Luke 6:27 - Buki Kimaasabaina

²⁷ Yeisu tuwaina kana, ‘Komi imi sinapu amo nakae geya, go komi sem ame alatuuwokoimi konōve: Imi kaleyayao komatakoiyēdi ame nakae: Avatauwa neta sikaolilivemi, yaidi goi guinuwa dedevidi koguuinuwēdi.

Luke 6:27 ပူးပေါင်းရင်းမြစ်များ

Maki 4:24

E tuwaina Yeisu kana, ‘Korugwausīmi kaga konove yau yaigu bego kokabikaone. Nakonakae guna vatulúkwana konovedoko, e nakae Yaubada nanamsa tuwaina ivinimi go, nanamsayana bei ivaituwe yaimi.

Luke 23:34

E kina go Yeisuyana idigo kana, ‘Tamagu, idi guinuwa goyogoyoina ame kunuwotāo. Geya siyagoiyeta kaga siguuinuwe.’ E tovayaviyayadi Yeisu ana kwama, ana sendoro, ana gadíwana sikabidi, pápala tayamo siguinuwe bei sigite avatauwa sikabidi.

Luke 6:22

Tutayana tomota sikaolilivemi be sitavileiyemi be sikaogoyoemi be yoimi sitagiwoidi imi numisa Tomalatomota yaina pasina, e komi ami dedevina bogina koobabane.

Luke 6:35

Go sem komi imi kaleyayao komatakoiyēdi be kovaitēdi be nakae kotagonēdi imi mani sikatoguyedi go, taabu konuuwonūwana itoboine bei sikatumapu. Neta nakae koguuinuwe, ami vaiwówana bei gagaina be nakae komi Tokanayatanatoina natunao unana tauyadi tokaipopóita be toogoyoidi iyabobonedi. Tauna neta imi sinapu nakae koguuinuwe, e komi imi sinapu bei Tokanayatanatoina nakae.

Luke 8:15

E kidi go kutukutuyadi poyapoya dedevina goi sisou sitabo, moe nakae tomota maniyedi neta ma katedi dedevidi Yaubada ina livala sinovedoko, siyoisikavate be madi meesayágana sikeuwo dókana.’

Luke 8:18

Tauna korugwausīmi manakaemi guna livala konove bego kokabikaone. Ame moitamo. Avatauwa neta guna livala sinoovedoko, nanamsa tuwaina Yaubada bei ivinidi. Ago avatauwa neta livalayana sinooveyamo, ava nanamsa tauyadi sinuwonuwone ikaaiyaka yaidi, Yaubada bei .’

Luke 8:8

Go kutukutuyadi maniyedi sisou poyapoya dedevina goi sitabo, sibíbina, sikéuwo go, kutukutuyadi tamo tamo yaidi goi andedi (100) sibabane.’ Moe livalayadi ibooboredi go, iduduwo idigo kana, ‘Avatauwa komi neta ma taaiyami, e guna livala konoovedōko!’

Guinuwa 16:28

go, Pauloyana niyana gagaina goi iduduwo idigo kana, ‘Taabu kuyogedegedēm! Madabokima amema.’

Guinuwa 7:60

E aena ivatugúyala go, niyana gagaina goi ipodeda idigo kana, ‘Guna Tomoya, idi goyo ame geya kwatumapuyeta!’ Ibóbwara ikavava, e yawoina ikavava.

Galetiya 6:10

E tauna neta ava tuta itoboineda, e guinuwa dedevidi taguinuwēdi tomota liliudi yaidi goi go, gagaina taguinūwe kidi ina bodayauwo yaidi goi.

1 Tesalonáika 5:15

Komatakaavatēmi bego geya vatau tayaamo yaimi ituli ta tomotava idi goyo ikatumapu goyo goi, go sem tuta liliuna kopooikīkina guinuwa dedevidi koguuinuwedi tonumisa yaidi goi nakae ituli ta tomotava liliudi yaidi goi.

3 Iyoni 1:11

Guna kalo, sinapu goyo taabu kuvatootowōne, go sem sinapu dedevina kuvatotowōne. Avatauwa neta guinuwa dedevina siguuinuwe, kidi Yaubada ina bodao. Go avatauwa neta sinapu goyo siguuinuwe, Yaubada geya siyagoiyeta.