Madiu 20:19 - Buki Kimaasabaina

¹⁹ Sitakino ikavava, bei sikabi, nimadi goi siyato. Ago kidi Totuyoyowoyadi bei sivaponuponuye, sidabi be nakae kerose goi situpatuko ikámasa. Ikámasa go, maliyalina aitonina goi Yaubada ikaitáoe.’

Madiu 20:19 ပူးပေါင်းရင်းမြစ်များ

Madiu 12:40

Moitamo. Iyona íyana sinaena goi ikaaiyaka maliyalina aito be sabamgo aito, e nakae Tomalatomota poyapoya sinaena goi bei ikaiyaka maliyalina aito be nakae sabamgo aito.

Madiu 16:21

Tuta amo goi Yeisu ivatowo kai ina tovatotowanayao ivatulukoima ina kámasa manuna, idigo kana, ‘Itoboine ana Yerusalema goi tomoyamoya be Gagaidi be nakae Yaubada ina Katukeda ana tovatulukwanayao bei siyogedegedegu gagaina be nakae sikaumategu go, maliyalina aitonina goi Yaubada bei ikaitaoegu.’

Madiu 17:23

Ikavava, bei sikabi sikaumate go, maliyalina aitonina goi Yaubada bei ikaitáoe.’ Ame kai kanove, nuwoma imou gagaina.

Madiu 27:26

E tuwo kina Pailato ina tovayaviyayao ilovinaedi Barabasi sitaligei bodayadi sivinidi. Ikavava, ina tovayaviyayao maniyedi ilatuwokoidi idigo kana, ‘Yeisu kokābi, kodābi. Ikavava, konāve bei kerose goi kotupatūko.’ Tuwo moitamo Tauyana sikabi sidabi.

Madiu 27:63

sidigo kadi, ‘Tomoya, kai kanuwopeye boi amo topolayana nava maa yawoina idigo kana, “Maliyalina aito sikavava, e ámasa goi Yaubada bei ikaitaoegu.”

Maki 14:65

Ago maniyedi sitaoya Yeisu sigiwoli go, maniyedi matana sisikobode. Ikavava, sipwaiki go, sikaiwotete kadi, ‘Kulatuwokōima avatau iilauim!’ Ago Vada Kimaasabaina ana polisi sima Yeisuyana siyoisi sidabi.

Maki 15:1

Nobuyana nava matagougouna Gagaidi be Diyuu idi tomoyamoyayao be nakae Yaubada ina Katukeda ana tovatulukwanayao taiyao. Silosinapu ikavava, Yeisu nimana siyowóidi, sinave Pailato nimana goi siyato.

Maki 15:15

E kina go Pailatoyana latuwona bego boda ivauyaonedi, tauna ina tovayaviyayao ilovinaedi Barabasi sitaligei bodayadi sivinidi. Ikavava, ina tovayaviyayao maniyedi ilatuwokoidi kana, ‘Yeisu kokābi, kodābi. Ikavava konāve bei kerose goi kotupatūko.’ Tuwo moitamo Tauyana sikabi sidabi.

Luke 18:32

Ame moitamo. Tauyana bei siyoisi nimadi goi siyato, namlieta bei sivaponuponuye, sigieomaemae be nakae sigiwoli.

Luke 23:11

E kina Erodiyana mana tovayaviyayao Yeisu sikaiwotete be sivaponuponuye. Nakae tolovina ana kwama dedevina sikabi, Yeisu sivalosi bego yaina goi sisakululu polapola. Ikavava, Erodi ina lovina goi sietunemnei ina Pailato yaina goi.

Luke 24:46

Ikavava, idigo kana, ‘Amo bukiyadi goi sigini bego , itoboine bei gedageda be ámasa ibabanedi go, maliyalina aitonina goi tokámasa yaidi bei itaoyamna.

Guinuwa 2:23

Ame Yeisuyana ana tonuwotulu iwo inuwotuluye komi nimami goi go, moe Yaubada ina nuwonúwana boi bogina igimilosinapu be igimilovina. E inuwotuluye ikavava, komi imi lovina goi Tauyana sinave kidi Yaubada ina Katukeda ana tokapipilovayao nimadi goi siyato. Tuwo siyoisi, kerose goi situpatuko, e sikaumate.

Guinuwa 21:11

Ago tauyana ima kai goi Paulo ana gadíwana ikabi, toinina aena be nimana iyowóidi. Ikavava, idigo kana, ‘Baloma Kimaasabaina idigo kana, “Yerusalema goi kidi nimadi goi siyato.”’

Guinuwa 4:27

Ame moitamo. Ame Devida iginigini bogina imalatomota ame nakae: Ame asayana goi bogina kuukinave am Vadámana sivakaleye.