Madiu 16:27 - Buki Kimaasabaina

²⁷ Moitamo. Tomalatomota Tamana ana taiyao, e bei tomota tamo tamo idi guinuwa goi ikatumapudi.

Madiu 16:27 ပူးပေါင်းရင်းမြစ်များ

Madiu 13:41

Kina Tomalatomota ina aneroseyao bei ietunedi sina ina kaba kalibúbuna sinaena goi goyo adi totalewúwuna liliudi be nakae lovina adi tokapipilova liliudi silabudi. Ikavava silamgogoidi,

Madiu 13:49

Tauna nakae tuta ana kaba lukavava goi. Anerose bei sina tokibóbwata nauyayanaidi goi toogoyoidi sivatumasabedi,

Madiu 24:30

Amo tutayana bei Tomalatomota ina kaluvilamna ana kaba kinana yábana osasaina goi isowóduwo. Go amo tutayana bei boda liliudi poyapoya ame goi madi nuwomou sitáiya. Ago Tomalatomotayana bei sigite yábana geleoina goi imamaima ina togaga be nakae ina tomoéyala gagaina ana bei ivagitaakoedi.

Madiu 25:31

Tuwaina Yeisu kana, ‘E tutayana Tomalatomota ikaluvilamna ima tomoeeyalina bei ivagitakoe go, kebana esaaesaina aba taimámina goi bei itusobu ikalibúbuna.

Madiu 26:64

Kina Yeisuyana idigo kana, ‘Kom bogina kudigoyabe. Go ame alatuuwokoimi konōve: Tuta imamaima Tomalatomota bei kogite mana lovina wowoina basekoina kakataina goi iitusobu be nakae yábana geleoina yatadi goi imamaima.’

Madiu 8:20

Ago kina Yeisu idigo kana, ‘Weiniya woliwoli madi bobosiu, mánuwo madi vátala go, geya ana kaba masisimo. Tauna neta kusabokuuliyegu, e kom bei yau nakae.’

Maki 14:62

E kina go Yeisu idigo kana, ‘ kakataina goi iitusobu be nakae yábana geleoina yatadi goi imamaima.’

Maki 8:38

Moitamo. Ame tuta boda Yaubada situgavile be nakae kidi goyo sinadi go, avatauwa neta omayamaya pasina yau silawoiwoiyegu be nakae guna livala silawoiwoiyedi, nava tutayana Tomalatomota Tamana ana kimaasabaidi taiyao, e nakae bei ilawoiwoiyedi.’

Luke 21:27

Amo tutayana goi tomoeeyalina gagaina ivagitakoedi.

Luke 22:69

E tuta imamaima Tomalatomota bei mana lovina wowoina basekoina Yaubada kakataina goi iitusobu.’

Luke 9:26

Moitamo. Avatauwa neta yau silawoiwoiyegu be nakae guna livala silawoiwoiyedi, nava tutayana Tomalatomota bei ima ana kimaasabaidi adi káeyana tomoeeyalina ivagiitakoedi, e nakae bei ilawoiwoiyedi.

Iyoni 21:22

Go Yeisu kana, ‘Neta latuwogu tauyana ikaaiyaka ana kadókana akaluvila ama, moe geya tayaamo kaga yaim. Kom to kusabokuliyeeyamōigu.’

Iyoni 21:23

E tauna moe livalayana inúnuwo ina Yeisu ina bodao yaidi bego yau bei geya akamaseta. Go Yeisu moe nakae geya ibobwareta bego yau geya akamaseta, go sem Tauyana kana, ‘Neta latuwogu tauyana ikaaiyaka ana kadókana akaluvilamna ama, moe geya tayaamo kaga yaim.’

Guinuwa 1:11

kadi, ‘Komi Galili korotoimi, kaga pasina kootaoya yábana osasaina kopotepote? Mae Yeisuyana bogina kogite yaimi goi Yaubada ikabi itukoe inave yábana, bei ikaluvilamna ima go, ina kaluvilamnayana ana kaigigita tauna mae ina tuko nakae bogina kogite.’

Roma 14:12

Tauna kita tamo tamo bei toinida ida guinuwa tatalaseyanedi Yaubada yaina goi.

Roma 2:6

Kita tamo tamo bei ikatumapuda nakae ida guinuwa goi ame nakae:

1 Korinta 15:23

E kita tamo tamo mada tuta taoyamna manuna. Guyau ivakumgo namlieta kita ina bodao ina tuta aluvila goi tataoyamna.

1 Korinta 3:13

e kita tamo tamo ida paisewa adi dedevina bei tayagoidi. Moitamo. Tomoya ina Maliyalina goi bei ima ida paisewa ikaiwoduwedi go, nakona dedevidi, nakona goyogoyoidi. Unana ida paisewayadi yeu bei igabukonedi, e itoboineda paisewayadi tamo tamo takinanedi nakonakae.

