Madiu 11:11 - Buki Kimaasabaina

¹¹ Ame Iyoni iguinuwe go, ame alatuuwokoimi konōve: Tomota liliudi bogina sibíbina, yaidi goi geya vatau tayaamo itoboine Iyoni sinaena goi, e tauyadi Iyoni sikalisave.

Madiu 11:11 ပူးပေါင်းရင်းမြစ်များ

Madiu 11:10

Amo tauyana manuna Yaubada ina tokabivalavala igini idigo kana, “Gwa, guna lobutu ana tolokoina aetune ivakumgoiyem. Tauyana bei im kenao ikimavade.” Malakai 3:1

Madiu 11:12

E Iyoni tosayóyova ina paisewa ana kaba vatowo goi go, ima ame tuta Yaubada ina bodayauwo ikaliibubudi vakaleya gagaina toina siibabane. Ago adi tovakaleyayaoyadi sipoikíkina bego ina bodayauwoyadi siyoisidi siyogedegededi.

Madiu 3:1

E sikaaiyaka aaa, gomanayana bogina ikaitubuwaumatuwo. E amo tutayana tosayóyova ina Yudiya yoyowoina goi tomota yaidi itaalavaita

Madiu 3:11

Yau bwae goi asaayoyoimi. Moe imi tugavila ana kaba kinana. Go koroto tayamo mligu goi imamaima itobukukuyuigu; nakae geya itoboineguta bei ana sendoro akavaledi unana yau sobuyekoina. Tauyana be yeu sabeninimina goi bei isayoyoimi.

Madiu 5:19

Tauna avatau neta lovina tayamo giyaina Yaubada ina Katukeda goi ikapipilave be nakae tomota ivatulukoidi nakae siguuinuwe, e goi bei ivayoko tauyana toosobuna. Go avatau neta lovinayadi Yaubada ina Katukeda goi be tokabivalavala idi gínina goi ikabikaonedi be nakae tomota ivatulukoidi sikabikaonedi, Yaubada ina kalibúbuna goi bei ivayoko tauyana toolagaina.

Luke 1:15

Moitamo. Tauyana bei toolagaina Yauwe matana goi. Taabu be bwae toogagaina iinīmdi. Nava sinana gamona goi ikaaiyaka bei ivakayaodei.

Luke 7:28

Ame alatuuwokoimi konōve: Tomota liliudi bogina sibíbina, yaidi goi geya vatau tayaamo itoboine Iyoni ikalisave. Go avatauwa neta toosobudi sinaena goi, moe tauyadi Iyoni sikalisave.’

Luke 9:48

go, ilatuwokoidi idigo kana, ‘Avatauwa neta toosobudi gómana ame nakae yau yoigu goi siiuyaone, e yau nakae siuyaaonegu. Go avatauwa neta yau siuyaaonegu, agu toetuna nakae siiuyaone. Ame moitamo. Avatauwa komi yaimi goi neta toosobuna, tauyana moe toolagaina.’

Iyoni 1:15

Iya go Iyoniyana itaalavaita Livala manuna, iduduwo idigo kana, ‘Amo Tauyana manuna boi adigo kagu, “Tauyana mligu goi imamaima yau nava geya abibineta go, iya bogina ikaaiyaka, tauna Tauyana itobukukuyuigu.”’

Iyoni 1:27

Tauyana mligu goi imamaima geya itoboineguta bei ana sendoro ana búyala ataligei unana yau sobuyekoina.’

Iyoni 10:41

Ago boda badabadaaidi simamaima Yeisu yaina unana taudiva sidigo kadi, ‘Iyoni geya tayaamo aba kinana iguinuwe go, kaga liliuna Iyoni iidigedi ame Tauyana manuna mooitamoina!’

Iyoni 3:30

Tauyana itoboine ietoolagaina go, yau aetoosobugu.’

Iyoni 5:35

Amo tauyana rampa nakae ininínima. E komi go ina mavadayana goi latuwomi tuta kaakupina koouyáwana.

Iyoni 7:39

E moe ina livalayana idigedige nava Yeisu ina kámasa be ina taoyamna goi geya ivagitakoeta, tauna Baloma Kimaasabaina nava geya imaita.

1 Korinta 15:9

Moitamo. Kidi Yeisu ina vamoleyanayaoyadi yaidi goi yau toosobugu. Yaubada ana totugugunayao ayogedegededi, tauna geya itoboineguta sivayokoigu yau Yeisu ina vamoléyana.

1 Korinta 6:4

Neta píkwana sikaaiyaka yaimi goi, kaga unana kotu goi tolovina moetala konumisedi imi kotu manuna? Tauyadi geya basabasaidimo komi ana totugugunayao yaimi goi.

Epeso 2:3

Boi kita madabokida ida sinapu tokapipilovayadi idi sinapu nakae. Sakavaida idi yalagau tasabokuuliyedi nakae sakavaida be nuwoda idi vikaiya taguuinuwedi. Tuwo aderida pasina itoboineda Yaubada ina egamogamogu tababane da poyapoya liliudi nakae.

Epeso 3:8

Yau toosobugu kidi Yaubada ina kimasabayao liliudi yaidi goi go, tuwo ame anuwoiyayana iivinigu bei ana kidi Totuyoyowo yaidi goi Guyau ina esaesa nikuunikuna atalavaite

2 Timoti 1:10

E ame tuta bogina ivagitakoe kita yaida ada Toyava Guyau Yeisu ina sowóduwo goi. Guyauyana ámasa ana togaga itauwe go, Vala Dedevina ana talavaita goi yawana vata toina ikaiwoduwe yaida.

Iberiu 11:40

Unana Yaubada inuwonúwana kita manuda, e enao dedevina toina bogina ikatubayasi bego kidi kita taiyao itoboineda Yaubada ina katotulayana keuwoina tababane.

1 Pita 1:10

Moe yavayana manuna Yaubada ina boi ami kanuwóiya sigimitaalavaite silumadadana dókana be nakae sinuwonúwana gagaina.