Luke 6:42 - Buki Kimaasabaina

⁴² Manakae komi semiyaoyadi kolatuwokoidi kami, “Siyagu, kutagonēgu mosamosa giyaina matam goi akabi”? Go alovagabugabuyana toinimi matami goi ikaaiyaka geya kogiteyeta! Komi todedevimi polapola! Mainao alovagabugabuyana matami goi kokābi bei itoboinemi kogita dókana namlieta baige mosamosayana giyaina semiyao matadi goi kokabi.

Luke 6:42 ပူးပေါင်းရင်းမြစ်များ

Madiu 26:75

Tuwo Pitayana Yeisu ina livala inuwopeye boi idigo kana, ‘Namlieta kamkam itáiya, e kom bogina bei sivato kulawoiwoiyekoigu.’ Tuwo vadayana ina kali goi isowóduwo ina moetala goi itáiya gagaina toina.

Madiu 7:3

E manakae? Semiyao idi goyo giyaidi mosamosa giyaina nakae matadi goi koogitedi go, komi imi goyo gagaidi alovagabugabu nakae toinimi matami goi ikaaiyaka geya kogiteyeta ae?

Madiu 7:4

Komi manakae semiyaoyadi kolatuwokoidi kami, “Kutagonēgu mosamosa giyaina matam goi akabi”? Go alovagabugabuyana toinimi matami goi nava ikaaiyaka!

Luke 13:15

Go kina Tomoyayana idigo kana, ‘Komi tamogemogemi! Komi tamo tamo Sabati goi kona imi bulumakau be imi kotaaligeidi idi vada goi konavedi kovanimdi ae?

Luke 22:32

Go yau bogina akawanoi kom manum bego im numisa goi geya kukapusita. Ago tutayana kwaluvilamna kuma yau yaigu, e semowo kukitogagēdi.’

Luke 6:41

E manakae? Semiyao idi goyo giyaidi mosamosa giyaina nakae matadi goi koogitedi go, komi imi goyo gagaidi alovagabugabu nakae toinimi matami goi ikaaiyaka geya kogiteyeta ae?

Luke 6:43

Moitamo. Neta nakae koguuinuwe, komi bei alova dedevidi nakae. Geya tayaamo alova dedevina itoboine keuwoina goyogoyoina ikeuwoe. Alova goyogoyoina nakae; geya itoboineyeta keuwoina dedevina ikeuwoe.

Guinuwa 13:10

idigo kana, ‘Kom topola moitamo. Kom ina kenao mooitamoidi kubuugoyaidi!

Guinuwa 2:38

E kina go Pitayana idigo kana, ‘Kotugavīla namlieta komi tamo tamo kotagōna bego Yeisu , e bei imi goyo inuwotaoidi be nakae Yaubada Baloma Kimaasabaina ivinibesoimi.

Guinuwa 8:21

Kom geya itoboinemta kusiukoima be ima paisewayana kuguinuwe. Yaubada matana goi kom nuwom geya ipalupaluta.

Roma 2:1

Yaubada ina egamogamogu bei moitamo isowóduwo toogoyoidi yaidi. Tauna tomota, komi tamo tamo neta semiyao kotakinoidi liuna manuna kami, ‘Itoboine tauyadi Yaubada ina liuna sibabane’, e geya itoboinemita imi goyo manudi kovakibala. Moe moitamo. Imi takinonayana moe nakae toinimi kotakinoimi liuna manuna. Bogina koyagoi. Komi totakinonayami imi guinuwa igoyo tauyadi nakae!

2 Korinta 5:18

E moe dogoiyadi aivaudi liliudi Yaubada iguuinuwedi. Tauyana ina guinuwa goi ikabivekovekomneima go, abivekovekomnayana ana talavaita bogina ikawoima kaguinuwe.

2 Timoti 2:21

Tauna avatauwa kita neta noko besobeso nakae takimaavadeda, e kita noko dedevida nakae, kimaasabaida be ma basabasaida ida Tomoya yaina be nakae bogina katubaayasida guinuwa dedevidi liliudi manudi.

2 Pita 1:9

Ame moitamo. Avatauwa neta sinapuyadi yaidi goi geya, adi kaigigita matadi igawúwula nakae o kada, ‘Matadi ikebo toina.’ Moe unana boi idi goyo adi kimavada bogina sinuwoilave.