Madiu 13:32 - Buki Kimaasabaina

³² Kutukutuyana giyaina toina, nakae kutukutu liliudi goi geya tayaamo alova kutukutuna giyaina nakae. Go tutayana alovayana ibíbina imatuwo, e alova gagaina, nakae alova liliudi itabosavedi. Tauna mánuwo sima laonina goi idi vátala siyowóidi.’

Madiu 13:32 ပူးပေါင်းရင်းမြစ်များ

Maki 4:30

Tuwaina Yeisu kana, ‘Yaubada ina kalibúbuna sinaena goi ina bodayauwo adi vaituwo kaga goi bei akatutuko? Ava livalakaibala itoboine bei alivalakaibalae, e bei imavada yaimi?

Maki 4:32

Go tutayana tabaguli, bei itabo ibíbina, e alova liliudi itabosavedi; nakae laonina gagaidi iyatoidi. Tauna laoninayadi goi mánuwo itoboinedi idi vátala siyowóidi.’

Luke 13:18

E tauna ilatuwokoidi idigo kana, ‘ sinaena goi ina bodayauwo adi vaituwo nakonakae? O kaga goi bei akatutuko?

Guinuwa 1:15

Moe tutayana goi Pita senao nuumisaidi adi badabada tayamo andedi tuwenti (120) nakae situgúguna go, nauyayanaidi goi Pitayana itaoya ilatuwokoidi idigo kana,

Guinuwa 21:20

E livalayana sinove, Yaubada ina togaga ana sikamoitamoe go, Paulo silatuwoko kadi, ‘Siyama, bogina kugite aivina tausani Diyuu yaidi goi bogina sinumisa. Ago amo tauyadi nava madi salau sikabikaaonedoko.

Nuwogau 11:15

Amo ikavava, anerose ainima aiyuwoina ina síula iuwe, e yábana goi níyana gagaidi sidigo kadi, ‘Ame tuta da poyapoya idi lovina bogina ikavava! Ida Tomoya bogina sietokalibúbuna. Bei sikalibubuna vata: Ame tuta be nakae tuta simamaima.’