Madiu 2:12 - Buki Kimaasabaina

¹² Niga idi tuta aluvila, sikanamimi go, idi kanamimiyadi goi Yaubada ilatuwokoidi idigo kana, ‘Taabu kokaaluvīla kononōina Erodi yaina.’ Tuwo sitaoya, ituli ta kenao goi sikaluvila sina idi kasa.

Madiu 2:12 ပူးပေါင်းရင်းမြစ်များ

Aba Vatowo 31:24

Ego sabamgo tayamo goi Lebaniyana ikanamimi. Ina kanamimiyana goi Yaubada isowóduwo Lebani guma Aram yaina idigo kana, ‘Lebani, am dodōkana. Taabu Yakobo kuubōve.’

Tateta 1:17

E kidi vevinayadi Yaubada siwowoine, tauna da Itipita adi tolovina ina lovina sikapipilave, go sem gogómana liliudi, koroto be vevina, siyatoidi maa yawoidi.

Madiu 1:20

Moe manuna inuuwonúwana go, matana imasisi, e imasisi ikanamatáiya. Ina masisiyana goi ikanamimi. E ina kanamimiyana goi matabuwona isowóduwo ikatuwoini, idigo kana, ‘Iyosepa, Devida tubuna, taabu kuumatōita bei Meri kukabi monem. Gamona sinaena gomanayana ibibíbina moe Baloma Kimaasabaina ina kaiguyau goi ima.

Madiu 2:13

E tonanamsayadi sikaaluvila go, Iyosepa imasisi, ikanamimi. Ina kanamimiyana goi matabuwona isowóduwo Iyosepa ikatuwoini idigo kana, ‘Iyosepa, kutāoya! Gómana ma sinana kwabīdi go, kosīya kōna Itipita goi. Amoko goi kokaaiyāka ana kadókana alatuwokoim. Erodi ina tovayaviyayao bei ilatuwokoidi sina gomanayana silusale bego sikaumate.’

Madiu 2:19

E Erodi ina kámasa mlina Iyosepa nava Itipita goi ikaaiyaka go, tuta tayamo imasisi, ikanamimi. Ina kanamimiyana goi Yauwe ina anerose matabuwona isowóduwo ikatuwoini

Madiu 2:22

E sima go, Iyosepayana vala inove bego Erodi ana katumapu moe natuna Arekeleo Yudiya goi iilovina. Tuwo imatoita; geya latuwona sina amoko. E sabamgo tayamo imasisi, ikanamimi go, ina kanamimiyana goi Yaubada isowóduwo ilatuwoko idigo kana, ‘Taabu kunonōina Yudiya goi.’ Tuwo Iyosepa itaoya, gómana ma sinana ikabidi, sina Galili dadavina.

Madiu 27:19

E Pailato aba takínona ana kaba tusobu goi iitusobu go, monena livala tayamo ietune ima idigo kana, ‘Moe korotoyana , e kwalāve. Geya tayaamo kaga kuguinūwe yaina. Nuwobuna Tauyana akanamimiye go, guna kanamimiyana aba matoita gagaina yaigu.’

Luke 2:26

Baloma Kimasabainayana bogina ivatuluko bei nava geya ikamaseta ana kadókana mainao , igite baige.

Guinuwa 10:22

‘Ima tomoya Koniliasi ietunema kama. Tauyana tovayaviyayao adi tovakumgo. Tauyana liliudi sikaodedevine. Anerose kimaasabaina Yaubada umana isowóduwo tauyana yaina ilatuwoko kana, “Koniliasi, Pita kududūwe ima im vada goi bei ina livala kunove”’, korotoyadi kaedi.

Guinuwa 4:19

Go kidi Pita be Iyoni sidigo kadi, ‘Yaubada latuwona Yeisu valena kasanunui go, manakae? Yaubada matana goi itoboinema kakabikaonemi gea Yaubada kakabikaone? Komi toinimi kolovīna. Go kai geya itoboinemeta katugau.

Guinuwa 5:29

Go kina Pita, tauyana vamoleyanayao adi katumapu, idigo kana, ‘Itoboinema ame manuna Yaubada kakabikaone go, komi geya.

1 Korinta 3:19

Guna nuwonúwana ataligei. Da poyapoya adi nanamsayana moe geya basabasainamo Yaubada matana goi. nakae italavaite kana, ‘Tomota maniyedi sinuwonúwana madi nanamsa go, manudi Yaubada ina síkwana ilave, e toinidi idi nuwosinapu goi isikoidi.’ Yobi 5:13

Iberiu 11:7

Boi nimatu Yaubada Nowa igimikatumatali idigo kana, ‘Nava bei dogoi maniyedi aguinuwedi go, guinuwayadi geya tayaamo avatau boi nakae igitedi.’ Nowayana mana wowoina inove, e ina numisa goi dedeoga gagaina iyowo mana bodayauwo adi yava manuna. Ago dedeogayana ana yówana goi da poyapoya itakinoidi kidi toogoyoidi go, Yaubada Nowa ivayoko kina koroto kiboobosina ina numisa pasina.

Iberiu 8:5

Aba Kaiyakoyana poyapoya ame goi sitaaimámina moe Yaubada ina Kaba Kaiyaka yábana goi ana tapata o kada, ‘Makayauna.’ Moe pasina boi tutayana Mosese giyakainava Yaubada ina Kaba Kaiyaka ivatowo imadagi, Yaubada ikatusinapu idigo kana, ‘Mosese, am dodōkana bei kaga liliuna boi mainao koya goi bogina avatulukoim, e nakae kutapatēdi.’ Tateta 25:40