Luke 18:22 - Buki Kimaasabaina

²² E livalayana kina Yeisu inove, idigo kana, ‘Go tayamo guinuwa nava kukiseeyeseye. Kūna konam liliudi kwaigimonēdi go, maisadi kwabīdi, kūna tookaidi yaidi goi kwaiguyauyēdi, e yábana goi bei kom mam esaesa. Kwaiguyauyedi ikavava, kūma kusabokuuliyēgu.’

Luke 18:22 ပူးပေါင်းရင်းမြစ်များ

Madiu 19:21

Yeisuyana idigo kana, ‘Neta latuwom Yaubada matana goi kumatuwo, e kūna konam liliudi kwaigimonēdi go, maisadi kwabīdi, kūna tookaidi yaidi goi kwaiguyauyēdi, e yábana goi bei kom mam esaesa. Kwaiguyauyedi ikavava, kūma kusabokuuliyēgu.’

Luke 10:42

Go tayamo dogoi itoboine kuguinuwe, moe guna vatulúkwana kutaiyakeke. Ame moitamo. Meri kugite? Tauyana dogoi dedevina bogina ikinave iguuinuwe go, geya vatau tayaamo bei isanabode.’

Luke 12:33

Kōna konami kokaigimonēdi go, maisadi kokabīdi tookaidi yaidi kokaiguyauyēdi. Moe nakae mani ana saisaira kowoodugudi go, saisairayadi geya sidaureta, tauna imi esaesa ikaiyako vata. O tadigo kada, “Yábana esaesaina kobabanedi go, geya ikavaveta.” Amoko goi tovaináwana geya itoboineyeta ima ivainao be manumánuwo geya itoboinedita sikaigoyai.

Luke 16:9

Ame yau alatuuwokoimi konōve: Da poyapoya idi esaesa goi tomota kovasiyanēdi bego tutayana kokámasa, aba kaiyaka vaatayaina goi bei siuyaonemi.

Luke 18:21

‘Moe lovinayadi madabokiidi lavayana yau boi gómana go, ima ame tuta, bogina akabikaaonedi’, tolovinayana kaena.

Luke 18:23

E kina go tolovinayana Yeisu ina livala inove, nuwona imou. Tauyana mana esaesa gagaina toina go, nukotona iyoi.

Luke 9:23

E tomota madabokidi ilatuwokoidi idigo kana, ‘Avatauwa komi neta latuwomi kosabokuuliyegu, toinimi yawoimi kokaasalēdi be nakae maliyalina tamo tamo goi toinimi imi kerose kokaavalēdi, namlieta baige kōma kosabokuliyēgu.

Pilipai 3:13

Segowo, yau geya anuwonuwoneta bego moe bogina ayoisi go, tayamo dogoi aguuinuwe moe kaga liliuna mligu goi anuwoilavedi go, tovavalákuna nakae kaga matagu goi akaanakova bei ayoisi.

2 Pita 3:8

E tayamo dogoi, guna kaloyao, taabu konuwooilāve. Dogoiyana bego ina nuwonúwana goi maliyalina tayamo moe nakae tala ana badabada tayamo tausani (1,000) go, tala tayamo tausani (1,000) moe nakae maliyalina tayamo. Tauna maliyalina be tala sivavasa Tauyana yaina.