Madiu 18:10 - Buki Kimaasabaina

¹⁰ Ami dodōkana. Guna tonumisayao nuwotookaidi taabu kokubuuyevēdi. Ame alatuuwokoimi konōve: Guna tonumisayao nuwotookaidi idi tuta liliuna Tamagu guma yábana matana goi sikaaiyaka. [

Madiu 18:10 ပူးပေါင်းရင်းမြစ်များ

Madiu 1:20

Moe manuna inuuwonúwana go, matana imasisi, e imasisi ikanamatáiya. Ina masisiyana goi ikanamimi. E ina kanamimiyana goi matabuwona isowóduwo ikatuwoini, idigo kana, ‘Iyosepa, Devida tubuna, taabu kuumatōita bei Meri kukabi monem. Gamona sinaena gomanayana ibibíbina moe Baloma Kimaasabaina ina kaiguyau goi ima.

Madiu 12:20

Geya vatau tayaamo neenetaina duriduri taguuyalina nakae o rampa ana wiki kaakupina nakae ikatae, go sem inuwokapisiyedi. Nakae bei iguinuwe ana kadókana Yaubada ina takínona vavasa amo lavayana bei ikaiwoduwedoko.

Madiu 18:14

Tauna nakae Tamada guma yábana geya latuwona bego kidi nuwotokaidiyadi yaidi goi tayamo itagau.’

Madiu 18:6

Go avatauwa neta tayamo toosobuna guna tonumisayao yaidi goi sivakapusiye, e liuna gagaina toina bei sibabane. Neta gurewa gagaidi sikabidi, nukotodi goi sisikoidi go, tauyadi silavedi sisou sina négwasa dimówana goi sisou sisalili, moe liuna giiyaina, go sem Yaubada ina liuna bei gagaina.

Madiu 2:13

E tonanamsayadi sikaaluvila go, Iyosepa imasisi, ikanamimi. Ina kanamimiyana goi matabuwona isowóduwo Iyosepa ikatuwoini idigo kana, ‘Iyosepa, kutāoya! Gómana ma sinana kwabīdi go, kosīya kōna Itipita goi. Amoko goi kokaaiyāka ana kadókana alatuwokoim. Erodi ina tovayaviyayao bei ilatuwokoidi sina gomanayana silusale bego sikaumate.’

Madiu 2:19

E Erodi ina kámasa mlina Iyosepa nava Itipita goi ikaaiyaka go, tuta tayamo imasisi, ikanamimi. Ina kanamimiyana goi Yauwe ina anerose matabuwona isowóduwo ikatuwoini

Madiu 24:31

Síula bei iuwe, e ina bei ietunedi sina poyapoya ana madabokina goi ina kinavayao sitaligogoidi.

Luke 1:19

Go aneroseyana idigo kana, ‘Yau Gaberiyeli, tuta liliuna Yaubada matana goi aataoya ina nuwonúwana aguuinuwe. Tauyana ietunegu ama bei ame vala dedevinayana atalavaite yaim.

Luke 10:16

Avatauwa neta komi imi livala siinovedi, moe nakae yau guna livala siinovedi. Avatauwa neta komi sikaataemi, moe nakae yau sikaataegu. E avatauwa neta yau sikaataegu, moe nakae guna toetuna siikatae.’ Ibóbwara ikavava, adi taiyuwo adi taiyuwo ietunedi sina.

Luke 16:22

E niga tokaiyana ikámasa go, sikavale sinave Eberamo kikina. E toesaesayana nakae ikámasa namlieta sivaliwoge.

Guinuwa 10:3

E tuta tayamo bogina lavilavi nukotona goi tayamo igitedoko ima idigo kana, ‘Koniliasi!’

Guinuwa 12:15

‘Kom nakona kuyaluwo’, tomota kaedi. Go kina vavinayana ikaugeogéona kana, ‘Moitamo, tauyana!’ ‘Geya. Amo Pita ina anerose’, tomotayadi kaedi.

Guinuwa 12:23

E Erodi inovedi go, Yaubada ina togaga ana geya ikamoitamoeyeta. Tauna mainao Yauwe ina anerose ina Erodiyana ilaui ikatówana; atowanayana pasina motemoteta sinaena sikani, e ikámasa.

