Madiu 12:10 - Buki Kimaasabaina

¹⁰ Koroto tayamo amoko goi ikaaiyaka, nimana napanapaina go, kaamasina. Kidi Parisi nakae sikaaiyaka; latuwodi bego Yeisu sikamamaetali Sabati ana lovina ana tokapipilova, tuwo silumadade sidigo kadi, ‘Manakae? Yaubada ina Katukeda itagoneda Sabati goi tomota takidedevinedi gea geya?’

Madiu 12:10 ပူးပေါင်းရင်းမြစ်များ

Madiu 12:2

E kidi go sigitema, tuwo Yeisu silatuwoko sidigo kadi, ‘Iyaa! Im tovatotowanayao manakae siguuinuwa kaga Sabati ana lovina geya itagonedeta taguinuwe?’

Madiu 19:3

Ago maniyedi sima bego Yeisu sikatutao, sidigo kadi, ‘Manakae? Ida lovina goi neta koroto tayamo nakonakae latuwona, mana tagona monena ivaisobuyebeso gea geya?’

Maki 3:2

Kidi goi korotoyana bei ikidedevine. Idi dumakavatayana bego itoboinedi Yeisuyana sikamamaetali Sabati ana lovina ana tokapipilova.

Luke 11:54

Tauyadi sipoikíkina bego Yeisu sikatutao bei toinina ina bóbwara goi itoboinedi siwowoko.

Luke 13:14

Go kina aba tugugunayana ana tolovina gamona igoyo unana moe Sabati goi Yeisu ikidedevina. Tauna boda ilatuwokoidi idigo kana, ‘Maliyalina ana badabada ainima tayamo sikaaiyaka itoboine bei kita tapaaisewa. Tauna amo maliyalinayadi goi kōma bego ami kidedevina kobabane go, maliyalina tayamo goi taabu kopaaisēwa; maliyalinayana moe Sabati.’

Luke 20:22

Tauna manakae? Itoboine kita tatakisi yaina gea geya?’

Luke 23:14

ilatuwokoidi idigo kana, ‘Ame korotoyana bogina kome yau yaigu kotalavaite bego tomota ivasulaigidi go, konovēgu. Tauyana bogina matami goi adovatusidoko go, geya tayaamo píkwana Tauyana yaina goi ababane. Go moe yau aguta guna nuwonúwana geya,

Luke 23:2

E sima Pailatoyana goi sivatowo Yeisu siwowoko kadi, ‘Ame Tauyana kagitebabane ima boda ivasulaigidi ame nakae: Tomota isanabodedi geya sitakisita yaina. Aiyuwoina kanove idigo kana, “Yau tayamo.”’

Iyoni 5:10

E kidi Diyuu adi tovakumgoyao sigite korotoyana idedevina ina baseko iikavale, tuwo silatuwoko kadi, ‘Iyaa! Kita geya ada tagonamo bei Sabati goi tapaaisewa, tauna kom geya am tagonamo im baseko kuukavale.’

Iyoni 5:3

Vadayadi goi togoyogoyo badabadaidi, nakae tokebo, topego be topem, sikaaiyaka.

Iyoni 7:23

Sabati goi koroto sakavaina kokupo bego Yaubada ina Katukeda Mosese ivini geya kokapipilaveyeta ae? Manakae? Koegamogamoguyegu unana koroto tayamo wowona madabokina Sabati goi akidedevine?

Iyoni 8:6

Go moe sidige bego Tauyana sikatutao, bei itoboinedi siwowoko. E iya go Yeisuyana isakululu kaukau nimakulemwasina goi ikaiginigínina.

Iyoni 9:16

E tauna kidi Parisiyadi maniyedi sidigo kadi, ‘Amo korotoyana Sabati ana lovina geya ikabikaoneyeta, tauna Tauyana Yaubada goi geya imaita!’ Go kidi maniyedi sidigo kadi, ‘Go toogoyoina manakaena aba kinana amo nakae iguinuwedi?’ Tuwo livisi isowóduwo tauyadi yaidi.