Madiu 10:16 - Buki Kimaasabaina

¹⁶ Tuwaina Yeisu kana, ‘Konovēgu. Komi sipi nakae aetunemi kona guna kaleyayao yaidi goi; tauyadi weiniya woliwoli sasasaidi nakae. Tauna mami nuwosinapu moteta nakae go, imi sinapu maavadaidi bunabuna nakae.

Madiu 10:16 ပူးပေါင်းရင်းမြစ်များ

Aba Vatowo 3:1

E moteta tonuwosinapu gagaina. Nakae woiwoi madabokidi Yaubada iwoodugudi ikalisavedi. Tauyana ima vavina ilatuwoko idigo kana, ‘Iyaa! Moitamo Yaubada idigodigo bego alova keuwoidi madabokiidi tánuwo sinaena taabu kookanīdi, ae?’

Aba Vatowo 3:13

Tuwo Yauwe Yaubada vavinayana ilatuwoko idigo kana, ‘Iyaa! Kaga unana moe nakae kuguinuwe?’ ‘Moteta ikatubaugu, akani’, vavinayana kaena.

Madiu 24:25

Konōve. Bogina agimikatumatalimi.

Madiu 24:45

E tauna itoboine bei komi tomota be nakae tonanamsa. Tuwo ina tomoya bei ivayoko kina ina pakonayao adi tovakumgo, bei maliyalina tamo tamo tuta ana toboine goi avadi iivinidi sikakáika. Ikavava, tomoyayana ina.

Madiu 25:2

E wowoiyaiyadi yawou yaidi goi adi tainima yaaluwoidi go, adi tainima tonanamsa.

Madiu 25:4

E kidi go ituli ta woiyai adi tainima tutayana idi rampa sikabidi, e pútuma ma bootoridi taiyao sikabidi simedi. Tauna kidi tonanamsa.

Madiu 25:9

Go kidi tonanamsayadi sidigo kadi, “Kai ima pútuma giyaina bogina yoiyama, tauna geya itoboinemeta kavinimi, go sem kōna tokaigimona yaidi toinimi imi pútuma kogimōna.”

Luke 10:3

Kōna go, ami dodōkana! Komi nakae aetunemi kona guna kaleyayao yaidi goi; tauyadi weiniya woliwoli sasasaidi nakae.

Luke 21:15

Ame moitamo. Yau bei imi bóbwara be nanamsa avinimi. Moe imi kaleyayao liliudi geya itoboinedita sivakaleyemi o silawoiwoiyemi.

Guinuwa 20:29

Bogina ayagoi bego tutayana bei akalavemi, tovatulúkwana maniyedi bei sima; tauyadi weiniya woliwoli sasasaidi nakae. Sima imi sipiyao sibugoyaidi.

1 Korinta 14:20

Segowo, taabu imi nuwonūwana Baloma Kimaasabaina ina kaiguyau adi kaikauna manudi gogómana nakae, go sem latuwogu imi sinapu goi geya ami pikwanamo memeya nakae. Ego imi nuwonúwana aiguyauyadi manudi komatūwo.

2 Korinta 1:12

Moitamo itoboinema kakawanoi yaimi bego kokawanoi manuma. Ima uyawana gagágasa goi nukotoma geya isabutukoidita go, ima uyawana gagagasayana moe ame: Bego Yaubada pasina ima sinapu da poyapoya yaidi moe mooitamoina be maavadaina go, moe gagaina toina komi yaimi goi. Go ima sinapuyadi geya kada poyapoya ana nanamsa goi geya, go sem Yaubada ina kanuwóiya yaima goi.

2 Korinta 11:14

Moe manuna geya takaliwoiseta ae? Moitamo. Kaleya maavadaina itapate bego ikatubauda.

2 Korinta 11:3

Ego amatoita nakona imi kasala mooitamoina be maavadaina Guyau yaina goi moteta bei nuwomi ivasulaigidi nakae boi nimatu ina nuwotulu goi Ivi bogina ivasulaigi.

2 Korinta 8:20

Moe nakae bei kaguinuwe bego geya kada tayaamo tomota itoboine itagiwoima vininabesoyana gagaina nimana goi ana matakavata manuna.

Pilipai 2:15

bego komi geya ami pikwanamo be nakae imi sinapu maavadaidi, nakae komi Yaubada natunao geya imi bagalamo tomota sulaaigidi be toogoyoidi nauyayanaidi goi. Imi kaiyaka yaidi goi komi utuna nakae koninínima poyapoya ame goi

Kolose 1:9

Moe pasina kai nakae tutayana valemi kagiminove go, ima ame tuta ima kawanoi manumi geya kasayateta. Ima kawanoiyana bego Yaubada ina nuwonúwana ana yagoina goi ivakayaodeimi ame nakae: Baloma Kimaasabaina nanamsa liliuna ivinimi, e bei koyagoidoko.

Kolose 4:5

Mami nanamsa koketooiya dōkana tomota geya sinumiseta yaidi goi. Taabu imi tuta kokavaavalūge, go sem imi tuta tamo tamo adi toboine guinuwa dedevidi koguuinuwēdi.

1 Tesalonáika 2:10

Komi be nakae Yaubada bogina koyagoima manakaema kakaaiyaka boi komi nuumisaimi yaimi. Kai ima sinapu moe maavadaina, kiboobosina be nakae geya ana pikwanamo.

1 Tesalonáika 5:22

go, goyo liliudi kovasiyasiiyaēdi.