Luke 19:39 - Buki Kimaasabaina

³⁹ Go kidi maniyedi boda yaidi goi taiyao sikaaiyaka Yeisu silatuwoko sidigo kadi, ‘Tovatulúkwana, im tovatotowanayao kubowōidi idi bóbwara pasidi.’

Luke 19:39 ပူးပေါင်းရင်းမြစ်များ

Madiu 2:7

E tuwo kina go Erodiyana inuwonúwana, geya, tonanamsayadi iduduwegaudi sima, e ilumadadedi utunayana manuna bego iyagoidoko ava tuta igimisowóduwo sigite.

Madiu 23:13

E komi Yaubada ina Katukeda ana tovatulukwanayao be nakae Parisi, imi vatulúkwana goi tomota kosanaabodedi, e goi geya sisiuta. Moitamo. Komi geya latuwomi kosiu go, avatauwa neta latuwodi sisiu, komi kosanabodedi. Tauna komi tokibobwata polapola! Oo komi ami toovalugo ae? [

Iyoni 12:10

Lasaloyana ina taoyamna pasina Diyuu badabadaidi adi tolovinayao sikalavedi go, Yeisu siinumise. Tauna kidi Gagaidi siyupu bego Lasalo nakae sikaumate.

Iyoni 12:19

E kidi go taudiva sibóbwara sidigo kadi, ‘Kogīta! Geya tayaamo kaga itoboineda taguinuwe bego Tauyana tasanabode. Gwa! Tomota liliudi sinonoina latuwodi Tauyana!’

Yemesa 4:5

Seki nakona konuwonúwana bego ina talavaita moe talavaita geya basabasainamo ae? Talavaitayana kana, ‘Yaubada Balomaina boi iyato sinaeda mana vakókala latuwona toina kita anetava Tauyana manuna!’