Luke 16:16 - Buki Kimaasabaina

¹⁶ Tauyana ima ina sowóduwo italavaite. Amo tutayana go, ima ame Yaubada ina kalibúbuna ina sowóduwo Valena Dedevina atalavaite bei boda liliudi atamyabidi sisiu.

Luke 16:16 ပူးပေါင်းရင်းမြစ်များ

Madiu 10:7

E kōna kotalavāita yaidi kami, “ bogina imaiyaba.”

Madiu 15:11

Kaga tobuda goi isiu, geya ikibaibailideta, go sem kaga tobuda goi isowóduwo, e moe ikibaibailida.’

Madiu 21:32

Moe moitamo. Iyoni iwo yaimi goi ana kibóbwata italavaite go, komi geya konumiseyeta. Go kidi takisi adi togogo be nakae tomatagogoli sinumise. E komi matami goi amo kogite go, tuwo niga komi geya kotugavileta be tauyana konumise.’

Madiu 3:2

idigo kana, ‘Kotugavīla! bogina imaiyaba bei itoboinemi kosiu.’

Madiu 4:17

E tuwo Yeisu ina talavaita ivatowo idigo kana, ‘Kotugavīla! bogina imaiyaba bei itoboinemi kosiu.’

Madiu 4:23

Galili ana madabokina goi Yeisu ivanibiníbita go, tamo tamo goi ivaatulúkwana be nakae Yaubada ina kalibúbuna Valena Dedevina itaalavaite. Tauyadi neta ituli ta visiyava siyooisidi be nakae tokatówana liliudi ikidedeevinedi.

Maki 1:14

E gávana ilovina Iyoni siyoisi deri goi sivaisiu. Iyoni ana yoitayana mlina kina Yeisu itaoya ina Galili ana dadava goi Yaubada Valena Dedevina itaalavaite,

Maki 1:45

E kina go korotoyana ina Tonúwala yaina iguinuwe nakae Yeisu ilatuwoko go, Yeisu ina sanaboda geya ikabikaoneyeta, go sem ina tomota yaidi ivatowo Yeisu ina guinuwa tetelina italavaite. Tuwo Tauyana valena isagayako. Tauna geya tuwaina itoboine asayadi sinaedi goi ivamaamaétala, go sem ina yoyowo goi ikaaiyaka. Go asa liliudi goi tomota simamaima Tauyana yaina.

Luke 10:11

“Bei kakalavemi go, imi kasa kaukauna aema goi nakae kasapinunui kakalave. Moe imi katumátala bego Yaubada itavileiyemi. Ago ame konuuwāisi: Yaubada ina kalibúbuna bogina imaiyaba.”

Luke 10:9

Ago tokatówana asayana goi kokidedevinēdi namlieta kolatuwokōidi kami, “ bogina imaiyaba yaimi bei itoboinemi kosiu.”

Luke 16:29

Go kina Eberamoyana idigo kana, “Geya. Buki kidi Mosese be nakae Yaubada ina tokabivalavalayao liliudi boi siiginidi nava sikaaiyaka yaidi. Idi livalayadi, tuwo semowo itoboinedi siinovedi be sikabikaaonedi.”

Luke 16:31

E kina Eberamoyana idigo kana, “Neta Mosese be Yaubada ina tokabivalavalayao liliudi idi livala bei geya sinovedita, e nakae tomota tayamo neta ámasa goi itaoyamna ina yaidi, geya itoboineyeta itamyabidi situgavila.”’

Luke 9:2

Ivinidi ikavava, ivatulukoidi namlieta ietunedi sina valena sitalavaite be tokatówana sikidedevinedi.

Iyoni 1:45

Pilipo ina Nataniela ibabane idigo kana, ‘Siyagu, Guyau manuna boi nimatu kidi Mosese Yaubada ina Katukeda goi igini be nakae Yaubada ina tokabivalavalayao idi buki goi sigini, e Tauyana bogina kababane! Moe Yeisu, Iyosepa natuna, guma Nasareta.’

Iyoni 11:48

Neta Tauyana tatagone nakae iguuinuwe, tomota liliudi bei sinumise go, da bei sima kita ida Vada Kimaasabaina sitauwe be nakae ida tomota sikaumatedi!’

Iyoni 12:19

E kidi go taudiva sibóbwara sidigo kadi, ‘Kogīta! Geya tayaamo kaga itoboineda taguinuwe bego Tauyana tasanabode. Gwa! Tomota liliudi sinonoina latuwodi Tauyana!’

Guinuwa 3:18

Go konuwokavāte boi Yaubada ina ina gedageda bei ibabanedi. Tauna nakae ina livalayana imalatomota.