Madiu 10:33 - Buki Kimaasabaina

³³ Go avatauwa neta tomota matadi goi silawoiwoiyegu, e yau nakae Tamada guma yábana matana goi bei alawoiwoiyedi.’

Madiu 10:33 ပူးပေါင်းရင်းမြစ်များ

Maki 14:30

Go kina Yeisu idigo kana, ‘Moe dedevina neta moitamo go, ame alatuuwokoim kunōve: Ame sabamgoyana goi kom bogina bei sivato kulawoiwoiyekoigu namlieta kamkam bei sivayuwoina itáiya.’

Maki 14:72

E mainao kamkam sivayuwoina itáiya go, kina Pita Yeisu ina livala inuwopeye boi idigo kana, ‘Namlieta kamkam sivayuwoina itáiya, e kom bogina bei sivato kulawoiwoiyekoigu.’ Tuwo to itaiyamo.

Maki 8:38

Moitamo. Ame tuta boda Yaubada situgavile be nakae kidi goyo sinadi go, avatauwa neta omayamaya pasina yau silawoiwoiyegu be nakae guna livala silawoiwoiyedi, nava tutayana Tomalatomota Tamana ana kimaasabaidi taiyao, e nakae bei ilawoiwoiyedi.’

Luke 12:9

Go avatauwa neta tomota matadi goi silawoiwoiyegu, e Tomalatomota nakae, Yaubada ina aneroseyao matadi goi bei ilawoiwoiyedi.

Luke 22:57

‘Vavina, amo Tauyana geya ayagoiyeta!’ Pita mana lawoiwoi kaena.

Luke 9:26

Moitamo. Avatauwa neta yau silawoiwoiyegu be nakae guna livala silawoiwoiyedi, nava tutayana Tomalatomota bei ima ana kimaasabaidi adi káeyana tomoeeyalina ivagiitakoedi, e nakae bei ilawoiwoiyedi.

2 Timoti 2:12

Neta ida mou goi tamesayágana, e nava bei Guyauyana taiyao takalibúbuna. Neta Tauyana talawoiwoiye, e nava bei ilawoiwoiyeda.

2 Pita 2:1

E boi nimatu mooitamoidi sikaaiyaka go, Yaubada ina bodao yaidi goi tokabivalavala polapola nakae sikaliwóduwo. E nakae komi yaimi goi nakae tovatulukwana polapola bei sikaliwóduwo. Tauyadi idi vatulúkwana ituli aba kaigoyo sivaisiugaudi. Ago tauyadi boi ida Tomoya itakonedi go, tuwo silawoiwoiye. Moe pasina giyakainava adi kaigoyo bei sibabane.

1 Iyoni 2:23

Tuwo avatauwa neta Yaubada Natuna silawoiiwoiye, e Yaubada taiyao geya sispwagogoneta, go sem avatauwa neta sikamooitamo bego Yeisu Yaubada Natuna, moe tauyadi Tamana nakae taiyao sispwagógana.