Madiu 15:31 - Buki Kimaasabaina

³¹ Tauna tutayana bodayadi sigite kidi maedi moumoudi sibóbwara, togoyogoyo sidedevina, topem siketoiya be nakae tokebo sigita, e sikainaopa go, kai Isileli tubunao ima Yaubada ina togaga ana sikamoitamoe.

Madiu 15:31 ပူးပေါင်းရင်းမြစ်များ

Aba Vatowo 32:28

E korotoyana idigo kana, ‘Bogina kuvayaviya Yaubada be koroto yaidi goi go, kom kukalisavedi. Tauna geya tuwaina yoim Yakobo. Kom yoim .’

Aba Vatowo 33:20

Amoko goi dídiya ikabi, ikaudakodako, .

Tateta 24:10

Katuko, e kai Isileli tubunao ima Yaubada kagite. Aena ogalaoina goi gurewa tayamo kaausaraina yoina sapaire nakae ikaaiyaka go, maisina yábana buruu nakae.

Madiu 15:30

Iitusobu go, boda sima Tauyana yaina. Bodayadi moe topem, togoyogoyo, tokebo, maedi moumoudi be nakae tokatówana simedi Tauyana matana goi siyatoidi, e ikidedevinedi.

Madiu 18:8

E, ava nímana o ava káena ami píkwana ana toyomátula, e kokūpo kokalāve. Neta ma nimakuuponimi o nakae ma kaekuuponimi go, yawoimi vata kobabane, e moe dedevina, go sem neta ma nimayuwoyuwoimi o ma kaeyuwoyuwoimi silavemi kosou yeu aiyako vaatayaina goi, e moe igoyo toina.

Madiu 21:14

Ibóbwara ikavava, tokebo be topem maniyedi sima Vada Kimaasabaina ana kali goi, e Yeisu ikidedevinedi.

Madiu 8:10

E ina livalayana Yeisu inove, ikainaopa. Tuwo tauyadi sisabookuliye ilatuwokoidi idigo kana, ‘Iyaa! Ame tauyana moitamo! Ame alatuuwokoimi konōve: nakae.

Madiu 9:32

E Yeisu kai taiyao bego kasowóduwo kana go, tomota maniyedi matabuwodi koroto tayamo maena ikiigavile sime Tauyana yaina. Sime, Yeisu igite, dimoniyana ivatapiye isiya.

Madiu 9:33

E ivatapiye ikavava, korotoyana itoboine ibobwara dókana. Ago boda sigite, sikainaopa kadi, ‘Geya tayaamo kaga nakae sinaena tagitegite!’

Madiu 9:8

E amo guinuwayana boda sigite, madi matoita wowooinina Yaubada ina togaga ana sikamoitamoe unana tomota togaga iivinidi.

Maki 2:12

Tuwo topemyana itaoya, e mainao ina baseko ikabi, boda liliudi matadi goi iketoiya vadayana goi isowóduwo ina! Tauna boda madabokidi sikainaopa nakae Yaubada ina togaga ana sikamoitamoe kadi, ‘Guinuwa amo nakae boi geya tayaamo tuta tagite!’

Maki 7:37

Go tomota ina guinuwa sigite, sikainaopa gagaina sidigo kadi, ‘Iyaa! Ina guinuwa madabokina dedevina! Tauyadi taiyadi patupatudi ikidedeevinedi bei sinowo, nakae tauyadi maedi simoumou ikidedeevinedi bei sibobwara dókana.’

Maki 9:43

Go ava nímana ami píkwana ana toyomátula, e kokūpo kokalāve. Neta ma nimakuuponimi go, yawoimi vata kobabane, e moe dedevina, go sem neta ma nimayuwoyuwoimi silavemi kosou ana yeu sabenínima vaatayaina goi, e moe igoyo toina.

Luke 14:13

Go sem tutayana áika gagaina kuguinuwe, tookaidi, tokaituko, topem be tokebo kududuwēdi sima sikáika.

Luke 14:21

Geya, tuwo pakoninayana ikaluvila ina ina tomoya ilatuwoko tomota idi katae manuna. Tuwo kina tomoyayana mana egamogamogu idigo kana, “Woilīm kūna asa adi kenao liliudi goi tookaidi, tokaituko, tokebo, topem kwabīdi kumēdi sikáika!”

Luke 18:43

Tuwo mainao igita dókana, tauna ivatowo Yeisu isabokuliye, e Yaubada ina togaga ana ikamooitamoe. Ago boda sigite kaga iisowóduwo yaina, tuwo Yaubada siyapaliye.

Luke 7:16

E madabokidi madi wowoina simatoita, tuwo Yaubada ina togaga ana sikamoitamoe kadi, ‘Yaubada ina gagaina bogina yaida goi iitaoya!’ Aiyuwoina kadi, ‘Yaubada kita ina bodao bogina ivadadeda!’

Iyoni 9:24

E tuwo aiyuwoina korotoyana boi matana ikebo siduduwemnei ima silatuwoko sidigo kadi, ‘Kubóbwara moitamo, e Yaubada ina togaga ana kukamoitamoe bego moe pasina matam sidedevina. Kai kaayagoi amo korotoyana toogoyoina.’