25 Konōve. Bogina agimikatumatalimi.
Tuwaina Yeisu kana, ‘Konovēgu. Komi sipi nakae aetunemi kona guna kaleyayao yaidi goi; tauyadi weiniya woliwoli sasasaidi nakae. Tauna mami nuwosinapu moteta nakae go, imi sinapu maavadaidi bunabuna nakae.
Moitamo. Guyau polapola be nakae tokabivalavala polapola bei sisowóduwo, aba kinana kainaaopaidi gagaidi siguuinuwedi bei tomota sivasulaaigidi. Go bei sipoikíkina bego Yaubada ina kinavayao nakae sivasulaigidi.
Tauna neta tomota maniyedi silatuwokoimi kadi, “Guyau tautaulu goi ikaaiyaka”, e moe pola, tuwo taabu kononōina. O neta kadi, “Guyau tukunu goi ikaaiyaka”, e moe pola, taabu konuumisēdi.
Moeko goi bei itoboinemi kotalavaite yaidi.
tuwaina kana, ‘Moe dogoiyadi bogina alatuwokoimi bego tutayana sisowóduwo yaimi, komi imi numisa goi geya kokapusita.
Boi guna vadádana aiyuwoina goi tauyadi sigoyogoyo bogina akatuliwoledi, e nakae ame tuta yau aduwanau goi akaaiyaka go, aiyuwoina madabokimi akatuliwolemneimi kagu, ‘Tutayana akaluvilamna ao, togoyoidiyadi adi liuna geya atotoeta.’
