Madiu 12:26 - Buki Kimaasabaina

²⁶ Ida Kaleya nakae. Neta toinina ina bodao ivatapiyedi, moe nakae ilivisidi. Go moe kaga ana dedevina? Ina lovinayana manakaena bei itogaga? Geya! Neta toinina ina bodao ilivisidi, ina lovinayana bei ikavava.

Madiu 12:26 ပူးပေါင်းရင်းမြစ်များ

Madiu 13:19

Avatauwa neta Yaubada ina kalibúbuna valena sinove go, geya siyagoiyeta, e tauyadi poyapoya enao goi nakae. Poyapoyayana goi kutukutu sisou go, kina Togoyoinayana ima kaga boi tobágula iibaguli tauyadi nuwodi goi, e ineboidi.

Madiu 4:10

Go kina Yeisuyana idigo kana, ‘Kaleya, kom kusīya! Gínina Kimaasabaina idigo kana, “Moe Yauwe ida Yaubada yaina tasaakulūlu be anetava yaina tataaimāmina.”’ Atukeda 6:13

Madiu 9:34

E kidi go Parisiyadi sikaaiyaka sidigo kadi, ‘Moe dimoni idi tolovina ina togaga goi dimoni ivataapiyedi siisowóduwo.’

Iyoni 12:31

Tuta ame moe adi takínona ana tuta. Tuta ame Yaubada poyapoya ame ana tolovina bei ivatapiye.

Iyoni 14:30

Geya itoboineguta bei tuta maanawena tuwaina abobóbwara yaimi. Poyapoya ame ana tolovina imamaima bei ipoikíkina isanabodegu go, geya tayaamo goyo manuna itoboine iwowokoigu,

Iyoni 16:11

E adi takinona manuna bei ikamamaetalidi unana Yaubada poyapoya ame ana tolovina itakino, tauna da poyapoya nakae bei itakinoidi toogoyoidi, e adi liuna sibabane.

2 Korinta 4:4

Amo tauyadi geya sinumiseta. Poyapoya ame ina yaubada nuwodi ivapatudi, e mavada Vala Dedevina goi geya sigiteyeta. Vala Dedevinayana ame manuna: , Tauyana Yaubada ana tapata.

Kolose 1:13

Kita mamaníwana ina kaba lovina goi iyaveda namlieta ikaidamaneda Natuna, moe ina kakaya, ina kalibúbuna sinaena goi.

1 Iyoni 5:19

Bogina tayagoi liliudi Togoyoinayana nimana goi sikaaiyaka go, kita Yaubada ina bodao.

Nuwogau 12:9

Yaviya ikavava, kidi Maikoro gigimetayana mana aneroseyao siyoisidi, silavedi sisou sina poyapoya. Gigimetayana gagaina moe moteta boi nimatu ikaaiyaka. Youyuwoina moe be nakae Kaleya. Tauyana da poyapoya adi topola.

Nuwogau 16:10

Iya go anerose ainimaina itaoya ina woiwoiyana vakuumgoina kebana esaaesaina goi ina noko ikalisiwoi. Amoko goi woiwoiyana ina kaba lovina ikamamaníwana, e ina bodao saladi sikakavatedi adi geda pasidi.

Nuwogau 9:11

Adi tolovina moe anerose tayamo, tauyana masi gagaina toina ana torugwáuta go, yoina moe niyadi goi kadi, ‘Abadoni.’ Go kidi da Giriki niyadi goi kadi, ‘Apoliyoni.’