Madiu 17:22 - Buki Kimaasabaina

²² E kataligógana Galili goi go, Yeisu ilatuwokoima idigo kana, ‘Segowo, tomota tayamo giyakainava bei itaoya, Tomalatomota inuwotuluye tomota nimadi goi.

Madiu 17:22 ပူးပေါင်းရင်းမြစ်များ

Madiu 16:21

Tuta amo goi Yeisu ivatowo kai ina tovatotowanayao ivatulukoima ina kámasa manuna, idigo kana, ‘Itoboine ana Yerusalema goi tomoyamoya be Gagaidi be nakae Yaubada ina Katukeda ana tovatulukwanayao bei siyogedegedegu gagaina be nakae sikaumategu go, maliyalina aitonina goi Yaubada bei ikaitaoegu.’

Madiu 16:28

U, moe nakae bei isowóduwo go, ame alatuuwokoimi konōve: Tutayana Tomalatomota ima, bei ina bodao ikaliibubudi, e komi maniyemi ameko kootaoya nava bei maa yawoimi kogite.’

Madiu 17:12

Go ame alatuuwokoimi konōve: Iraitiyayana bogina ima go, tomota geya sikinaneyeta, go sem kaga nakae latuwodi siguinuwe tauyana yaina, e nakae siguinuwe. Tomalatomota nakae, bei siyogedegede.’

Madiu 17:23

Ikavava, bei sikabi sikaumate go, maliyalina aitonina goi Yaubada bei ikaitáoe.’ Ame kai kanove, nuwoma imou gagaina.

Madiu 17:9

Ikavava, koya goi sisousou go, Yeisu ilovinaedi idigo kana, ‘Kaga koogitedi taabu kotalaavaitēdi ana kadókana Yaubada tokámasa yaidi goi ikaitáoe.’

Madiu 24:10

Ago amo tutayana tonumisa badabadaidi idi numisa goi bei sikapusi. Sediyao bei sinuwotuluyedi nakae sikaolilivedi.

Madiu 26:16

Tuwo tuta amo goi Yudasa tuta ana toboine iilusale bei Yeisu inuwotuluye.

Madiu 26:46

Kotāoya tāna. Gwa! Guna tonuwotuluyana bogina imamaima.’ Tuwo moitamo sitaoya go, kai ina tovatotowanayao ainima aito nakae iduduwema kama.

Maki 8:31

Tuwo ivatowo ivatulukoidi idigo kana, ‘ Gagaidi be Yaubada ina Katukeda ana tovatulukwanayao bei sikatae namlieta sikaumate go, maliyalina aitonina goi bei itaoyamna.’

Luke 24:26

Boi sidigodigo bego isiu bei ikalibúbuna.’

Luke 24:46

Ikavava, idigo kana, ‘Amo bukiyadi goi sigini bego , itoboine bei gedageda be ámasa ibabanedi go, maliyalina aitonina goi tokámasa yaidi bei itaoyamna.

Luke 9:22

Gagaidi be nakae Yaubada ina Katukeda ana tovatulukwanayao bei sikatae namlieta sikaumate go, maliyalina aitonina goi Yaubada bei ikaitáoe.’

Guinuwa 7:52

Yaubada ina tokabivalavalayao ietunedi sina tubumiyao yaidi go, manakae? Adi taivina sivakaleyedi? Madabokidi ae? Aiyuwoina boi tokabivalavalayadi sitalavaita bego kina bei ima go, nakae tubumiyao sitaoya sikaumatedi. Ame tuta Tokibobwatayana ana tonuwotuluyao be nakae ana tokaumatayao moe tauna komi!

1 Korinta 11:23

Guna nuwonúwana ame nakae: Kaga boi ida Tomoya yau ilatuuwokoigu bogina alatuwokoimi bego boi sabamgoyana Yudasa ida Tomoya ikabi,