Luke 14:21 - Buki Kimaasabaina

²¹ Geya, tuwo pakoninayana ikaluvila ina ina tomoya ilatuwoko tomota idi katae manuna. Tuwo kina tomoyayana mana egamogamogu idigo kana, “Woilīm kūna asa adi kenao liliudi goi tookaidi, tokaituko, tokebo, topem kwabīdi kumēdi sikáika!”

Luke 14:21 ပူးပေါင်းရင်းမြစ်များ

Madiu 11:28

Avatauwa komi topoisógana o mou adi tokavala, komekōigu bei waiwasi avinimi.

Madiu 15:12

E tuwo kai Yeisu ina tovatotowanayao kama Tauyana yaina kama, ‘Tomoya, kidi Parisi im livala sinove, gamodi igoyo.’

Madiu 18:31

Tauna pakoninayana ina tosavaiyuwo maniyedi sikaaiyaka, siyadi ina guinuwa liliuna sigite. Tauna sikategeda gagaina. Tuwo sina idi tomoya yaina goi kaga liliuna iisowóduwo sigite sitalavaite.

Madiu 20:7

Tauyadi sidigo kadi, “Geya, unana geya vatau tayaamo ilatuwokoima kapaisewa.” Korotoyana idigo kana, “Komi nakae kotāoya kōna guna tánuwo goi kopaisēwa.” Tuwo moitamo sina sipaisewa.

Luke 14:13

Go sem tutayana áika gagaina kuguinuwe, tookaidi, tokaituko, topem be tokebo kududuwēdi sima sikáika.

Luke 14:20

Koroto aitonina kana, “Makaitaga anai. Moe pasina geya itoboineguta ao aikayana goi.”

Luke 14:22

Tuwo pakoninayana ina nakae iguinuwe. Ikavava, ikaluvilamna ima ina tomoyayana ilatuwoko idigo kana, “Tomoya, kaga liliuna kuudigedi bogina aguinuwedi go, nava im vada geya ikayaodeta.”

Luke 14:24

Yeisu kana, ‘Ame moitamo. Ame alatuuwokoimi konōve: Geya tayaamo tomota boi mainao agimiiduduwe guna káika manuna bei ikáika.’

Luke 24:47

Aiyuwoina sigini bego Guyauyana yoina goi ina tosabokuliyao bei sitalavaita tomota liliudi yaidi goi bego situgavila, e bei Yaubada idi goyo inuwotaoidi. Ago ameko Yerusalema goi bei sivatowo sina asa liliudi goi sitalavaite.

Luke 9:10

Yeisu ina sikaluvilamna sima Tauyana yaina go, kaga liliuna idi vaníbita goi siguuinuwedi sivatétala adi kaibako. Tuwo Yeisu ikabidi, boda asa amo goi sikalavedi go, taudiva sina asa yoina Betesaida.

Iyoni 9:39

Tuwo Yeisu idigo kana, ‘Takínona manuna yau ama poyapoya ame goi bego kebokeboidi itoboinedi sigita go, tauyadi sigitagita matadi sikebo.’

Iberiu 13:17

Imi tovakumgoyao kokabikaonēdi be nakae yaidi goi kokatetaagonēmi. Moitamo. Tauyadi yawoimi simatakaavatedi unana nava bei idi paisewayana Yaubada matana goi sitalaseyane. Ago idi matakavatayana goi madi uyáwana sipaisēwa go, geya adi romgimo. Neta komi geya imi kabikawanamo pasina siromgi, moe geya ami dedevinamo manuna geya.

Iberiu 2:3

Neta amo tauyadi idi kapipilova pasina liuna sibabane, e kita bei manakaeda neta yava gagaina valena takatae? Valayana boi ida Tomoya igimitalavaite go, tauyadi sigiiminove sikamoitamoe yaida. Ago valayana ana kamoitamo Yaubada nakae italavaite kidi taiyao ame nakae: Ina nuwonúwana goi aba kinana kainaaopaidi be ina kaiguyau tamo tamo tomota iivinidi. Manakae? Neta amo valayana taakatae, bei itoboineda liuna tasiyae? Geya! Tauna tayagoi valayana moe gagaina.

Yemesa 2:5

Konovēgu, guna kaloyao! Tookaidiyadi da poyapoya matadi goi sitokai go, kina Yaubada ikinavedi idi numisa pasina siguyau be nakae ikalibubudi nakae boi ikaatotule Tauyana ana tomatakoiyao yaidi ae?

Nuwogau 19:15

Go Tauyana tobuna goi sisi sooinina nakae iisowóduwo bego goi ivavetevetedi; aba vavetavetayana moe Yaubada Tokalika toina ina egamogamogu gagaina.

Nuwogau 22:17

be nakae Yeisu ana totugugunayao moe ina tonai vavina nakae sidigo kadi, ‘Kūma!’ Komi ame bukiyana ana totaiyakekayao kodīgo kami, ‘Kūma!’ Avatauwa komi neta dava kokamakámasa go, latuwomi, e kōma bwae maa yawoina geya ana maisamo kokābi, konīm!