Luke 15:29 - Buki Kimaasabaina

²⁹ Go kina botomoyayana kana, “Iyaa! Tala maanawena manum apaaisewa. Talayadi goi geya tayaamo im lovina akapipilave go, yau geya kuuvinigu bego segowo taiyao kakáika be kauyáwana.

Luke 15:29 ပူးပေါင်းရင်းမြစ်များ

Madiu 20:12

sidigo kadi, “Kai maliyalina ana madabokina goi paisewa gagaina kaguuinuwe be nakae níyala gagaina goi kapaaisewa go, kidi továmliya awa tayamo toito goi sipaisewa. Ago kom im guinuwa yaima goi madabokima kavavasa.”

Luke 15:28

Go botomoyayana gamona igoyo toina, e geya latuwona vada isiu. E kina go tamanayana isowóduwo ina natuna yaina goi ikawanoi makimaki kana, “Kusīu.”

Luke 15:30

E moe natumyana tomatagogoli yaidi goi im esaesa isikolakolave go, tutayana ima, im lovina goi bulumakau bonatunayana bobíbina siyoisi sikaumate ana káika manuna!”

Luke 15:7

Ame alatuuwokoimi konōve: Yábana goi bei nakae. Toogoyoina tayamo ina tugavila pasina yábana goi bei siuyáwana gagaina namlieta naintinain (99) bego pasidi. Amo tauyadi sinuwonúwana kidi bogina tokibóbwata, tauna idi nuwonúwana bego tugavila tuwo.

Luke 17:10

Komi nakae itoboine pakonayaoyadi nakae koguinuwe. Tutayana kaga liliuna imi tomoya iloviinaemi bogina koguinuwedi, kodīgo kami, “Kai im pakonayao, tauna taabu kuvaaiwowōima. Kaga nakae kulatuuwokoima bogina to kaguinuweyamo ame tauna.”’

Luke 18:9

E tomota maniyedi toinidi sinumisedi bego kidi go, sediyao sikaolilivedi. E amo tauyadi nakae Yeisu livalakaibala ame ilatuwokoidi idigo kana,

Luke 19:21

Bogina kuyagoi. Kom koroto kasakasaim im guinuwa goi. Nakae ituli ta koroto mani manuna ipaisewa go, maniyana kukabi. Ituli ta koroto ibágula go, ina dibayoya kukabi. Tauna amatoitem. Tuwo nakae aguinuwe.”

Roma 10:3

Ame moitamo. Yaubada ina kibóbwata ina sitamogemogeye. Tuwo sipoikiki bego toinidi idi túwana siwodugu aditava manudi bego kidi anasíuna tomotaidi kiboobosidi. Tauna Yaubada ina kibobwatayana ina kanasíuna manuna geya siuyaoneyeta.

Roma 3:20

Tauna Atukedayana ana guinuwa goi geya vatau tayaamo kina Yaubada bei ivayoko kina kiboobosina. Atukedayana ina paisewa moe bego tayagoi goyo kaga. Ame tauna.

Roma 3:27

Tauna ida gágasa manakae? Kita Diyuu itoboineda tagágasa bego Totuyoyowo tatobusavedi? Geya! Gagasayana Yaubada bogina isanabode, tauna geya itoboineyeta. Enao vau bogina isowóduwo. Neta nakae, Yaubada ina Katukeda ana kamoitamo manakaena isowóduwo? Atukedayana ana guinuwa goi? Geya, go sem numisa goi.

Roma 7:9

E yau maa yawoigu akaaiyaka boi mainao Yaubada ina Katukeda nava geya isowoduwoita. Go Atukedayana ana lovina yalagau manuna isowóduwo ima, e goyo matabuwona itaoya, ivatowo ipaaisewa yaigu goi.

Nuwogau 2:17

Avatauwa komi neta ma taaiyami, e Baloma Kimaasabaina ina livala Tomoya ana totugugunayao yaidi konoveedokōidi! Avatauwa komi neta kootogaga, e mana vamoounina bei avinimi kokáika. Aiyuwoina gurewa poowoudi bei avinimi. Gurewayadi goi you vau sikaaiyaka go, youyadi geya vatau tayaamo iyagoidi, go sem komi togogo amitava koyagoidi.”’

Nuwogau 3:17

Komi kodigo kami, ‘Kai toinima nimama goi kaetoesaesa. Dogoi liliuna bogina yoiyama’ go, geya koyagoiyeta bego komi ami toovalugo, komi aba nuwokapisi, komi tookaimi, matami sikebo be nakae ma paawakumi.