Madiu 13:14 - Buki Kimaasabaina

¹⁴ Kidi goi Aiseya ina talavaita imalatomotamna. Tauyana idigo kana, “Bei kotaiiyakeka go, geya koyagoiyeta. Bei kogitagita go, geya kogitadokoneta.

Madiu 13:14 ပူးပေါင်းရင်းမြစ်များ

Maki 4:12

Moe bego tayamo ina livala imalatomota, kana, “Sigitagita go, geya sigitadokoneta. Sitaiiyakeka go, geya siyagoiyeta govila bei situgavila, e simekoigu bei idi goyo ana nuwotao sibabane.”’ Aiseya 6:9-10

Luke 8:10

E Yeisu kana, ‘Yaubada nanamsa bogina ivinimi bei itoboinemi ina nuwogau ina kalibúbuna manuna koyagoi. Go tomota liliudi kaga liliuna livalakaibala goi sinovedimo. Moe bego tayamo ina livala imalatomota, kana, “Sigitagita go, geya sigitadokoneta. Sitaiiyakeka go, geya siyagoiyeta.” Aiseya 6:9-10

Roma 10:16

Valayana tomota liliudi sinove go, maniyedi geya sikabikaoneyeta. Moe nakae Aiseya ina livala. Tauyana idigo kana, ‘Yauwe, Geya vatau tayaamo talavaita ina pakonayana manuna kanove bei inumise.’ Aiseya 53:1

2 Korinta 3:14

go sem dabadi sikasa. Moitamo. Boi nimatu ima ame tuta Yaubada ina kanasiuna bogo sikaatuyaivi go, tayamo taboda Mosese ina tabodayana nakae nava ikaaiyaka yaidi nuwodi itaabodedi. Tabodayana ikaaiyaka unana ida spwagógana taiyao pasina tauna bei itauwe go, kidi geya sinumiseyeta, tauna geya itauweyeta.