Luke 21:8 - Buki Kimaasabaina

⁸ E kina kana, ‘Komi ami dodōkana, govila bei tomota sivasulaigimi. Moitamo. Topola badabadaidi bei sima yoigu sivatoi kadi, “Yau .” O nakona kadi, “Tuta ame ana kaba lukavava bogina ima.” Go taabu kosabokuuliyēdi.

Luke 21:8 ပူးပေါင်းရင်းမြစ်များ

Madiu 24:11

Tokabivalavala polapola badabadaidi bei sitaoya, tomota badabadaidi sivasulaigidi.

Madiu 3:2

idigo kana, ‘Kotugavīla! bogina imaiyaba bei itoboinemi kosiu.’

Madiu 4:17

E tuwo Yeisu ina talavaita ivatowo idigo kana, ‘Kotugavīla! bogina imaiyaba bei itoboinemi kosiu.’

Luke 17:23

Tomota bei kadi, “Kodobāla goamo!” O kadi, “Guyau goame!” Nakae bei sibobore go, taabu kononōina, e tauyadi taabu kosabokuuliyēdi.

Luke 21:7

E tauyadi sidigo kadi, ‘Tovatulúkwana, ava tuta bei moe dogoiyadi sisowóduwo? Moe dogoiyadi idi sowóduwo kaga ana kaba kinana, e bei idi sowoduwoyana kaayagoi?’

Luke 21:9

E tutayana yaviya be vakaleya valedi bei konovedi yomana be aduwanau, taabu kokaateyōva. Ame dogoiyadi itoboinedi sisowóduwo go, poyapoya ana kaba lukavava moe nava.’

Iyoni 5:43

Yau Tamagu yoina goi ama go, geya kouyaoneguta. Neta tomota tayamo toinina yoina goi ima, tauyana kouyaone!

Iyoni 8:24

E tauna maine kagu, “Mami goyo bei kokámasa.” Neta geya konumiseta bego Yau Tauyagu, e moe bei mami goyo kokámasa.’

Iyoni 8:28

E tuwo iya Yeisuyana idigo kana, ‘Tutayana ana kailágata ibabane, bei koyagoi Yau Tauyagu. Geya tayaamo kaga toinigu guna nuwonúwana goi aguinuwe, go sem kaga nakae Tamagu ivatuulukoigu, e moe nakae aabobore.

1 Korinta 6:9

Nakona geya koyagoiyeta toogoyoidi geya adi kaiguyaumo sinaena. Taabu kokatuubaūmi. Tomasisi goyogoyo, yaubada polapola adi tosakululu, toroerata, tauyadi koroto koroto taiyao simasisi,

Epeso 5:6

Tomota maniyedi sidigodigo bego itoboinemi amo goyoyadi koguinuwedi go, taabu idi bóbwara polapola goi sivasulaaigīmi. Moitamo. Moe tauyadi idi sinapu goyogoyoidi pasidi Yaubada ina egamogamogu imamaima tokapipilova ivakaosidokoidi.

2 Tesalonáika 2:3

Geya tayaamo kaga goi tomota kotaagonēdi sikatuubaumi. Mainao tomota liliudi bei sivakaleya Yaubada yaina be nakae koroto kapipiilovaina toina bei isowóduwo, tauyana inonoina ina vailai vata manuna. Ame dogoiyadi bei sisowóduwo namlieta baige ida Tomoya ina takínona ana maliyalina bei ima.

2 Timoti 3:13

E kidi go toogoyoidi o tadigo kada, ‘Tonumisa polapola’ goyo siguuinuwedi go, idi goyoyadi tuwaina sivaituwedi ame nakae: Enao dedevina goi tomota sivasulaigidi go, togoyoidiyadi nakae ituli ta tomota sivasulaigidi.

1 Iyoni 4:1

Guna kaloyao, ame tutayana polapola badabadaidi bogina siisowóduwo poyapoya ame goi. Tauna taabu tomota tamo tamo idi vatulúkwana kouyaaonēdi tutayana kadi, ‘Kai ima livala Yaubada Balomaina goi ima.’ Go sem kodovaatusīdi be koogitēdi neta Yaubada Balomaina goi sima o geya.

2 Iyoni 1:7

Moitamo. Topola badabadaidi bogina sina asa liliudi poyapoya ana madabokina goi silawooiwoi bego Yeisu imalasakava. Avatau neta amo nakae siibobore, iya moe topolayana, Guyau ana kaleyayana.

Nuwogau 1:3

Buki ame ina livala Yaubada goi sima. Tuwo ana tokatuyaivayao be nakae ana totaiyakekayao neta ina livala sikabikaaonedi, e adi dedevina bei sibabane. Moitamo. Tuta ikaponapona dogoiyadi buki ame goi bei sisowóduwo, tauna livalayana konōve be kokabiikaōne.

Nuwogau 12:9

Yaviya ikavava, kidi Maikoro gigimetayana mana aneroseyao siyoisidi, silavedi sisou sina poyapoya. Gigimetayana gagaina moe moteta boi nimatu ikaaiyaka. Youyuwoina moe be nakae Kaleya. Tauyana da poyapoya adi topola.