Madiu 21:19 - Buki Kimaasabaina

¹⁹ Tuwo ikandobala enao kikina goi keukeu tayamo igite, ibala ina ikandolaga go, geya ikeuwoita, go sem vaga kaka sikaaiyaka. Tuwo ikatubolate idigo kana, ‘Geya tuwaina bei kukeuwōmna, ame tuta be nakae tuta simamaima!’ Tuwo mainao alovayana ivadiwówana.

Madiu 21:19 ပူးပေါင်းရင်းမြစ်များ

Madiu 21:20

Go ina vadiwowanayana kai ina tovatotowanayao kagite, nuwoma iwówana kama, ‘Iyaa! Keukeuyana manakae mainao ivadiwówana?’

Maki 11:14

Tuwo ikatubolate idigo kana, ‘Kom bei geya kuukēuwo!’ Go ina livalayana kidi ina tovatotowanayao bogina sinove.

Maki 11:20

Itomo nobuyana nava matagougouna tauyadi sitaoya, siketoiya sinonoina bego Yerusalema go, keukeuyana sigite lamna goi ituko ina sipona goi bogina ivadiwówana.

Luke 3:9

E Yaubada ina egamogamoguyana kíyama nakae. Kiyamayana bogina alova lamdi goi iyokaabubune, tauna ava kalovava neta sikéuwo goyogoyo, bei itaunanedi go, ikabidi ilavedi yeu goi igabudi. Tauna nakae ina egamogamogu giyakainava isowóduwo yaimi neta geya kotugavileta.’

Iyoni 15:2

Laonigowo tamo tamo neta siteliteli, geya sikeuwoita, tobagulayana ikaimweraedi. Go laonigowo tamo tamo neta sikéuwo, keuwoidi ikabidi go, laonigowoyadi ilaiguyedi bego silabosúsuwo be sikéuwo gagaina.

Iyoni 15:6

Avatauwa neta geya sikaiyaketa yau yaigu goi, lawanayadi geya basabasaidimo nakae tobágula ikalebaledi go, simémala namlieta ina topaisewayao siwotuwedi sigabudi.

2 Timoti 3:5

Adi kaigigita yábana sinapuna ana toguinuwao go, Yaubada ina togaga atedi adi kaigavila manuna sikatae. Tauna nakae tomotayadi idi sinapu tuta ana kaba lukavava goi. Amo tauyadi kuvakiilisīdi.

Taito 1:16

Tauyadi sidigodigo bego ida Yaubada siyagoi go, idi guinuwa goi tayagoi Tauyana silawoiwoiye. Tauyadi aba kalagíwala Yaubada yaina, tokapipilova, geya basabasaidimo guinuwa dedevidi manudi.

Yuda 1:12

Amo tokapipilovayadi imi kabivekoveko aikanina goi sisiu sikáika komi taiyao go, geya idi wowoinamo Yeisu manuna, go sem sikaikapopóita. Aiyuwoina aikayana goi tauyadi lai poiina nakae. Laiyana geya tagiteyeta, e oga isaiko bogina igoyo, tauna ami dodōkana, govila bei tauyadi pasidi imi numisa itomava. Tauyadi bego Yaubada ana totugugunayao adi tomatakavatayao go, toinidi simatakavatedimo. E amo tauyadi adi kaigigita nakae losiye goi bou ilabakóluma go, kúwana geya, go sem yágira iyawoisavedimo. Kidi nakae. Sidigodigo bego idi vatulúkwana dedevina go, geya tayaamo kaga dedevina yaidi goi iisowóduwo. E adi kaigigita alova adi tuta kéuwo nakae go, geya keuwoidimo, tuwo silabudi, sigabudi, tauna sikámasa toina. Tauna amo tokapipilovayadi nakae. Tagitedi kada, ‘Dedevidi’ go, yaidi goi geya kada tayaamo keuwoina dedevina isowóduwo geya.

Nuwogau 22:11

Tauna tomota geya itoboinedita situgavila. Tuwo avatauwa neta ame tuta goyo siguuinuwe, e tauyadi nava bei nakae siguuinuwe; moe adi keyakeyaina. Avatauwa neta ame tuta idi sinapu baailidi, e tauyadi nava bei nakae siguuinuwe; moe adi keyakeyaina. Go avatauwa neta ame tuta kiboobosidi, e tauyadi nava bei guinuwa kiboobosina siguuinuwe; moe adi keyakeyaina. Avatauwa neta ame tuta kimaasabaidi Yaubada yaina, e tauyadi nava bei kimaasabaidi Yaubada umana; moe adi keyakeyaina.’