Madiu 12:32 - Buki Kimaasabaina

³² Avatauwa neta Tomalatomota sitagiwoi, e adi nuwotao bei sibabane. Go avatauwa neta Baloma Kimaasabaina sitagiwoi, e adi nuwotao geya sibabaneyeta, ame tuta be nakae tuta imamaima.

Madiu 12:32 ပူးပေါင်းရင်းမြစ်များ

Madiu 11:19

ima ikakáika be inimnim go, kodigo kami, “Tauyana kogite? Aikanina be nakae inim ginagina iiyaluwo. Tauyana be ituli ta toogoyoidi siyadi!” Yaubada ina nanamsa Iyoni be yau kavatulúkwana go, nanamsayana ipaaisewa tomota yawoidi goi, e guinuwayadi goi tomota siyagoi Yaubada ina nanamsa moe moitamo.’

Madiu 12:31

Tauna imi wowokanayana pasina ame alatuuwokoimi konōve: Tomota idi goyo liliudi be idi tagíwaya liliudi sivaatoidi, adi nuwotao bei sibabane, go sem avatauwa neta sitagiwoi, e adi nuwotao geya sibabaneyeta ame tuta be nakae tuta simamaima.

Madiu 12:8

Moitamo. moe Sabati ana Tomoya, e ilovina kaga itoboine Sabati goi tomota siguinuwe, tauna guna tovatotowanayao geya adi pikwanamo.’

Madiu 13:22

E tomota maniyedi amo poyapoyayana talibooibina nakae tutayana kutukutu sisou sitabo. Ame tauyadi Yaubada ina kalibúbuna valena sinove go, niga idi kaiyaka ana nuwokubukubu be nakae esaesa ina tubanibani sisowóduwo, e taliboibo nakae valayana sididimate, tauna geya sikeuwoita.

Madiu 13:39

E kina go kaleyayana boi sisinétala isivagaegaedi moe .

Madiu 13:40

Tauna nakonakae sisinétala silamgogoidi, yeu sikabi sigabudi, e nakae tuta ana kaba lukavava goi bei isowóduwo.

Madiu 13:55

Iyaa! Amo Tauyana vada ana toyówana natuna tauna. Sinana tayagoi; tauyana Meri. Senao moe Yemesa, Iyosepa, Saimoni be Yuda.

Madiu 8:20

Ago kina Yeisu idigo kana, ‘Weiniya woliwoli madi bobosiu, mánuwo madi vátala go, geya ana kaba masisimo. Tauna neta kusabokuuliyegu, e kom bei yau nakae.’

Maki 10:30

e ame tuta goi ana katumapu ivakaigaga toina bei ibabane. Nakae vada, senao, niunao, sinanao, natunao be aba lovina go, moe mou taiyao bei ibabanedi. Ago tuta imamaima yawoina vata bei ibabane.

Maki 3:28

Moe pasina itoboinegu dimoni avatapiyedi go, ame alatuuwokoimi konōve: Tomota idi goyo liliudi be idi tagíwaya liliudi sivaatoidi adi nuwotao bei sibabane.

Maki 3:29

Go avatauwa neta sitagiwoi, e adi nuwotao geya sibabaneyeta, go sem idi goyoyana ikaiyako vata yaidi goi.’

Luke 12:10

Avatauwa neta Tomalatomota sitagiwoi, e adi nuwotao bei sibabane. Go avatauwa neta sitagiwoi, e adi nuwotao geya sibabaneyeta.

Luke 16:8

Tuwo tomoyayana ina torugwáuta polapolaina ina guinuwa valena inove, ina kabitam manuna iyapaliye. Unana da poyapoya idi guinuwa goi madi kabitam gagaina toinidi idi bodao yaidi namlieta kidi mavada goi sikaaiyaka idi kabitam. Tauna torugwautayana iyapaliye.

Luke 18:30

e ame tuta goi ana katumapu ivakaigaga toina bei ibabane be tuta imamaima yawoina vata bei ibabane’, Yeisu kaena.

