Madiu 2:6 - Buki Kimaasabaina

⁶ “Bedeliyema e, Kom asa giyaina Yuda ina poyapoya goi go, tuwo Yuda ana tolovinao gagaidi liliudi matadi goi kom asa vakuumgoina. Moitamo. Kom goi Tokalibúbuna tayamo bei itaoya. Tauyana guna bodao bei ivakededi ana tomatakavata nakae.”’ Maika 5:2

Madiu 2:6 ပူးပေါင်းရင်းမြစ်များ

Aba Vatowo 49:10

Kom mam lovina go, lovinayana bei ikaiyako vata am dala yaina. Koroto tayamo am dalayana goi bei ilovina ana kadókana Tokalibubunayana ima ikalibúbuna be nakae tomota liliudi sopana sikabikaone.

Madiu 2:1

E nava iilovina. Yeisu ina bíbina mlina utuna adi tonanamsa ma matabuwodi bomatu goi sima Yerusalema.

Madiu 28:18

Ago Yeisu ibala ima ilatuwokoima idigo kana, ‘Lovina madabokina yábana goi be nakae poyapoya goi Yaubada Tamada bogina ivadamane yau yaigu.

Iyoni 21:16

Sivayuwoina Yeisu kana, ‘Saimoni, Iyoni natuna, kumatakoiyegu?’ ‘U, Tomoya. Kom bogina kuyagoi bego amatakooiyem’, Pita kaena. Yeisu kana, ‘Guna kulokaayasēdi.’

Iyoni 7:42

Gínina Kimaasabaina idigodigo bego Devida ina goi Guyau bei ima be nakae Devidayana ina kasa Bedeliyema goi bei ibíbina.’

Epeso 1:22

Tauna Guyauyana aena ogalaoina goi Yaubada kaga liliuna bogina iyatoidi ivasobusobuyedi go, Guyauyana ivayoko kaga liliuna dabada kita ana totugugunayao ada dedevina manuna.

Kolose 1:18

Tauyana wowona moe kita ana totugugunayao go, dabada moe Tauyana. Tauyana yawana vau ana kaba vatowo; tokámasa yaidi goi Tauyana totubukumgo bego kaga liliuna goi Tauyana toosakina.

Iberiu 7:14

Ame moitamo. Bogina tayagoi ida Tomoya tubuna moe Yuda go, ame dalayana manuna geya tayaamo kaga Mosese idige bego koroto amo dalayana goi itoboine ietonúwala.

Nuwogau 11:15

Amo ikavava, anerose ainima aiyuwoina ina síula iuwe, e yábana goi níyana gagaidi sidigo kadi, ‘Ame tuta da poyapoya idi lovina bogina ikavava! Ida Tomoya bogina sietokalibúbuna. Bei sikalibubuna vata: Ame tuta be nakae tuta simamaima.’

Nuwogau 2:27

Lovinayana avinimi nakae boi yau Tamagu iivinigu. Imi lovinayana toogagaina tomota yaidi nakae Yaubada ina buki idigo kana, ‘Kepati kainum goi imtulidi; nakae vaega neta ikaauvisidi.’ Same 2:9