Madiu 22:44 - Buki Kimaasabaina

⁴⁴ “Yauwe ibóbwara guna Tomoya ilatuwoko kana, ‘Kūma wowoina basekoina kakataigu goi kutusōbu ana kadókana im kaleyayao avasobusoobuyedi kulovinaedi.’” Same 110:1

Madiu 22:44 ပူးပေါင်းရင်းမြစ်များ

Aba Vatowo 3:15

Go vakaleya kom be vavinayana nauyayanaimi goi bei ayato. Kom im boda be tauyana ina boda nakae bei sivaakaleya. Ago kina ina bodayana bei dabam ikaumotui go, tauyana aegedugeduna kom bei kukalimotui.’

Madiu 22:45

Tauna Devida igimibíbina namlieta Guyau go, Devidayana Guyau ikatoomoyae ae? Tauna tayagoi Guyauyana moe Devida tubuna go, tuwaina, Tauyana Tomoya, e Devida itobusave!’

Madiu 26:64

Kina Yeisuyana idigo kana, ‘Kom bogina kudigoyabe. Go ame alatuuwokoimi konōve: Tuta imamaima Tomalatomota bei kogite mana lovina wowoina basekoina kakataina goi iitusobu be nakae yábana geleoina yatadi goi imamaima.’

Maki 16:19

E tuwo tutayana ida Tomoya Yeisu ilatuwokoidi ikavava, Yaubada ikabi itukoe inave yábana goi, e wowoina basekoina Yaubada kakataina goi itusobu.

Luke 19:27

Go kidi amo guna kaleyayaoyadi geya latuwodi akalibubudi, e kokabīdi komēdi matagu goi kokaumatēdi.”’

Iyoni 20:28

Tomasi idigo kana, ‘Guna Tomoya be guna Yaubada!’

1 Korinta 15:25

Moitamo. Itoboine ikaalibúbuna ana kadókana ina kaleyayao liliudi aena ogalaoina goi bogina iyatoidi.

Pilipai 3:8

go sem anuwonúwana kaga liliuuna geya basabasaidimo yaigu unana neta ida Tomoya Guyau Yeisu ayagoi, moe bei dogoiyadi ikalisavedi. Tauyana pasina kaga liliuna akalavedi be nakae avayokoidi tomota mosamosaidi nakae bego itoboinegu Guyau akabi

Iberiu 1:13

E ava anerose yaina Yaubada idigo kana, ‘Kūma wowoina basekoina kakataigu goi kutusōbu ana kadókana im kaleyayao avasobusobuyedi, e kulovinaedi’? Same 110:1 Geya tayaamo yaina.

Iberiu 1:3

Tauyana Yaubada ana kanukanununa be nakae Tauyana goi Yaubada aderina toina imalatomota. Kaga liliuna ina livala toogagaina goi iyooisidi. Ida goyo goi ikimavadeda ikavava, wowoina basekoina Yaubada Tokanayatanatoina kakataina goi itusobu.

Iberiu 12:2

Ida lokoinayana ame nakae: tadumaakavāte; Tauyana ida numisa ana Tokaimatana be ana Tokimatuwo. Tauyana matana goi aba uyáwana ikaaiyaka, tauna kerose ana gedageda goi itogaga go, keroseyana ana omayamaya itanisi. Ikavava, ituko ina yábana go, kébana esaesa wowooinina moe Yaubada kakataina goi itusobu.

Nuwogau 19:19

Amo ikavava, woiwoiyana boi négwasa goi isinalaga be nakae poyapoya ana tolovinao madi tovayaviyayao agitedi bogina sitaligógana sima bei Tauyana osi poowouna goi iitulaga mana tovayaviyayao sivayaviyedi.