Madiu 16:24 - Buki Kimaasabaina

²⁴ Tuwo kai Yeisu ina tovatotowanayao yaima goi idigo kana, ‘Avatauwa komi neta latuwomi bego kosabokuuliyegu, toinimi yawoimi kokaasalēdi be nakae toinimi imi kerose kokaavalēdi namlieta baige kōma kosabokuliyēgu.

Madiu 16:24 ပူးပေါင်းရင်းမြစ်များ

Madiu 10:38

Avatauwa neta geya sitagoneta bei toinidi idi kerose siikavale be nakae sisabokuuliyegu, geya itoboinedita bei yau guna bodao.

Madiu 27:32

E sinavenave go, enao goi koroto tayamo guma Sairini sibabane yoina Saimoni. Moe tauyana silovinae bego Yeisu ina kerose ikavale.

Maki 10:21

E kina go Yeisu idobala korotoyana idumaakavate go, imatakoiye, e idigo kana, ‘Go tayamo guinuwa kukiseeyeseye. Kūna konam liliudi kwaigimonēdi go, maisadi kwabīdi, kūna tookaidi yaidi goi kwaiguyauyēdi, e yábana goi bei kom mam esaesa. Kwaiguyauyedi ikavava, kūma kusabokuuliyēgu.’

Maki 15:21

E sinavenave go, enao goi koroto tayamo guma Sairini sibabane yoina Saimoni. Saimoniyana Alekisanda be Rupuso tamadi. Tauyana ina tánuwo goi imamaima. Imamaima go, tovayaviya siyoisi, silovinae bego Yeisu ina kerose ikavale.

Maki 8:34

Yeisu boda madabokidi ina tovatotowanayao taiyao iduduwedi sima ilatuwokoidi idigo kana, ‘Avatauwa komi neta latuwomi kosabokuuliyegu, toinimi yawoimi kokaasalēdi be nakae toinimi imi kerose kokaavalēdi namlieta baige kōma kosabokuuliyēgu.

Luke 14:27

Avatauwa neta geya sitagoneta bei toinidi idi kerose sikavale be nakae sisabokuliyegu, geya itoboinedita bei simalatovatotówana yau yaigu.

Luke 23:26

Tutayana sinavenave bei kerose goi situpatuko, enao goi koroto tayamo guma Sairini yoina Saimoni ina tánuwo goi imamaima. Imamaima go, tovayaviya siyoisi silovinae Yeisu ina kerose ikabi ikavale. Ikabi ikavale Yeisu mlina goi iiketoiya.

Iyoni 19:17

ina kerose sivini toinina ikavale go, sisowoduwe sinave asa tayamo siivayou Bulubulu ina Kasa goi. Moe asayana kai Diyuu niyama goi moe Gorigota.

Iyoni 21:19

E moe livalayana goi Yeisu italavaita ava kámasa goi Pita bei Yaubada ina togaga ana ivagitakoe. Yeisu ibóbwara ikavava, Pita ilatuwoko kana, ‘Kusabokuuliyēgu.’

Iyoni 21:22

Go Yeisu kana, ‘Neta latuwogu tauyana ikaaiyaka ana kadókana akaluvila ama, moe geya tayaamo kaga yaim. Kom to kusabokuliyeeyamōigu.’

Guinuwa 14:22

Ame asayadi tamo tamo goi Yeisu ina tovatotowanayao sikitogagedi. Nakae atedi sivapatupatudi Yaubada ina yava ana kenao goi sitaoyakavata. Silatuwokoidi sidigo kadi, ‘Mou badabadaidi itoboineda tababanedi bei goi tasiu.’

Kolose 1:24

Ame tuta guna gedageda komi ami dedevina manuna abaabanedi auyaaonedi unana gedagedayadi goi bei itoboinegu kaga boi bogina igimilovina tonumisayao ida gedageda ana kakainaki manuna yau wowogu goi alukavavedi Tauyana wowona manuna. Wowonayana moe kita Yeisu ana totugugunayao.

1 Tesalonáika 3:3

e bei geya vatau tayaamo yaimi goi mana kateyova mouyadi pasidi, e ina numisa ikalave geya. Moitamo. Komi bogina kooyagoi moe Yaubada ina nuwonúwana bego mou tavaloobodedi.

2 Timoti 3:12

E avatauwa kita neta latuwoda ida taiyao goi taaketoiya nakae Yaubada iuuyaone, e tomota goi mou bei tababane.

1 Pita 2:21

Moe manuna Yaubada iduduweda unana nakae gedageda ilotowo manuda, tuwo aba gita iyato yaida bego kiyaena tavaekuli.