Madiu 20:26 - Buki Kimaasabaina

²⁶ Ago komi yaimi moe nakae geya, go sem avatauwa yaimi goi bego toolagaidi, tauyadi itoboinedi komi ami tovaitayao nakae silovina.

Madiu 20:26 ပူးပေါင်းရင်းမြစ်များ

Madiu 20:27

Nakae avatauwa yaimi goi bego toosakidi, tauyadi itoboinedi idi lovina goi komi yaimi imi nakae.

Madiu 25:44

Go kidi togoyoidiyadi nakae bei sidigo kadi, “Go Tomoya, ava tuta kagitem loga kwámasa o maem iyápasa o kom ogaoga o kupawaku o kukatówana o deri goi kwaaiyaka go, geya kavaitemta?”

Madiu 27:55

Ego boi vevina badabadaidi Galili goi Yeisu sisabookuliye be nakae sivavaite. Vevinayadi moe Meri guma Magidara be ana ebígana moe Yemesa be Iyosepa sinadi be nakae Sebedi natunao sinadi. E ame vevinayadi kerose go, tupwana masigava goi siitaoya sigite kaga liliuna siisowóduwo.

Maki 10:43

Ago komi yaimi moe nakae geya, go sem avatauwa yaimi goi bego toolagaidi, tauyadi itoboinedi komi ami tovaitayao nakae silovina.

Maki 10:45

Tomalatomota nakae, tauna komi nakae itoboinemi. Tauyana ima geya kada bego tomota sivaite geya, go sem Tauyana ima bego tomota ivaitedi. Yawoina moe tomota adi kaba tateta go, yawoinayana toinina ikasale ámasa goi, tomota liliudi adi katumapu.’

Maki 9:35

Tuwo Yeisu itusobu, ina tovatotowanayao yawou aiyuwo iduduwedi sima ilatuwokoidi idigo kana, ‘Avatauwa yaimi goi bego toosakidi, tauyadi itoboinedi bei toosobudi tomota liliudi yaidi goi be nakae tomota liliudi adi tovaita.’

Luke 18:14

Ame alatuuwokoimi konōve: Amo takisi ana togogoyana ikaluvilamna ina ina vada go, Yaubada bogina ivayoko kina tokibóbwata go, Parisi kina geya. Moitamo. Avatauwa neta toinidi sikilagalagasidi, Yaubada bei ikisobuyedi. Go avatauwa neta toinidi sikisobusobuyedi, Yaubada bei ikilagasidi.’

Luke 22:26

E komi geya moe nakae geya, go sem avatauwa yaimi goi bego toolagaidi, tauyadi itoboinedi simalagómana. Nakae avatauwa komi yaimi bego imi tolovinayao, tauyadi itoboinedi komi ami tovaitayao nakae silovina.

Iyoni 18:36

‘Yau guna kalibúbuna unana moe geya kada poyapoya ame goi geya. Neta guna kalibúbuna unana moe ame poyapoyayana goi, yau guna tovaitayao bei sivayaviya bego Diyuu adi tolovinayao geya itoboinedita nimam goi siyatoigu. E yau guna kalibúbuna unana moe ameko goi geya imaita’, Yeisu kaena.

Guinuwa 13:5

Sina Saipiro, asa Salamisi goi sivaiu, idi tovaita goi Yaubada ina livala sitaalavaite tomota yaidi.

2 Korinta 1:24

Go moe geya bego imi numisa kalovinae geya, go sem kai komi imi tosavaiyuwo imi uyáwana manuna. Tauna imi numisa geya kalovinaeyeta geya. Bogina koyagoi. Imi numisayana goi bogina kotaoyakavata!

2 Timoti 1:18

Ina vaita gagaina yaigu Epeso goi bogina kuyagoidoko. Guna kawanoi ida Tomoya yaina bego itagona takínona ana maliyalina goi Onesiporoyana nuwokapisi ibabane yaina.

Pilemoni 1:13

Latuwogu avagagale bego ikatumapum be guna kaiyaka deri sinaena ana talavaita pasina ivaitegu.

Iberiu 1:14

Go anerose kaga? Madabokidi baloma nakae, Yaubada ina tovaitayao ivamoleyedi sima bei kita ada yava taababane sivaiteda ae?

1 Pita 4:11

Ame nakae: Avatauwa kita neta ida kaiguyau moe talavaita, tatalavaita nakae neta Yaubada ina livala tatalavaite. Avatauwa kita neta ida kaiguyau moe vaita, Yaubada ina togaga goi tavāita. Moe bego ida guinuwa liliudi Yeisu ame tuta be nakae tuta simamaima! E nakae!

1 Pita 5:3

Geya lovina kasakasaina goi geya, go sem komi aba gita dedevina yaidi goi.

Nuwogau 17:6

Amo ikavava, vavinayana agite Yaubada ina kimasabayao kaamasidi ikaikaidi bogina inim ginagina iyaluwo, e nukotona ikabi, to igoyo toina. Tauyadi boi sitaalavaite go, idi talavaita pasina vavinayana ikaumatedi. Vavinayana agite, akainaopa gagaina.