Luke 19:12 - Buki Kimaasabaina

¹² Idi nuwonuwanayana pasina tauna Yeisu idigo kana, ‘Tayamo koroto tomoya go, ina kasa goi ikaaiyaka ikatubayasi bei ina ituli ta dadava tupwana aduwanau goi. Amoko goi tolovina gagaina bei asa ina kalibúbuna iyato tomoyayana nimana goi. Ikavava, bei ikaluvilamna.

Luke 19:12 ပူးပေါင်းရင်းမြစ်များ

Madiu 21:38

E kidi go tokatoguyadi sikandobala tauyana sigite imamaima. Tuwo aditava sibobóbwara kadi, “Amo toni tánuwo natuna imamaima. Tauyana tamana ana katumapu. Tuwo ima, tayōisi takaumāte bei tanuwoyana kita ida kaba lovina.”

Madiu 28:18

Ago Yeisu ibala ima ilatuwokoima idigo kana, ‘Lovina madabokina yábana goi be nakae poyapoya goi Yaubada Tamada bogina ivadamane yau yaigu.

Maki 12:1

E idi tolovinayao ivatulukoidi idigo kana, ‘Koroto tayamo ina tánuwo goi iwodugu. Iwodugu ikavava, tanuwoyana sinaena vada aba yáusa tayamo maanawena iyowo ituko ina. Iyowo ikavava, koroto maniyedi itagonedi tanuwoyana sikatoguye go, niga dibayoya ana tuta oine keuwoina maniyena bei toni tánuwo siemaisi. Tuwo tokatoguyadi sikaaiyaka tánuwo sipaaisewa go, kina toni tanuwoyana itaoya ina ituli ta dadava.

Maki 16:19

E tuwo tutayana ida Tomoya Yeisu ilatuwokoidi ikavava, Yaubada ikabi itukoe inave yábana goi, e wowoina basekoina Yaubada kakataina goi itusobu.

Luke 20:9

E Yeisu ivatowo livalakaibala ame tomota ivatulukoidi, idigo kana, ‘Tayamo koroto ina ina tánuwo goi kaka ibaguli. Ibaguli ikavava, koroto maniyedi itagonedi tanuwoyana sikatoguye go, niga dibayoya ana tuta goi oine keuwoina maniyena bei toni tánuwo siemaisi. Tuwo kidi tokatoguyadi sikaaiyaka tánuwo sipaaisewa go, tauyana itaoya ina ituli ta dadava goi bei ikaaiyaka tuta maanawena.

Luke 24:51

Yeisu ikaipaakuyedi go, ikalavedi o tadigo kada, ‘Yaubada itukoe inave yábana.’

Iyoni 18:37

E Pailato idigo kana, ‘Moitamo kom woi Tokalibúbuna tayamo ae?’ Yeisu idigo kana, ‘Kom bogina kudigoyabe bego yau Tokalibúbuna. Ame pasina yau abíbina nakae ame pasina ama poyapoya ame goi: Bego akaiwoduwe. Avatauwa neta Nanamsa Moitamoinayana tomotaidi, bei sopagu sikabikaone.’

1 Korinta 15:25

Moitamo. Itoboine ikaalibúbuna ana kadókana ina kaleyayao liliudi aena ogalaoina goi bogina iyatoidi.

Iberiu 9:28

nakae. Ana lovina goi sivatayamo Yaubada ikasale ámasa goi be tomota liliuda ida goyo ikabidi ikalavedi go, Tauyana bei aiyuwoina ikaluvilamna ima geya kada ida goyo manudi geya, go sem bei kita mada salau tatuuyaosi ada yava manuna.

1 Pita 3:22

Tauyana bogina ituko ina yábana goi mana lovina be mana togaga wowoina basekoina Yaubada kakataina goi iitusobu go, be yábana osasaina ana tovakumgoyao be ana totogagayao bogina sikatetagonedi Tauyana ina lovina goi.

Nuwogau 1:7

Konōve! Tauyana gaota goi isou imamaima. Tomota liliudi, nakae kidi Tauyana ana toginubasinayao, bei sigite. Boda liliudi Tauyana manuna bei sitáiya. Moitamo! E nakae!