Luke 12:41 - Buki Kimaasabaina

⁴¹ E kina idigo kana, ‘Tomoya, moe livalakaibalayana kai ametava kulatuuwokoima gea boda liliudi nakae kulatuuwokoidi?’

Luke 12:41 ပူးပေါင်းရင်းမြစ်များ

Maki 13:37

E kaga alatuuwokoimi, tomota liliudi alatuuwokoidi, moe koyauyāusa.’

Maki 14:37

Ikawanoi ikavava, ikaluvila ima ina tovatotowanayaoyadi ibabanedi sikanaamatáiya, tuwo iwoinidi, e Pita ilatuwoko idigo kana, ‘Saimoni, manakae? Kom kuumasisi? Manakae? Geya itoboinemta tuta giiyaina goi kuyauyáusa ae?’

Luke 12:47

E amo pakoninayana ina tomoya ina nuwonúwana bogina iyagoi go, geya ikatubayasiyeta nakae geya iguinuweyeta kaga nakae ina tomoya latuwona, tuwo ina tomoya bei idabi gagaina.

Luke 12:48

Ego avatauwa neta tomoya ina nuwonúwana geya siyagoiyeta go, idi guinuwa pasina itoboine dábina sibabane, e adi dabinayana giyaina bei sibabane. E nakae avatauwa neta adi kaiguyau gagaina Yaubada ivinidi, latuwona aiguyauyana siepaisewedoko Tauyana manuna. Avatauwa neta adi kaiguyau gagaina toina goi Yaubada inumisedi, e latuwona adi kaiguyauyana siepaisewedoko gagaina toina.’

1 Pita 4:7

E dogoi liliudi idi tuta ana kaba lukavava bogina ikaponapona. Tauna imi sinapu be imi nuwonúwana kokabikuunuīdi, e bei itoboinemi kokawanoi dókana Yaubada yaina.

1 Pita 5:8

Toinimi kokabikuunuīmi be nakae koyauyāusa. Ada tovakaleya sasasaina nakae mana gou ivanibiníbita ana tomota ilusala bei ikanisave.