Madiu 10:27 - Buki Kimaasabaina

²⁷ Kaga mamaníwana goi akanasiinamoe, e mavada goi kotalavāite tomota yaidi. Aiyuwoina kaga nakae aakului yaimi goi, e vada yatadi goi kotalavāite, bei tomota liliudi sinove.

Madiu 10:27 ပူးပေါင်းရင်းမြစ်များ

Madiu 24:17

Avatauwa vada yatana goi sikaaiyaka, taabu sisousōu bego konadi vada sinaena goi sikabidi, go sem sisiyāmo.

Luke 12:3

Tauna kaga mamaníwana goi kokanasiinamoe, e mavada goi tomota bei sinove. Kaga nakae vada sinaena goi kookului, nava bei vada yatana goi sitalavaite tomota liliudi yaidi.

Luke 8:10

E Yeisu kana, ‘Yaubada nanamsa bogina ivinimi bei itoboinemi ina nuwogau ina kalibúbuna manuna koyagoi. Go tomota liliudi kaga liliuna livalakaibala goi sinovedimo. Moe bego tayamo ina livala imalatomota, kana, “Sigitagita go, geya sigitadokoneta. Sitaiiyakeka go, geya siyagoiyeta.” Aiseya 6:9-10

Iyoni 16:1

tuwaina kana, ‘Moe dogoiyadi bogina alatuwokoimi bego tutayana sisowóduwo yaimi, komi imi numisa goi geya kokapusita.

Iyoni 16:13

moe Yaubada ana Nanamsa Mooitamoina ana tovagitákwana. Tutayana bei ima nukotomi bei ikatukededi Nanamsa Moitamoinayana liliuna manuna. Moitamo. Balomayana ina bóbwara geya toinina ina nuwonúwana goi geya, go sem kaga neta inove iibobore be ima italavaite yaimi.

Iyoni 16:25

Yeisu tuwaina kana, ‘Amo dogoiyadi livalakaibala goi bogina alatuwokoimi. Go tuta imamaima bei ituli. Tutayana ima, geya livalakaibala goi alatuwokoimi geya, go sem Tamagu manuna bei alivala moitamo.

Iyoni 16:29

Kai ina tovatotowanayao kadigo kama, ‘Ake, ame geya livalakaibala goi kubobóbwara geya, go sem im bóbwara imavada.

Guinuwa 17:17

Tuwo ina Diyuu idi kaba tugúguna goi Yeisu Valena manuna ikaugeogéona Diyuuyadi be nakae Totuyoyowo, tauyadi Yaubada ana totaimaminayao, yaidi. Maliyalina tamo tamo avatauwa neta aba maketi goi sikaaiyaka, e yaidi Yeisu Valena manuna ikaugeogéona.

Guinuwa 5:20

‘Kōna Vada Kimaasabaina moteoina goi yawana vata valena madabokina kotalavāite tomota yaidi.’

Guinuwa 5:28

idigo kana, ‘Manakae? Lovina bogina kavinimi? Lovinayana moe taabu moe Tauyana yoina goi kovaatulūkwana! Go kogīte! Imi vatulúkwana bogina kosanunui ina tomota liliuudi Yerusalema goi! Go imi vatulukwanayana goi komi latuwomi bego moe Tauyana ikaikaina nimama goi ikaaiyaka.’

2 Korinta 3:12

E moe kalootutae, tuwo mama katepatu kakamamaétala manuna.