Madiu 15:22 - Buki Kimaasabaina

²² Ago amo dadavayana goi tayamo Kenani vavinaina ima Yeisu yaina iduduwo idigo kana, ‘Tomoya Devida tubuna, natugu vavina ikinagova gagaina! Kunuwokapisiyēgu!’

Madiu 15:22 ပူးပေါင်းရင်းမြစ်များ

Madiu 1:1

Buki ame moe ana liliu bukina. Tauyana tubuna moe tokalibúbuna Devida go, tubuna gagaina moe Eberamo.

Madiu 15:23

Go Yeisu geya ikatumapuyeta. Tuwo kai ina tovatotowanayao kama kakawanoi kadigo kama, ‘Tomoya, vavinayana mlida goi iiduduwo, tauna kuvalilīve ina.’

Madiu 17:15

idigo kana, ‘Tomoya, natugu koroto ina vísiya goi ma taatavina, tauna visiyayana ibunenete. Nakae tuta maniyena ikapusi isou yeu goi go, tuta maniyena ikapusi isou bwae goi. Aiyuwoina maine bogina ame im tovatotowanayao yaidi goi bego sivaite go, geya itoboinedita sikidedevine. Tauna tauyana kunuwokapisīye.’

Madiu 4:24

Tauna Tauyana valena inúnuwo Siriya ana madabokina goi. Boda sinove, tuwo idi togogolatayao, idi yaluwoyao be nakae kidi naagovaidi liliudi simedi Tauyana yaina. Togogolatayaoyadi ame nakae: Maniyedi madi vísiya, maniyedi madi gedageda, maniyedi madi pem. Madabokiidi simedi Tauyana ikidedevinedi.

Madiu 9:27

Yeisu itaoya, amo dadavayana ikalave inonoina go, tokebo adi taiyuwo sima Yeisu sisakurikuriye. Idi sakurikuriyana goi siiduduwo kadi, ‘Devida tubuna, kunuwokapisiyēma!’

Luke 17:13

niyadi gagaina goi siduduwo kadi, ‘Tomoya Yeisu, kunuwokapisiyēma!’

Luke 18:13

E kina go takisi ana togogoyana masigava goi iitaoya go, geya latuwona matana ikandolaga yábana goi, go sem mana nuwomou kasikasina itututu go, idigo kana, “Yaubada, yau toogoyoigu kunuwokapisiyēgu!”

Luke 6:18

Madabokidi latuwodi Yeisu sitaiyakeke be idi katówana goi ikidedevinedi be nakae tomota naagovaidi ikidedevinedi.