Madiu 22:39 - Buki Kimaasabaina

³⁹ E lovina aiyuwoina ikaaiyaka moe lovinayana vakuumgoina nakae. Lovinayana ame nakae kana, “Siyami komataakoīye nakae toinimi komatakooiyemi.” Vininabeso 19:18

Madiu 22:39 ပူးပေါင်းရင်းမြစ်များ

Madiu 19:19

Tamamiyao be sinamiyao kowowooinēdi.” Tateta 20:12-16; Atukeda 5:16-20 Aiyuwoina kana, “Siyami komataakoīye nakae toinimi komatakooiyemi.”’ Vininabeso 19:18

Madiu 22:38

Ame lovinayana moe lovina gagaina, nakae lovina liliudi ivakumgoiyedi.

Maki 12:31

Lovina aiyuwoina ame nakae kana, “Siyami komataakoīye nakae toinimi komatakooiyemi.” Vininabeso 19:18 Geya tayaamo lovina ikaaiyaka ame lovinayadi aiyuwo ikalisavedi.’

Roma 13:8

Imi rowaga woilīmi koyotūli go, imi rowaga tayamo ikaiyako vata koyotulivatāe. Rowagayana moe tomota liliudi komatakoiyēdi. Neta tamatakoiyedi, e ana masi bogina takibobosidoko.

Roma 15:2

Kita tamo tamo sedao adi dedevina manuna tavauyaonēdi be takitogagēdi.

Galetiya 5:14

Ame moitamo. Yaubada ina Katukeda goi lovina liliudi itoboineda talamgogoidi livala tayamo goi. Livalayana kana, ‘Siyami komataakoīye nakae toinimi komatakooiyemi.’ Vininabeso 19:18

Galetiya 6:10

E tauna neta ava tuta itoboineda, e guinuwa dedevidi taguinuwēdi tomota liliudi yaidi goi go, gagaina taguinūwe kidi ina bodayauwo yaidi goi.

Yemesa 2:8

Neta tookaidi kogieomaemaedi, moe sinapu igoyo. Ida goi ivinida kana, ‘Siyami komataakoīye nakae toinimi komatakooiyemi.’ Vininabeso 19:18 Neta amo lovinayana kokiibobosi, e moe guinuwa dedevina koguuinuwe.