Guinuwa 27:23

Yau Yaubada ina kitom be nakae yaina asaakululu, e ina nuwobuna ietune ima yau matagu goi itaoya

Guinuwa 5:19

E kina go Yauwe ina sabamgo goi ima deri totomna ikatupáeve. Ikavava, vamoleyanayaoyadi ikabidi inavedi go, ilatuwokoidi idigo kana,

Roma 14:10

E komi awoinu kaka ana tokáika manakae? Kaga unana semiyao kaga liliuna ana tokáika kotaakinoidi kidi toogoyoidi? O komi kaga liliuna ana tokáika, kaga unana semiyao awoinu kaka ana tokáika kokubuuyevedi? Kita madabokida Yaubada matana goi bei tataoya ina kaba takínona manuna.

Roma 14:21

Neta anina geya takanikani o geya tanimnim o ava kaba kapusi tuwaina sedao yaidi goi geya taguinuwedita bego sedaoyadi idi numisa goi tavakapusiyedi, e moe guinuwayadi dedevidi.

Roma 15:1

E kita totogaga mada tasíkwana kidi geya idi togagamo idi neneta goi tavaitedi go, adetava geya tavauyaonedeta.

1 Korinta 11:22

Kaga unana nakae koguuinuwe? Manakae? Geya imi vadamo bei moeko goi kokakáika be konimnim? O nakona Yaubada ana totugugunayao kokubuyevedi, e maniyedi geya avadimo kogieomaemaedi. Manakaegu alatuwokoimi? Bego ayapaliyemi? Moe manuna geya ayapaliyemita!

1 Korinta 16:11

Tauna geya vatau tayaamo tauyana ikaolilīve. E tutayana ikalavemi, mana tuboina be ma nimatoona koetūne ima yaigu. Tauyana be sedao maniyedi taiyao atuyaaosidi sima.

1 Korinta 9:22

Tutayana toneneta yaidi goi akaaiyaka, guna sinapu nakae neta yau aneneta bego itoboinegu atamyabidi sinumisa. Tomota madabokidi apanaitedi bego guna sinapu liliudi goi nakona maniyedi adi yava sibabane.

2 Korinta 10:1

E yau Paulo magu sakululu be magu mesayágana nakae, toinigu akawanoi makimaki yaimi. Ame yau Paulo tomota maniyedi siidigegu bego matooisigu neta taiyao takaiyaka go, magu katepatu leta goi neta atumasaba.

2 Korinta 10:10

Moe nakae alatuwokoimi unana tomota maniyedi sidigo kadi, ‘Paulo ina leta kasakasaidi be toogagaidi go, neta ikaaiyaka yaida, tauyana ina bóbwara neenetaidi be aba katae.’

Galetiya 6:1

Segowo, neta siyami tayamo apipilova goi ikapusi, e komi ikabikuunuimi mami sakululu siyamiyana kokitotōto. Go ami dodōkana, govila bei komi nakae aba vakakona kobabane, e tauyana nakae kokapusi.

1 Tesalonáika 4:8

Moe pasina tauna, avatauwa neta ame vatulukwanayana siikatae, moe geya kada tomota kaka sikaataedi geya, go sem Yaubada, Tauyana Balomaina Kimaasabaina ikaiguyauye yaida, nakae siikatae.

1 Timoti 4:12

Nakona tomota latuwodi sivasobusobuyem unana kom tubuwau go, taabu kutaagonēdi nakae siguuinuwe, go sem im bóbwara, yawoim, im , im numisa be im sinapu maavadaina goi tonumisa yaidi kuvagiitakōim kom numisa ana kaba kinana.

Iberiu 1:14

Go anerose kaga? Madabokidi baloma nakae, Yaubada ina tovaitayao ivamoleyedi sima bei kita ada yava taababane sivaiteda ae?

Iberiu 9:24

Moitamo. ikaikaina itoboine. Tauyana Tukunu Kimaasabaina toina siyowoyowo goi geya isiuta. Moe Tukunuyana Tukunu mooitamoina yábana goi ana tapata, go sem Tauyana yábana toina isiu ina ame tuta Yaubada matana goi ikaaiyaka kita manuda.

Nuwogau 8:2

Amo ikavava, ainima aiyuwo Yaubada matana goi siitaoya bego ina nuwonúwana siguinuwe go, agitedi tamo tamo idi síula ivinidi.