Luke 23:34

E kina go Yeisuyana idigo kana, ‘Tamagu, idi guinuwa goyogoyoina ame kunuwotāo. Geya siyagoiyeta kaga siguuinuwe.’ E tovayaviyayadi Yeisu ana kwama, ana sendoro, ana gadíwana sikabidi, pápala tayamo siguinuwe bei sigite avatauwa sikabidi.

Luke 7:34

ima ikakáika be inimnim go, kodigo kami, “Tauyana kogite? Aiikanina be nakae inim ginagina iiyaluwo. Tauyana takisi ana togogo be ituli ta toogoyoidi siyadi!”

Iyoni 7:12

Boda Yeisu manuna sikanasinamo. Maniyedi kadi, ‘Tauyana koroto dedevina.’ Go maniyedi kadi, ‘Geya, go sem tomota ivasulaaigidi.’

Iyoni 7:39

E moe ina livalayana idigedige nava Yeisu ina kámasa be ina taoyamna goi geya ivagitakoeta, tauna Baloma Kimaasabaina nava geya imaita.

Iyoni 7:52

Kidi tolovina be Parisi sidigo kadi, ‘Nakona kom nakae guma Galili ae? Gínina Kimaasabaina kugitedōko, bei kugite geya kada tayaamo Yaubada ina tokabivalavala Galili goi itaoya geya!’ [

Guinuwa 3:19

Tauna kotugavīla go, Yaubada komēko, e bei imi goyo itakukudi.

Epeso 1:21

Sinitu tamo tamo, adi tovakumgoyao tamo tamo, totogaga tamo tamo, aba lovina tamo tamo be nakae you tamo tamo tomota sivaatoidi kina Guyau itogagasavedi go, geya ame tuta kaka geya, go sem nakae tuta simamaima yaidi goi Tauyana Tokanayatanatoina.

1 Timoti 1:13

Boi Tauyana ataagiwoi be ina tonumisayao ayogedeegededi be nakae Tauyana avakaaleyedi. Tauna itoboinegu liuna ababane go, Tauyana geya ikatumapuguta, go sem inuwokapisiyegu unana tutayana dogoiyadi aguinuwedi, geya anumiseyeta be nakae atamogemogeye, tauna inuwokapisiyegu.

1 Timoti 1:15

Livala ame livala nakae itoboineda tauyaonedoko: Guyau Yeisu bogina isou ima poyapoya goi bego toogoyoida iyaveda. Ego togoyoidayada yaida goi yau moitamo toogoyoigu toigu go, liuna geya iviniguta geya,

1 Timoti 4:8

Neta wowoda takatubaayasidi, moe ana dedevina giyaina. Go neta balomaida takatubaayasidi yábana sinapuna manuna, moe ana dedevina gagaina kaga liliuna manuna unana moeko goi yawoida moitamo toina ame tuta be nakae ámasa mlina goi tababane. Tauna balomaim kwatuubayāsi.

1 Timoti 6:17

Kidi go poyapoya ana toesaesa ame tuta kuloviinaēdi taabu sinuuwatūe nakae idi esaesa taabu silotuutaēdi unana esaesayadi nava bei sikavava. Go sem Yaubada silootutāe, unana Tauyana tokaiguyau bei kaga liliuna ivinibesoida moe ida uyáwana manuna.

2 Timoti 4:10

Geya guna tovaitamo geya. Demasi kina poyapoya sinapuna nuwona ikobale, tauna ikalavegu ina Tesalonáika. Kina go Keresikesi ina Galetiya. Kina go Taito ina Dalimetiya.

Taito 2:12

Anuwoiyayana ivatulukoida bego ida kaoliliwo Yaubada yaina be nakae poyapoya sinapuna ana yalagau takalavedi go, tuta ame taketoiya ame nakae: Ida sinapu takabikuunuidi, taakibóbwata go, taaketoiya nakae Yaubada iuyaone.

Yemesa 1:27

Yaubada Tamada ana taimámina maavadaina go, geya ana pikwanamo matana goi ame nakae: Gumalau be kóbuya idi kaiyakomou goi sivaaitedi go, toinidi simatakaavatedi bego poyapoya sinapuna geya ikibaibailidita.