Madiu 18:3 - Buki Kimaasabaina

³ idigo kana, ‘Ame gómana tayamo go, ame alatuuwokoimi konōve: Imi sinapu kokaigavilēdi bei komalagogómana. Go geya, e geya itoboinemita Yaubada ina kalibúbuna sinaena goi kosiu.

Madiu 18:3 ပူးပေါင်းရင်းမြစ်များ

Madiu 13:15

Moitamo. Amo tomotayadi dabadi sikasa, taiyadi sipatu be nakae matadi sikibodedi, govila bei matadi goi sigita, taiyadi goi sinowo be nakae nuwodi goi siyagoi, bei situgavila, e simekoigu akidedevinedi.” Aiseya 6:9-10

Madiu 18:2

Tuwo Yeisu gómana tayamo iduduwe ima, e matama goi ivataoe,

Madiu 18:4

Tauna avatauwa neta sinuwotokai ame gomanayana nakae, e tauyadi toolagaidi Yaubada ina kalibúbuna sinaena goi.

Madiu 19:14

Go kina Yeisu kana, ‘Gogomanayadi taabu kosanaabodēdi, go sem kotagonēdi sima yaigu. Tomota nuwotookaidi ame tauyadi nakae Yaubada ina kalibúbuna sinaena goi bei sisiu.’

Madiu 19:23

E kina go Yeisu kai ina tovatotowanayao ilatuwokoima idigo kana, ‘U, amo tauyana nuwona imou go, ame alatuuwokoimi konōve: Kidi toesaesa idi siu Yaubada ina kalibúbuna goi moumou isaki.

Madiu 5:18

U ame pasina ama go, ame alatuuwokoimi konōve: Yaubada ina Katukedayana goi geya tayaamo kaga giyaina bei itagau ana kadókana yábana be poyapoya sitagau be nakae ana kadókana kaga liliuna Atukedayana goi simalatomota dókana.

Madiu 5:20

Moitamo. Ame alatuuwokoimi konōve: Itoboine imi kibóbwata Yaubada ina Katukeda ana tovatulukwanayao be nakae idi kibóbwata ikalisave. Go geya, e Yaubada ina bodayauwo geya kosiiukoidi bego ikalibubumi.’

Madiu 6:16

E tutayana kodiiyakímwana, maisimi taabu kobuwoowonīdi kidi todedevidi polapola idi sinapu nakae. Maisidi sibuwowonidi bego tomota siyagoidi tauyadi . U, moe nakae siguuinuwe go, ame alatuuwokoimi konōve: Kidi adi vaiwówana bogina sibabanevatae. Tauna taabu kovatotoowonēdi.

Madiu 6:2

Tauna tutayana kovininabeso tookaidi yaidi, taabu kokimaamaētala. Moe nakae kidi todedevidi polapola idi sinapu ida kaba tugúguna goi be nakae enao goi siguuinuwe bego tomota sigitedi, e yoidi sikilagasidi. U, moe nakae siguuinuwe go, ame alatuuwokoimi konōve: Kidi adi vaiwówana bogina sibabanevatae.

Madiu 6:5

Tutayana kokawanoi, taabu todedevidi polapola kovatotoowonēdi unana kidi nuwodi ikabi aba tugúguna goi be nakae kedalalavi goi siitaoya sikawanoi Yaubada yaina bego tomota sigitedi. U, moe nakae siguuinuwe go, ame alatuuwokoimi konōve: Kidi adi vaiwówana bogina sibabanevatae. Tauna taabu kovatotoowonēdi.

Maki 4:12

Moe bego tayamo ina livala imalatomota, kana, “Sigitagita go, geya sigitadokoneta. Sitaiiyakeka go, geya siyagoiyeta govila bei situgavila, e simekoigu bei idi goyo ana nuwotao sibabane.”’ Aiseya 6:9-10

Luke 13:24

‘Yaubada ina kalibúbuna ana siu imoumou kedavapola totomna giyaiina ana siu nakae. Ame alatuuwokoimi konōve: Tomota badabadaidi ituli ta kenao siilusala bego sisiu go, geya itoboinedita bei sisiu. Tauna kokokōila kedavapola totomna giyaiina goi Yaubada ina kalibúbuna kosīu.

Luke 22:32

Go yau bogina akawanoi kom manum bego im numisa goi geya kukapusita. Ago tutayana kwaluvilamna kuma yau yaigu, e semowo kukitogagēdi.’

Iyoni 1:51

Tuwaina kana, ‘U nakae dogoi gagaidi bei kugitedi! Ame alatuuwokoimi konōve: Nava bei yábana kogite ikatupáeva go, Yaubada ina yaina goi.’

Iyoni 3:3

Go iya Yeisuyana idigo kana, ‘Im bóbwara moitamo go, ame alatuuwokoim kunōve: Avatauwa neta geya sibibinamneta, geya itoboinedita bei sigite.’

Iyoni 3:5

Go iya Yeisuyana kana, ‘Moe moitamo go, ame alatuuwokoim kunōve: Avatauwa neta bwae goi be nakae goi geya sibibineta, geya itoboinedita Yaubada ina kalibúbuna goi sisiu.

Guinuwa 14:22

Ame asayadi tamo tamo goi Yeisu ina tovatotowanayao sikitogagedi. Nakae atedi sivapatupatudi Yaubada ina yava ana kenao goi sitaoyakavata. Silatuwokoidi sidigo kadi, ‘Mou badabadaidi itoboineda tababanedi bei goi tasiu.’

Guinuwa 28:27

Moitamo. Ame tomotayadi dabadi sikasa, taiyadi sipatu be nakae matadi sikibodedi, govila bei matadi goi sigita, taiyadi goi sinowo be nakae nuwodi goi siyagoi, bei situgavila, e simekoigu akidedevinedi.’” Aiseya 6:9-10

Guinuwa 3:19

Tauna kotugavīla go, Yaubada komēko, e bei imi goyo itakukudi.

1 Korinta 14:20

Segowo, taabu imi nuwonūwana Baloma Kimaasabaina ina kaiguyau adi kaikauna manudi gogómana nakae, go sem latuwogu imi sinapu goi geya ami pikwanamo memeya nakae. Ego imi nuwonúwana aiguyauyadi manudi komatūwo.

1 Pita 2:2

Nakae gogómana meyameyaidi nunu sikamonamonanae, e komi nakae Yaubada ina livala mooitamoina be maavadaina kokamonamonanāe bego livalayana goi koomatuwo ana kadókana ami yava ana kalaitúwana kobabane.

2 Pita 1:11

Neta moe nakae, e Yeisu Guyau, Tauyana ida Tomoya nakae ada Toyava, bei itagonedokoimi ina kalibúbuna vaatayaina goi kosiu.