Madiu 23:13 - Buki Kimaasabaina

¹³ E komi Yaubada ina Katukeda ana tovatulukwanayao be nakae Parisi, imi vatulúkwana goi tomota kosanaabodedi, e goi geya sisiuta. Moitamo. Komi geya latuwomi kosiu go, avatauwa neta latuwodi sisiu, komi kosanabodedi. Tauna komi tokibobwata polapola! Oo komi ami toovalugo ae? [

Madiu 23:13 ပူးပေါင်းရင်းမြစ်များ

Madiu 23:16

Komi tovakeda kebokeboimi kodigo kami, “Avatau neta nimana ikatulágata be Vada Kimaasabaina yoina goi ikatótula, moe atotula besobeso. Go avatau neta nimana ikatulágata go, Vada Kimaasabaina sinaena sikaaiyaka yoidi goi ikatótula, e tauyana mana tasíkwana ina katotulayana iguinuwe.” Oo komi ami toovalugo ae?

Madiu 23:23

Komi ana tovatulukwanayao be Parisi, Atukedayana bogina komatakavaatedoko. Nakae imi vininabeso pai, minta be dira be nakae kumina bogina Yaubada koviinibeso go, moe guinuwa giyaiina. Go guinuwa gagaidi Yaubada ina Katukedayana goi bogina kokalavedi. Guinuwa gagaidiyadi moe kivavasa, nuwokapisi be aba numisa. E itoboine guinuwayadi gagaidi be giyaidi madabokina koguinuwedi. Tauna komi todedevimi polapola! Oo komi Parisi ami toovalugo ae?

Madiu 23:25

Komi Yaubada ina Katukeda ana tovatulukwanayao be Parisi, komi keiga be noko nakae. Toluyedi koonikidi go, sinaedi, báila ivakayaodeidi, bailayana moe matakónana be piki. Tauna komi tokibobwata polapola! Oo komi ami toovalugo ae?

Madiu 23:27

Komi Yaubada ina Katukeda ana tovatulukwanayao be Parisi, komi valiwoga ana kaba kinana nakae. Tomota sipentedi poowoudi bei toluyedi adi kaigigita kaausaraidi go, sinaedi tokámasa luludi be nakae kaga kaga baailidi sikayaoda. Komi nakae. Ami kaigigita koroto go, sinaemi moe pola be apipilova sikayaoda. Tauna komi Parisi tokibobwata polapola! Oo komi ami toovalugo ae?

Madiu 23:29

Komi Yaubada ina Katukeda ana tovatulukwanayao be Parisi moe tokibobwata polapola! Latuwomi tomota siyapaliyemi bego komi todedevimi, tauna Yaubada ina adi valiwoga adi kaba kinana polapola kowoodugudi. Aiyuwoina tauyadi tokibóbwata adi valiwoga adi kaba kinana kovaapasedi bei tokamasayadi kowowoinedi. Oo komi ami toovalugo ae?

Madiu 3:7

E Iyoniyana ikandobala badabadaidi igitedi simamaima; latuwodi adi sayóyova go, ilatuwokoidi idigo kana, ‘Komi siyasiyaimi moteta nakae! Manakae? Konuwonúwana bego sayóyova kaka goi itoboinemi Yaubada ina egamogamogu imamaima yaina kosiya ae? Sayóyova kaka geya ivaitemita! Mainao imi goyo goi kotugavīla!

Luke 11:52

Komi Yaubada ina Katukeda ana tolumavivitayao, nanamsa Yaubada manuna moe vada nakae go, ana ki bogina kokabi. Komi itoboinemi vadayana kokatupáeve, e tomota kovatulukoidi. Ago komi geya latuwomi kosiu go, avatauwa neta latuwodi sisiu nanamsayana siyagoi, komi kosanabodedi. Oo ami toovalugo ae?’

Iyoni 9:22

Ame livalayadi tamana sinana sidigedi unana Diyuu adi tolovinayao simatooitedi. Tolovinayadi idi lovina bogina siyato bei avatauwa neta sikamoitamo bego Yeisu moe goi sisanabodedi geya sisiuta.

Iyoni 9:24

E tuwo aiyuwoina korotoyana boi matana ikebo siduduwemnei ima silatuwoko sidigo kadi, ‘Kubóbwara moitamo, e Yaubada ina togaga ana kukamoitamoe bego moe pasina matam sidedevina. Kai kaayagoi amo korotoyana toogoyoina.’

Iyoni 9:34

Go kidi Diyuuyadi sidigo kadi, ‘Tamam be sinam idi goyo pasina kom ma mataakeboim kubíbina go, bego kuvatulukoima ae?’ Tuwo sivatapiye, e idi kaba tugúguna goi sisanabode.

Guinuwa 13:8

E nakae go, tomemeyavayana ivakaaleyedi. Tauyana youyuwoina moe Elimasi. Elimasiyana ana yagoina moe tomeméyava. E ivakaaleyedi; latuwona bego gavanayana yava ana kenao goi ivasulaigi.

Guinuwa 5:28

idigo kana, ‘Manakae? Lovina bogina kavinimi? Lovinayana moe taabu moe Tauyana yoina goi kovaatulūkwana! Go kogīte! Imi vatulúkwana bogina kosanunui ina tomota liliuudi Yerusalema goi! Go imi vatulukwanayana goi komi latuwomi bego moe Tauyana ikaikaina nimama goi ikaaiyaka.’

Guinuwa 5:40

Tuwo vamoleyanayaoyadi siduduwedi sima. Sima, tolovinayadi silovina bego idi polisi siyoisidi sidabidi. Adi dábina ikavava, tolovinayadi sisanabodedi sidigo kadi, ‘Taabu Yeisu yoina goi kobobōbwara tomota yaidi!’ Sisanabodedi ikavava, sitaligeidi.

Guinuwa 8:1

E kina go Saulo Stiveniyana ina kámasa igitegite, ikamoitamoe. E ame maliyalinayana goi mou gagaina isowóduwo Tomoya ana totugugunayao Yerusalema goi yaidi. E madabokidi sitaoya, sivagisapasapa sina Yudiya ana dadava be nakae Yerusalema goi sikaaiyaka.

2 Timoti 3:8

E amo korotoyadi Yaubada ana Nanamsa Mooitamoina sivaakaleye nakae boi Yanisi be Yambaresi Mosese sivakaleye. Amo korotoyadi nakae, nuwodi viviyuwoidi nakae kidi tonumisa polapola geya basabasaidimo.

2 Timoti 4:15

Kom nakae tauyana kuvakilīsi. Tauyana kai ima vatulúkwana ivakaleyemakimakiye.