Madiu 19:28 - Buki Kimaasabaina

²⁸ E kina go Yeisuyana idigo kana, ‘Moitamo konami liliudi bogina kokalavedi go, ame alatuuwokoimi konōve: Nava bei Yaubada kaga liliuna iyolimedi. Amo tutayana yawou aiyuwo bei kokalibubudi.

Madiu 19:28 ပူးပေါင်းရင်းမြစ်များ

Tateta 15:27

Ibóbwara ikavava, kataoya, Mara kakalave kana asa Elim goi. Amoko goi doelu ana badabada yawou aiyuwo be nakae deiti alovaidi seventi (70) sikaaiyaka. Tuwo amoko bwae kikina goi katunagu.

Tateta 24:4

Tuwo kaga liliuna Yauwe bogina ilatuwookoigu agini. Ikavava, amasisi vanuwo itomo, nobuyana giyaina ataoya, ana koyayana unana goi yawou aiyuwo manudi.

Tateta 28:21

Gurewayadi tamo tamo goi Isileli natunao yawou aiyuwo yoidi tamo tamo iginidi. Tauna gurewa tayamo, you tayamo, gurewa tayamo, you tayamo. Youyadi Isileli tubunao adi yoidi.

Madiu 16:27

Moitamo. Tomalatomota Tamana ana taiyao, e bei tomota tamo tamo idi guinuwa goi ikatumapudi.

Madiu 19:27

E tuwo kina idigo kana, ‘Go kai bei manakaema? Kai kaga liliuna yaima bogina kakalavedi go, kama kasabokuuliyem, tauna kai bei kaga kababane?’

Madiu 20:21

‘Kaga latuwom?’ Yeisu kaena. Vavinayana idigo kana, ‘Tutayana im tuta alibúbuna, kom kulovīna bego yau natugowo adi taiyuwo situsobu kébana dedevidi kikim, tayamo kakataim go, tayamo kekelim.’

Madiu 25:31

Tuwaina Yeisu kana, ‘E tutayana Tomalatomota ikaluvilamna ima tomoeeyalina bei ivagitakoe go, kebana esaaesaina aba taimámina goi bei itusobu ikalibúbuna.

Madiu 6:33

E yawoimi madabokina kotagonēdi be nakae ina kivavasa yaidi goi, bei moe dogoiyadi liliudi ivinimi.

Madiu 8:20

Ago kina Yeisu idigo kana, ‘Weiniya woliwoli madi bobosiu, mánuwo madi vátala go, geya ana kaba masisimo. Tauna neta kusabokuuliyegu, e kom bei yau nakae.’

Maki 10:37

E tauyadi kadi, ‘Neta kutagonēma bego tutayana im kalibúbuna goi am kuvagitakoe, latuwoma kai katusobu kébana dedevidi kikim, tayamo kakataim go, tayamo kekelim.’

Guinuwa 3:21

Yeisuyana itoboine yábana goi ikaaiyaka ana kadókana tutayana Yaubada kaga liliuna iyolimedi nakae boi ina tokabivalavalayao kimaasabaidi goi italavaite.

2 Timoti 2:12

Neta ida mou goi tamesayágana, e nava bei Guyauyana taiyao takalibúbuna. Neta Tauyana talawoiwoiye, e nava bei ilawoiwoiyeda.

2 Pita 3:13

Go yabana vau be poyapoya vau nakae boi ikatootuledi tayaamwasidi. Yabana vauyana be poyapoya vauyana goi Yaubada ina kibobwatayao bei sikaiyako vata.

Nuwogau 11:16

Amo ikavava, tauyadi tomoyamoya tuwenti poa (24) kebadi esaaesaidi yatadi siitulaga Yaubada matana goi, e kebadiyadi goi sisou aedi sivatugúyala be Yaubada yaina madi yapali sisakululu,

Nuwogau 12:1

Amo ikavava, aba kinana gagaina mana yagoina yábana goi isowóduwo. Aba kinanayana ame nakae: Vavina tayamo ana kwama níyala nakae ilosi go, tukówana moe vavinayana aena ogalaoina goi ikaaiyaka. Go dabana goi lovina dabayogigina esaaesaina mana utuna yawou aiyuwo sikaaiyaka.

Nuwogau 20:4

Amo ikavava, kébana esaaesaidi agitedi go, tauyadi yatadi goi situlagalaga madi tagona silovina. Aiyuwoina tomotayadi balomaidi agitedi. Boi adi kaleyayao sitaoya, nukotodi sikupoidi unana taiyao siilovina tala tayamo tausani (1,000) goi.

Nuwogau 21:5

Niyanayana ibóbwara ikavava, kébana esaesainayana ana totulagalaga idigo kana, ‘Kunōve! Dogoi liliudi ayolimemmneidi.’ Tuwaina kana, ‘Livalayadi be nakae mooitamoidi, tauna kuginīdi.’

Nuwogau 22:2

asayana nauyayanaina enao goi idaudau. Bwaeyana dadavina dadavina goi yawana vata alovaina sitaoya. Alovayadi tala tamo tamo goi yawou aiyuwo nakae sikeuwoko go, idi keuwoyana tukówana tamo tamo goi ituli ta kokowoikava keuwoidi sikeuwoedi. Go vagadi tomota adi potu be nakae adi katówana adi medisini.

Nuwogau 22:5

Iya Yaubada bei itapasigidi, tauna rampa ina mavada be níyala ina mavada tuwo unana amoko goi sabamgo geya. Go bei silovina vata.

Nuwogau 3:21

Avatauwa komi neta kootogaga, bei atagonemi yau taiyao kebagu esaaesaina goi tatulaga talovina nakae boi yau atogaga, e Tamagu kebana esaaesaina goi yau taiyao katulaga kaalovina.

Nuwogau 4:4

Ago kébana esaaesaina adi badabada tuwentipoa (24) situkobu, yatadi goi tomoyamoya adi badabada tuwentipoa (24) situlaagalaga, tauyadi madi kwama poowoudi be madi dabayogigi esaaesaina dabadi goi.

Nuwogau 7:4

Tuwo tamo tamo goi ame nakae: