Luke 4:35 - Buki Kimaasabaina

³⁵ Go kina Yeisuyana ilovinae idigo kana, ‘Tuwo! Kumaigāumo be koroto yaina goi kusowōduwo!’ Tuwo dimoniyana koroto ikinagove, tomota matadi goi ilave isou poyapoya go, korotoyana yaina goi isowóduwo ina. Go kina korotoyana geya ivailaita.

Luke 4:35 ပူးပေါင်းရင်းမြစ်များ

Madiu 17:18

Tuwo gomanayana sikabi sime Tauyana yaina goi go, ikaaiyaka gomanayana sinaena ilovinae idigo kana, ‘Dimoni, kusowōduwo!’ Moitamo isowóduwo go, gomanayana mainao idedevina.

Madiu 8:26

Go kina ibowoidi idigo kana, ‘Kaga komatoitae? Komi geya konumisedokoiguta!’ E tuwo itaoya, e yágira be aivaya ilovinaedi sisayata. Sisayata, e yagirayana ilakapuwe nakae Bwaeyana ikadaúmwara gagaina.

Maki 1:26

Tuwo dimoniyana koroto ikinagove itátava go, mana podeda gagaina korotoyana yaina goi isowóduwo ina.

Maki 4:39

Tuwo itaoya yágira be aivaya ilovinaedi idigo kana, ‘Tuwo! Kudaūmwara!’ Tuwo yagirayana ilakapuwe nakae Bwaeyana ikadaúmwara gagaina.

Maki 9:26

Tuwo moitamo dimoniyana mana podeda gómana ikinagove, tauna itatátava gagaina go, gomanayana yaina goi isowóduwo ina. Ago gomanayana ana kaigigita tokámasa nakae, tauna boda sigite, sitainasi kadi, ‘Gomanayana bogina ikámasa.’

Luke 11:22

Go tutayana isowóduwo, e togilulunayana ilaui be itogoisave go, ina kaipiyamayadi boi inuumisedi tokalikayana ikabidi inavedi. Ikavava, konanayadi ikaiguyauyedi.

Luke 4:23

Go kina Yeisu idigo kana, ‘Nakona livalakaibala ame bei kolatuwokoigu kami, “Kom tokidedevina, toinim kukidedevinēm. Kaga nakae kanove Kapaneumi goi bogina kuguuinuwe, ameko toinim im kasa goi nakae kuguinūwe.”’

Luke 4:39

Tuwo ibala ina vavinayana goi isakululu, e ina katówana ilovinae idigo kana, ‘Tauyana kwalāve.’ E mainao atowanayana ikalave. Ikavava, itaoya ina avadi ivaidede.

Luke 4:41

E dimoni nakae ilovinaedi, e tomota badabadaidi goi sisowóduwo go, madi podeda kadi, ‘Kom Yaubada Natuna.’ Bogina siyagoi Yeisu moe , tauna geya itagonedita sibóbwara.

Luke 8:24

E tauyadi sima Yeisu siwoini sidigo kadi, ‘Tomooya, tomooya, giyakainava bei tavailai!’ E tuwo itaoya, yágira be aivaya gagaidi ilovinaedi sisayata. Sisayata, e yagirayana ilakapuwe nakae Bwaeyana ikadaúmwara.

Luke 9:39

Go kunōve. Dimoni ima ikinagove. Ikinagove, tuwo ipodeda ikapusi isou ikanagavigavila be nakae tobuna goi polu isowóduwo. Ago iyogedegede ana kadókana natugu wowona itameya toina baige nakona ikalave.

Luke 9:42

E nava natunayana iimememe go, kina dimoniyana ikinagove, tuwo ikapusi isou poyapoya goi nakae itatátava. E Yeisu dimoniyana ilovinae idigo kana, ‘Dimoni, kusowōduwo!’ Tuwo gomanayana ikidedevine. Ikavava, ikabi tamana ivini.

Nuwogau 12:12

Tauna komi yábana ana tokaiyakoyao kouyāwana! Totagíwaya mana egamogamogu gagaina bogina isou iwo komi poyapoya be négwasa adi tokaiyakoyao yaimi. Bogina iyagoi ina tuta ikakupi bego itoboine ipaisewa. Tauna komi poyapoya be négwasa adi tokaiyakoyao ami toovalugo!’