govila bei tomota sivasulaigimi. Moitamo. Topola badabadaidi bei sima yoigu sivatoi kadi, “Yau .” O nakona kadi, “Tuta ame ana kaba lukavava bogina ima.” Go taabu kosabokuuliyēdi.

Galetiya 6:3

Moitamo. Avatau neta geya latuwona bego tomota ivaitedi, go sem ina nuwonúwana goi kana, ‘Yau toolagaigu’ go, geya, e tauyana toinina ikaatubau.

Epeso 4:14

Moe bego geya tuwaina kita ida numisa gogómana giyaidi nakae, e bei tomota idi vatulukwana polapola tamo tamo aivaya nakae geya ikaugavigaviledeta o yágira nakae geya ilayoyonideta. Amo tomotayadi madi nuwosinapu goyogoyoina idi bágala goi siyúpuna bego sikatubauda go, geya tuwaina.

Epeso 5:6

Tomota maniyedi sidigodigo bego itoboinemi amo goyoyadi koguinuwedi go, taabu idi bóbwara polapola goi sivasulaaigīmi. Moitamo. Moe tauyadi idi sinapu goyogoyoidi pasidi Yaubada ina egamogamogu imamaima tokapipilova ivakaosidokoidi.

Kolose 2:18

Taabu tomota sitaakinōimi bego komi ami vaiwowana geya kobabaneyeta unana geya kosakululuta kidi nakae. Tauyadi madi nuwotokai polapola goi siigitedi sivateteliivataedi go, idi kalayausayadi manudi toinidi sikilaagasidi. Ago idi gagasayana geya basabasainamo unana gagasayana toinidi nuwodi neenetaidi goi ima.

Kolose 2:8

Ami dodōkana, govila bei tomota idi nanamsa polapola geya basabasaidimo goi nukotomi sikobaledi. Amo nanamsayadi tomota goi sima be nakae yábana osasaina ana tolovinao goi sima go, moe geya ina nuwonúwana geya.

2 Tesalonáika 2:3

Geya tayaamo kaga goi tomota kotaagonēdi sikatuubaumi. Mainao tomota liliudi bei sivakaleya Yaubada yaina be nakae koroto kapipiilovaina toina bei isowóduwo, tauyana inonoina ina vailai vata manuna. Ame dogoiyadi bei sisowóduwo namlieta baige ida Tomoya ina takínona ana maliyalina bei ima.

1 Iyoni 4:1

Guna kaloyao, ame tutayana polapola badabadaidi bogina siisowóduwo poyapoya ame goi. Tauna taabu tomota tamo tamo idi vatulúkwana kouyaaonēdi tutayana kadi, ‘Kai ima livala Yaubada Balomaina goi ima.’ Go sem kodovaatusīdi be koogitēdi neta Yaubada Balomaina goi sima o geya.