Luke 16:24 - Buki Kimaasabaina

²⁴ Tuwo iduduwo idigo kana, “E tubugu Eberamo, kunuwokapisiyēgu. Yeu sabeninimina ame pasina gedageda gagaina aalotowo. Tauna Lasalo kuetūne ina bego nimana bwae goi ivakutui go, ima maegu isavaibute bei igietule.”

Luke 16:24 ပူးပေါင်းရင်းမြစ်များ

Madiu 25:41

E toogoyoidi kekelina goi iiyatoidi bei ilatuwokoidi kana, “Komi Yaubada bogina itakinoimi toogoyoimi. Tauna kosiyaēgu kōna yeu aiyako vaatayaina! Yeuyana Yaubada bogina ikatubayasi mana aneroseyao manudi.

Madiu 3:9

Ago taabu taumiva kodigoopopōita kami, “Kai tuwo unana kai Eberamo tubunao, tauna liuna bei geya kababaneyeta.” Nakae geya go, ame alatuuwokoimi konōve: Eberamo tubunaoyadi kaga? Yaubada itoboine gurewa ame ikabidi, e Eberamo tubunao imadagidi. Tauna neta komi Eberamo tubunao, moe geya ivaitemita.

Madiu 5:22

Go ame yau alatuuwokoimi konōve: Lovinayana ana yagoina toina ame nakae: Avatau neta siyana iegamogamoguye, e Yaubada ina liuna bei ibabane. Avatau neta siyana ilatuwoko kana, “Dabam ipatu”, kotu bei ibabane. Avatau neta siyana ilatuwoko kana, “Kom kuyaluwo”, bei ibabane.

Luke 16:30

E kina toesaesayana kana, “Tubugu Eberamo, moe nakae bei geya itoboineyeta, go sem neta tokámasa tayamo ina tauyadi yaidi bei situgavila.”

Luke 19:9

E Yeisu idigo kana, ‘Koroto ame Eberamo ina boda tayamo nakae, tauna ame tuta Yaubada ina yava bogina isowóduwo vada ame goi.

Luke 3:8

Tauna neta sayóyova vavagimi koma bego Yaubada ina egamogamoguyana yaina kosiya, e mainao imi tugavilayana goi keuwoimi dedevidi koguinuwēdi. Ago taabu taumiva kodigoopopōita kami, “Kai tuwo unana kai Eberamo tubunao, tauna liuna bei geya kababaneyeta.” Nakae geya go, ame alatuuwokoimi konōve: Eberamo tubunao kaga? Yaubada itoboine gurewa ame ikabidi, e Eberamo tubunao imadagidi. Tauna neta komi Eberamo tubunao, moe geya ivaitemita.

Iyoni 4:10

Go iya Yeisuyana idigo kana, ‘Neta Yaubada ina yabobona kuuyagoi be nakae yau bwae manuna akaawanoi kuyagoigu, e itoboine kom bwae maa yawoina kukawanoiye, bei avinim.’

Iyoni 4:14

go, avatauwa neta bwae yau avinidi sinimnim, e maedi geya siyapayápasa, go sem tauyadi nuwodi goi bei ikaubobóbwala be nakae idau vata, e bei yawoidi vata sibabane.’

Iyoni 7:37

E bogina aikayana ana maliyalina ana kaba lukavava go, moe maliyalinayana gagaina, e Yeisu itaoya niyana gagaina goi idigo kana, ‘Avatauwa komi neta maemi siyápasa, kōma yaigu bei konim.

Roma 4:12

Aiyuwoina Yaubada nakae iguinuwe bei Eberamoyana moe kidi sakavaidi kuuponidi tubudi nakae. Tauyadi moitamo sakavaidi bogina sikupoidi go, tuwaina tubudi Eberamoyana ina numisa kiyaena sivaekuli. Ina numisayana tagite tauyana yawoina goi tutayana sakavaina nava geya ana kupwanamo.

2 Tesalonáika 1:8

yeu sabeninimina ikalinibisidi go, sisou simamaima. E ina sowoduwoyana goi avatauwa neta Yaubada geya siyagoiyeta be nakae ida Tomoya Yeisu Valena Dedevina geya sikabikaoneyeta, bei ikatumapudi.

Yemesa 2:13

Neta sedao geya tanuwokapisiyedita, e Yaubada nakae ina takínona goi geya inuwokapisiyedeta. Avatauwa neta tonuwokapisi, Yaubada ina takínona geya simatoiteyeta, go sem Yaubada ina nuwokapisi bei sibabane.

Yemesa 3:6

Sopada ina sinapu tauna yeu nakae. Poyapoya sinapuna goyogoyoina ina kaba kaiyaka moe sopada go, sopadayana yaida goi ikaaiyaka nakae yeu ivakalatétala, tauna sakavaida madabokina ikaiigoyai be nakae yawoida madabokina ana kaba vatowo go, ina ana kaba lukavava goi ikaiigoyai. Ina togaga unana moe tauyana ana tolovina goi imamaima. Go geya itoboinedeta tagiepanaisidi.

Nuwogau 19:20

Go Tauyana osi poowouna goi iitulaga itaoya, woiwoiyana be nakae polapolayana iyoisidi. Tokabivalavalayana boi aba kinana imadagidi, e aba kinanayadi goi tomota ikatubaudi. Amo tauyadi woiwoi ina katukatu nimadi o dabadi goi sikaupakiyedi nakae tokwalu woiwoi maisiyana yaina sisaakululu. Tuwo adi taiyuwokova iyoisidi ilavedi ma yawoidi sisou sina yeu sabeninimina poiseni mokauna taiyao sinaedi goi.

Nuwogau 20:15

Avatauwa neta yoidi yawana vata bukina goi geya sikaiyaketa, e nakae ilavedi sisou yeu sabeniniminayana gagaina toina sinaena goi.

Nuwogau 22:1

Amo ikavava, kebadi esaesa goi idausobu ima