Madiu 21:34 - Buki Kimaasabaina

³⁴ E tutayana dibayoya ana tuta isowóduwo, toni tanuwoyana ina ietunedi sina tánuwo ana tokatoguyao yaidi goi bego tánuwo ana takona oine sikabidi simedi.

Madiu 21:34 ပူးပေါင်းရင်းမြစ်များ

Madiu 21:35

Simamaima go, kidi tokatoguyadi sitaoya, ina pakonayaoyadi siyoisidi, tayamo sidabiyamo, aiyuwoina sikaumate, aitonidi gurewa goi sikaumate.

Madiu 21:38

E kidi go tokatoguyadi sikandobala tauyana sigite imamaima. Tuwo aditava sibobóbwara kadi, “Amo toni tánuwo natuna imamaima. Tauyana tamana ana katumapu. Tuwo ima, tayōisi takaumāte bei tanuwoyana kita ida kaba lovina.”

Madiu 21:40

Livalakaibala ilukavave, Tonúwala Gagaidiyadi ilumadadedi idigo kana, ‘Tauna tutayana tomoyayana, moe toni tánuwo, bei ima, kaga bei iguinuwe amo tokatoguyadi yaidi goi?’

Madiu 21:41

Tonúwala Gagaidi be nakae idi tomoyamoyayao sidigo kadi, ‘Amo togoyoidiyadi bei ilokaumatematedi go, ituli ta tokatogu dedevidi bei itagonedi tanuwoyana simatakavate. Amo tokatoguyadi dibayoya ana tuta bei sitakona.’

Madiu 22:3

Tomota maniyedi boi mainao bogina ilatuwokoidi aikayana manuna bego sima. Niga tutayana bogina ikatubayasi ina ietunedi sina tomotayadi siduduwedi sima aikayana manuna. Sina tomotayadi silatuwokoidi go, kidi odi ikai.

Maki 12:1

E idi tolovinayao ivatulukoidi idigo kana, ‘Koroto tayamo ina tánuwo goi iwodugu. Iwodugu ikavava, tanuwoyana sinaena vada aba yáusa tayamo maanawena iyowo ituko ina. Iyowo ikavava, koroto maniyedi itagonedi tanuwoyana sikatoguye go, niga dibayoya ana tuta oine keuwoina maniyena bei toni tánuwo siemaisi. Tuwo tokatoguyadi sikaaiyaka tánuwo sipaaisewa go, kina toni tanuwoyana itaoya ina ituli ta dadava.

Maki 12:7

E ina go, amo tokatoguyadi aditava sibóbwara kadi, “Amo toni tánuwo natuna imamaima. Tauyana tamana ana katumapu. Tuwo ima, tayōisi takaumāte bei tanuwoyana kita ida kaba lovina.”

Maki 12:9

Tauna tomoyayana, moe toni tánuwo, bei kaga iguinuwe tokatogu yaidi goi? Bei ina ikaumatedi go, ituli ta tokatogu dedevidi bei itagonedi tanuwoyana simatakavate.

Luke 20:9

E Yeisu ivatowo livalakaibala ame tomota ivatulukoidi, idigo kana, ‘Tayamo koroto ina ina tánuwo goi kaka ibaguli. Ibaguli ikavava, koroto maniyedi itagonedi tanuwoyana sikatoguye go, niga dibayoya ana tuta goi oine keuwoina maniyena bei toni tánuwo siemaisi. Tuwo kidi tokatoguyadi sikaaiyaka tánuwo sipaaisewa go, tauyana itaoya ina ituli ta dadava goi bei ikaaiyaka tuta maanawena.