Madiu 21:46 - Buki Kimaasabaina

⁴⁶ Tuwo enao siilusala bei Yeisu siyoisi go, boda simatoitedi unana sinuwonúwana Tauyana Yaubada ina tokabivalavala tayamo, tauna nakona kaga bei sivekoidi.

Madiu 21:46 ပူးပေါင်းရင်းမြစ်များ

Madiu 21:11

E kidi go bodayadi kadi, ‘Amo Yeisu; Tauyana tokabivalavala tayamo guma Nasareta Galili sinaena.’

Madiu 21:26

Go neta kada, “Tomota goi”, e ame bodayadi tamatooitedi seki kaga bei sivekoida. Boda liliudi sinuwonúwana Iyoni tokabivalavala tayamo.’

Madiu 21:45

Tuwo ina livalakaibalayadi kidi Tonúwala Gagaidi be nakae sinovedi, bogina siiyagoi bego tauyadi iidigedi.

Madiu 22:1

Kina Gagaidi be tomoyamoya yaidi idigo kana,

Maki 11:18

Ago kidi Gagaidi be Yaubada ina Katukeda ana tovatulukwanayao sinove Yeisu manakaena ibóbwara, tuwo enao siilusala bei manakaedi Tauyana sikaumate. Bogina kuyagoi. Tauyana simaatoite unana boda gagaina nukotodi sikabi. Moitamo. Ina vatulukwanayana pasina kidi boda madabokidi nukotodi siwowówana gagaina.

Luke 7:16

E madabokidi madi wowoina simatoita, tuwo Yaubada ina togaga ana sikamoitamoe kadi, ‘Yaubada ina gagaina bogina yaida goi iitaoya!’ Aiyuwoina kadi, ‘Yaubada kita ina bodao bogina ivadadeda!’

Luke 7:39

E kina Parisiyana ikandobala, vavinayana ina guinuwa igite, nukotona goi inuwonúwana kana, ‘Mmm masa koroto amo Yaubada ina tokabivalavala tayamo. Vavina amo itagone ibiisikone. Neta Tauyana moitamo tokabivalavala, bei iyagoi vavinayana toogoyoina tayamo, e tauna itoboine bei ivalilive.’

Iyoni 7:30

E tauna kidi tomotayadi siipoikiki bego Yeisu siyoisi go, ina kámasa ana tuta nava, tauna geya vatau tayaamo ibisikone.

Iyoni 7:7

Da poyapoya geya itoboinedita sikaolilivemi unana komi tauyadi nakae. E yau ataalavaita bego da poyapoya idi guinuwa goyogoyoidi, tauna sikaolilivegu.

Guinuwa 2:22

Pita nava ibobóbwara idigo kana, ‘Komi , guna livala ame konovēdi: Yeisu guma Nasareta goi Yaubada guinuwa toogagaidi be aba kinana kainaaopaidi iguinuwedi yaimi. Aba kinanayadi goi ivatulukoimi bego Yeisu bogina ikinave. Moe bogina koyagoi.