1 Korinta 8:8

E geya kada awoinu pasina Yaubada iuyaoneda geya. Nakae neta awoinu maniyena geya taakanidi, geya kada kita toogoyoida geya. O neta awoinu maniyena taakanidi, geya kada kita todedevida geya.

2 Korinta 5:10

Itoboineda tavauyaone unana madabokida ina kaba takínona goi bei tataoya be kita tamo tamo nakonakae wowoda goi boi bogina taguinuwedi, neta dedevina o igoyo, e nakae guinuwayadi bei imapudi. Tauna tapoikīkina bego Tauyana tavauyaone.

Epeso 6:8

Konuwāisi bego kita tamo tamo, nakona paakonida o taliigavida, ava guinuwa dedevina neta taguuinuwe, moe guinuwayana ida Tomoya bei ikatumapu.

Kolose 3:25

Moitamo. Avatau neta goyo ana toguinuwa, nakonakae ina goyo, e ana katumapu bei ibabane go, Yaubada Tokivavasa, e ina lovina vavasa tomota liliuda yaida.

1 Tesalonáika 1:10

Aiyuwoina sitalavaitemi komi manakaemi Natuna boi ámasa goi bogina ikaaitáoe kotuuyaosi bei yábana goi ikaluvilamna ima. Natunayana moe Yeisu; Tauyana Yaubada ina egamogamogu imamaima goi bei iyaveda. Tauna kaayagoi Yaubada ikinavemi.

1 Tesalonáika 4:16

Ida Tomoyayana toinina yábana goi bei isou ima mana lovina ipodede tokámasa yaidi. Amo tutayana taiyao bei sigimitaoya.

Yemesa 5:7

Tauna segowo, imi vakakona goi koaaramāitana ana kadókana ida Tomoya ikaluvilamna. Tobágula kogīte. Ina vévana ibagulidi ikavava, bonau ituuyaosi. Mana mesayágana daúmwara ana tuta goi be nakae kótala ana tuta goi kúwana ituuyaosi. Iituyáwata ana kadókana poyapoya goi ina dibayoya ibabane, dibayoyayana moe sowona.

1 Pita 1:17

Yaubada kita tomota tamo tamo ida guinuwa goi itakinovaavaseda. Ame Yaubadayana kovaatamane, tauna komi ogaoga imi tuta ameko poyapoya goi nakae mami matoita wowooinina Tauyana yaina kooketōiya.

1 Iyoni 2:28

Natugowo, kokaaiyāka Yeisu yaina bego tutayana ikaluvilamna ima, matana goi mada katepatu geya taomaemaeta.

Yuda 1:14

Boi nimatu amo tokapipilovayadi manudi Enoki itaalavaita. Enokiyana tubuna moe Adama. Ago Adama ina isou ina Enoki ina nunu moe nunu ana badabada ainima tayamo. E ina talavaitayana goi idigo kana, ‘Gwa! Yauwe imamaima ina aneroseyao kimaasabaidi badabadaidi taiyao

Nuwogau 1:7

Konōve! Tauyana gaota goi isou imamaima. Tomota liliudi, nakae kidi Tauyana ana toginubasinayao, bei sigite. Boda liliudi Tauyana manuna bei sitáiya. Moitamo! E nakae!

Nuwogau 2:23

Vavinayana natunao bei akaumatedi go, Tomoya ana totugugunayao madabokidi bei siyagoigu bego yau tomota liliudi nuwodi be atedi ayaagoidi. Go madabokimi nakonakae imi guinuwa, nakona dedevidi o nakona goyogoyoidi, nakae bei akatumapumi.

Nuwogau 20:12

Sisáwala ikavava, tokámasa liliudi agitedi, nakona maa yoidi o youtagau, Yaubada kebana esaesainayana matana goi siitaoya. Amo tauyadi négwasa goi sikámasa be nakae tokámasa idi dadava poyapoya goi sima. Siitaoya go, anerose buki sikatupaevedi. Amo bukiyadi sinaedi tomota idi guinuwa liliudi, dedevidi be goyogoyoidi, sikaaiyaka. Ago ituli ta buki nakae sikatupáeve, bukiyana moe yawana vata bukina, sinaena goi avatauwa neta yawoidi vata bei sibabane, e yoidi sikaaiyaka. E tokamasayadi liliudi sima kébana matana goi siitaoya go, Yaubada bukiyadi igitedi, kaga nakae boi idi guinuwa, e amo guinuwayadi goi tamo tamo itakinoidi.