Luke 22:19 - Buki Kimaasabaina

¹⁹ Sinim ikavava, ikabi, manuna ikauyagu Yaubada yaina. Ikavava, ikivisi, ina tovatotowanayao ivinidi idigo kana, ‘Moe wowogu nakae aakasale komi manumi. Moe tuta liliuna kokakāika bei konuwokaavategu.’

Luke 22:19 ပူးပေါင်းရင်းမြစ်များ

Madiu 14:19

Tuwo moitamo kana kakabidi go, Yeisu boda ilovinaedi náuna goi situsobu. Ikavava, berediyadi ainima be iyanayadi aiyuwo Yeisu kai ina tovatotowanayao kavini. Tuwo ikabidi, ikandolaga yábana goi, manudi ikauyagu Yaubada yaina. Ikavava, ikivisidi, ivinima go, kai kakabidi kana kakaiguyauyedi bodayadi yaidi.

Madiu 15:36

Situsobu ikavava, berediyadi ainima aiyuwo be nakae iyanayadi ikabidi, manudi ikauyagu Yaubada yaina. Ikavava, ikivisidi, ivinima. E kai kakabidi kanavedi kakaiguyauyedi bodayadi yaidi.

Luke 22:17

Ibóbwara ikavava, oine ma keigaina ikabi, manuna ikauyagu Yaubada yaina. Ikavava, ilatuwokoidi idigo kana, ‘Keiga ame kokābi be komi tamo tamo konīm.

Luke 22:20

Sikáika ikavava, oine ma keigaina nakae ikabi, manuna ikauyagu Yaubada yaina. Ikavava, keigayana ina tovatotowanayao ivinidi sinim go, idigo kana, ‘Moe oine ma keigainayana konimnim moe ikaikaigu nakae bei idaudau komi manumi. Ikaikayana goi Yaubada ina kanasiuna vau iguinuwe yaimi.

Luke 24:30

Niga áika goi taiyao siitusobu, Yeisu ikabi, manuna ikauyagu Yaubada yaina. Ikavava, ikivisi ikaiguyauye tauyadi yaidi goi.

Iyoni 6:23

Ego oga giyaidi maniyedi Tiberiyasi goi sima yoyowo tayamo goi sivaiu. Yoyowoyana moe boile Tomoya beredi manuna ikauyagu namlieta bodayadi sikáika go, kikina.

Iyoni 6:51

Yau Tauyagu awoinu maa yawoina, yábana goi asou ama. Avatauwa neta ame awoinuyana sikani, yawoidi vata bei sibabane. Aiyuwoina ame awoinuyana yau aakasale moe iwoigu komi da poyapoya yawoimi vata manuna.’

1 Korinta 10:16

Oine keigaina manuna Yaubada yaina takauyagu go, tutayana keigayana goi tanim moe nakae nakae. Takivisivisi go, tutayana berediyana takáika, moe nakae Guyau wowona tasiuko, e taeboda tayamo Tauyana taiyao ae?

1 Korinta 10:4

Madabokiidi adi bwae tayamo sinimnim; bwaeyana Baloma Kimaasabaina goi ima. Ame moitamo. Bwaeyana sinimnim moe gurewa tayamo goi idaudau. Ago gurewayana Baloma Kimaasabaina goi ima ivakitaudi go, gurewayana moe .

Galetiya 1:4

Yeisuyana toinina ikasale ámasa goi kita ida goyo pasidi bei goyo ana tuta ame goi italigeida. Moe ida Yaubada Tamada ina nuwonúwana nakae.

Galetiya 4:25

E kina go Egayana Sainai koyaina nakae. Moe Arábiya sinaena goi go, kina livalakaibala Yerusalema poyapoya ame goi manuna. Bogina koyagoi. Tauyana ma natunao paakonidi nakae da Yerusalema, e Yaubada ina Katukeda ikaukabolidi.

Epeso 5:2

Ame nakae: Mami imatakoiyeda be toinina yawoina ikasale ámasa goi kita ada katumapu. Moe vininabeso mainina dedevina nakae Yaubada inove ivauyaone.

1 Tesalonáika 5:18

Nakona ava sinapuva siisowóduwo yaimi goi, manudi Yaubada yaina kokaauyāgu. Moe guinuwayadi Yaubada latuwona bego komi, tauyami bogina kospwagógana Yeisu taiyao, koguuinuwedi.

Taito 2:14

Tauyana toinina ikasale ámasa goi, kita ada katumapu, bego ida kapipilova tamo tamo goi itateteda. Aiyuwoina ikimavadeda bei kita Tauyana ina toinina umana, mada salau latuwoda guinuwa dedevidi taguinuwedi.

1 Pita 2:24

Tutayana Yeisuyana kerose goi situpatuko, toinina wowona goi ida goyo ana liuna ilotowoidi bego ida goyoyadi yaidi takámasa go, ma kiboobosida taaketoiya. Tauna Tauyana ana kaipíyama kiyauna pasidi ida goyo goi kita tadedevina.