Luke 19:20 - Buki Kimaasabaina

²⁰ Ina pákwana aitonina ima idigo kana, “Tomoya, im mani tayamo boi kuuvinigu goame. Areko goi autube ayato ikaaiyaka dedevina.

Luke 19:20 ပူးပေါင်းရင်းမြစ်များ

Madiu 25:24

E pakoninayana aitonina boi mani tayamo tausani (1,000) bogina iikabidi nakae ibala ima idigo kana, “Tomoya, bogina ayagoim bego kom koroto kasakasaim im guinuwa goi. Nakae ituli ta koroto ibágula go, ina dibayoya kom kukabi. Tauna ituli ta tomota idi paisewa goi kom im esaesa kubabane.

Luke 19:13

E ikatubayasi ikavava, ina adi badabada yawou iduduwedi sima, tamo tamo mani tayamo ivinidi go, idigo kana, “Mani ame kokābi koepaisēwe ana kadókana akaluvilamna ama.” Ilatuwokoidi ikavava, itaoya ina.

Luke 19:19

E tomoyayana idigo kana, “Kom nakae asa ainima yaidi goi bei kuetolovīna.”

Luke 19:21

Bogina kuyagoi. Kom koroto kasakasaim im guinuwa goi. Nakae ituli ta koroto mani manuna ipaisewa go, maniyana kukabi. Ituli ta koroto ibágula go, ina dibayoya kukabi. Tauna amatoitem. Tuwo nakae aguinuwe.”

Luke 3:9

E Yaubada ina egamogamoguyana kíyama nakae. Kiyamayana bogina alova lamdi goi iyokaabubune, tauna ava kalovava neta sikéuwo goyogoyo, bei itaunanedi go, ikabidi ilavedi yeu goi igabudi. Tauna nakae ina egamogamogu giyakainava isowóduwo yaimi neta geya kotugavileta.’

Luke 6:46

Tuwaina Yeisu kana, ‘E kaga unana kokatomoegu go, kaga nakae alatuuwokoimi geya koguinuwedita?

Iyoni 11:44

Tuwo tokamasayana isowóduwo ima go, aena be nimana areko goi bogina uutubaidi. Maisina nakae paaimina areko goi. Yeisuyana ilatuwokoidi idigo kana, ‘Kotaligēi, kokalāve iketoiya!’ Tuwo nakae siguinuwe.

Iyoni 20:7

tayamo moe obáila karekoina, tayamo máisina ana kareko boi Yeisu dabana goi ikaaiyaka. Ago máisina ana karekoyana geya obáila karekoina taiyao, go sem tupwana masigava goi bilibilina nakae ikaaiyaka.

Yemesa 4:17

Tauna avatau neta iyagoi ava guinuwa dedevidi itoboine iguinuwedi go, geya iguinuwedita, e moe ina goyo.