Luke 7:4 - Buki Kimaasabaina

⁴ E tuwo moitamo tomoyamoyayadi sima Yeisu yaina sikawanoi makimaki kadi, ‘Tomoya, latuwoma bego kom kuma tana da Roma adi tovakumgo tayamo ina pákwana iikatówana kukidedevine. Tovakumgoyana koroto dedevina, itoboine kuvaite.

Luke 7:4 ပူးပေါင်းရင်းမြစ်များ

Madiu 10:11

Ava kasa, gagaina o giyaina goi, neta kosiu, kolusala dōkana avatau neta iuyaonemi go, tauyana ina vada goi kokaaiyāka ana kadókana kotaoya asayana kokalave.

Madiu 10:13

Neta toni vadayana moitamo iuyaonemi, e kokaodedevinēdi kami, “Tuboina ikaaiyaka yaimi.” Go neta toni vadayana geya iuyaonemita, e imi kaodedevinayana ikaluvilamna yaimi.

Luke 20:35

E kidi go da poyapoyayadi yaidi goi avatauwa neta Yaubada itakinoidi bego itoboinedi bei tokámasa yaidi sitaoyamna, amo tutayana tauyadi nai geya.

Luke 7:3

E tovakumgoyana Yeisu valena inove, tuwo idi tomoyamoyayao maniyedi ietunedi sina Tauyana yaina sikawanoi bego ima ina pakonayana ikidedevine.

Luke 7:5

Moitamo. Tauyana ida bodao Diyuu imatakoiyeda, e ima kaba tugúguna ana yówana iemaisi.’

Guinuwa 10:2

Tauyana koroto kaasalaina Yaubada yaina nakae mana bodayauwo . Tookaidi ivaaitedi gagaina be nakae tuta liliuna ikawanoi Yaubada yaina.

Nuwogau 3:4

Geya kada madabokimi Sadesi goi imi sinapu kwama baailidi nakae bogina sigoyo geya, go sem ami taiyuwomo nava imi sinapu dedevina kwama maavadaina nakae, tauna komi mami toboine yau taiyao mada kwama poowouna taketoiyaa vavasa.