Luke 19:13 - Buki Kimaasabaina

¹³ E ikatubayasi ikavava, ina adi badabada yawou iduduwedi sima, tamo tamo mani tayamo ivinidi go, idigo kana, “Mani ame kokābi koepaisēwe ana kadókana akaluvilamna ama.” Ilatuwokoidi ikavava, itaoya ina.

Luke 19:13 ပူးပေါင်းရင်းမြစ်များ

Madiu 25:16

Pakoninayana boi mani 5,000 ivinivini ikabidi ina ivaituwedi. Ina vaituwoyana goi mani 5,000 tuwaina ibabanedi.

Madiu 25:20

Tuwo pakoninayana boi mani 5,000 iikabidi ibala ima maniyadi 5,000 go, 5,000 tuwaina ivini kana, “Tomoya, boi mainao 5,000 kuvinigu go, kugīte, avaituwedi. Guna vaituwoyana moe 5,000 tuwaina.”

Madiu 25:22

E pakoninayana aiyuwoina boi mani aiyuwo tausani (2,000) iikabidi ibala ima idigo kana, “Tomoya, boi mani aiyuwo tausani (2,000) kuvinigu go, kugīte, avaituwedi. Guna vaituwoyana moe aiyuwo tausani (2,000) tuwaina.”

Madiu 25:24

E pakoninayana aitonina boi mani tayamo tausani (1,000) bogina iikabidi nakae ibala ima idigo kana, “Tomoya, bogina ayagoim bego kom koroto kasakasaim im guinuwa goi. Nakae ituli ta koroto ibágula go, ina dibayoya kom kukabi. Tauna ituli ta tomota idi paisewa goi kom im esaesa kubabane.

Luke 19:12

Idi nuwonuwanayana pasina tauna Yeisu idigo kana, ‘Tayamo koroto tomoya go, ina kasa goi ikaaiyaka ikatubayasi bei ina ituli ta dadava tupwana aduwanau goi. Amoko goi tolovina gagaina bei asa ina kalibúbuna iyato tomoyayana nimana goi. Ikavava, bei ikaluvilamna.

Luke 19:14

E kidi go toni kasayadi tomoya sikaolilive, tuwo tomota maniyedi sikinavedi adi katumapu, e tomoyayana mlina sietunedi sina tolovina gagaina silatuwoko sidigo kadi, “Geya latuwoma amo tomoyayana ikalibubuma.”

Iyoni 12:26

Avatauwa neta latuwodi bego yau guna tovaita, itoboine sisabokuuliyegu. Nako goi akaaiyaka, amoko goi bei guna tovaita nakae ikaaiyaka. Avatauwa neta sivaaitegu, Tamagu bei iwowooinedi.’

Galetiya 1:10

Moitamo. Mae guna livalayadi kasakasaidi go, manakae? Tomota ataamyabidi gea Yaubada aatamyabi? Geya, komi tomota! Guna livalayadi goi latuwogu atamyabimi bego Vala Dedevina avatuulukoimi kosabokuliyemnei. Manakae? Guna livalayadi goi nava apooikíkina bego tomota avauyaonedi? Geya! Neta latuwogu guna livala goi tomota siuyaonegu, moe nakae yau geya kada geya!

Yemesa 1:1

Komi Yaubada ina bodao yawou aiyuwo asa liliudi goi bogina kogala, Yau Yemesa, ida Yaubada be ida Tomoya , leta ame agini iwo yaimi. Uyagu!

2 Pita 1:1

Segowo, Yau Saimoni goi. Moe numisayana komi be kai sowoda.