Madiu 11:29 - Buki Kimaasabaina

²⁹ Yau sakuululugu be nakae nuwotookaigu, tauna guna kaitakeo kokavalavaitēgu be nakae guna vatulúkwana kovatotowōne. Neta nakae koguinuwe, e imi waiwasi bei kobabane.

Madiu 11:29 ပူးပေါင်းရင်းမြစ်များ

Madiu 17:5

Pita nava ibobóbwara go, gaota maavadaina iumaidi. Ago gaotayana goi níyana tayamo sinove idigo kana, ‘Ame Natugu, guna kakaya, auyaonedoko. Tauyana konōve!’

Madiu 21:5

‘Saiyoni natuna vavina kolatuwōko kami, “Gwa! Im Tokalibúbuna ma sakuululuna ase yatana iitulaga; aseyana moe ase bonatuna. Go im Tokalibubunayana iimekoim.”’ Sakaraiya 9:9

Madiu 28:20

Lovina liliuna bogina avinimi kovatulukōidi sikabikaonedi. Go konōve. Yau komi taiyao tuta liliuna, ame tuta go, nakae tuta ana kaba lukavava.’

Madiu 7:24

Tuwaina Yeisu kana, ‘Tauna avatauwa neta yau guna livalayadi sinovedi be nakae sisabokuuliyedi, e tauyadi koroto tonanamsa nakae. Korotoyana ina vada gurewa yatana goi iyowo.

Luke 8:35

E toni kasa sima latuwodi sigite kaga isowóduwo. Tuwo sima Yeisu yaina goi go, korotoyana sigite, Yeisu aena goi iitusobu. Tauyana boi naagovaina go, ame bogina mana kwama nakae nuwona imavada, tuwo simatoita.

Iyoni 13:15

Aba gita tayamo bogina avinimi bego kaga nakae yau aguuinuwe yaimi, komi nakae itoboine koguinuwe.

Iyoni 13:17

Ame guinuwayadi koyaagoidi ae? Tauna ami dedevina kobabane neta koguuinuwedi.

Guinuwa 7:37

Ame Moseseyana boi Isileli tubunao ilatuwokoidi idigo kana, “Koroto tayamo yaimi goi kina Yaubada nava bei ivayoko kina tayamo yau nakae manumi.” Atukeda 18:15,18

1 Korinta 9:21

Tutayana tauyadi Yaubada ina Katukeda geya siyagoiyeta yaidi goi akaaiyaka, guna sinapu nakae neta Atukedayana geya ayagoiyeta. Nakae aguuinuwe bego itoboinegu tauyadi atamyabidi sinumisa. Ago geya kada Yaubada ina lovina akapipilavedi geya, go sem ina lovina akabikaaonedi.

2 Korinta 10:1

E yau Paulo magu sakululu be magu mesayágana nakae, toinigu akawanoi makimaki yaimi. Ame yau Paulo tomota maniyedi siidigegu bego matooisigu neta taiyao takaiyaka go, magu katepatu leta goi neta atumasaba.

2 Korinta 10:5

Nuwonúwana liliudi vaboda nakae ima kaleyayaoyadi sivataoedi bego Yaubada ana yagoina sisaanabode, e nakae katusaolidi. Tauyadi nuwodi liliudi tovayaviya nakae kayoisidi bego nuwodi goi sikabikaone.

Pilipai 2:5

Moe nuwonuwanayadi yaimi goi koyoisikavatēdi unana nuwona goi nakae iyoisikavatedi. Tauyana ina sinapu ame nakae:

1 Tesalonáika 4:2

Vatulukwanayadi boi ida Tomoya Yeisu ina lovina goi kaavinimi bogina koyaagoidi.

2 Tesalonáika 1:8

yeu sabeninimina ikalinibisidi go, sisou simamaima. E ina sowoduwoyana goi avatauwa neta Yaubada geya siyagoiyeta be nakae ida Tomoya Yeisu Valena Dedevina geya sikabikaoneyeta, bei ikatumapudi.

Iberiu 5:9

Tuwo tutayana Yaubada ikimatuwe, Tauyana kita ana tokabikawanayao liliuda ada yava vata unana.

1 Iyoni 2:6

Avatau neta idigo kana, ‘Yaigu goi Yaubada ikaaiyaka’, e itoboine bei iiketoiya Yeisu nakae.